04/05/2019
Introduce yourself ؟
معظم الناس لما بتاخد كورس English كل اهتمامها بيكون على الشهادة اللي هتخليهم يعدوا من الinterview أكتر من محتويات الكورس أو إيه الاستفادة من الكورس بعد لما أخلصه وده بيرجعنا للاعتقاد الخاطىء المترسخ في عقول الكتير مننا إن الشهادة كل لما كانت معتمدة أكتر كل ما ده هيتيح لينا فرصة أكبر في اجتياز الinterview وبيخلينا ننسى إن إتقان مهارات اللغة من ال reading -speaking – listening – Writing
هو الهدف الحقيقي اللي المفروض كلنا بنسعى له لإن ده اللي هيوفر لنا فرصة العمل المميزة وهيساعدنا إننا نتعلم ونتطور أكتر لإن زي ما إحنا عارفين إن معظم مصادر ال education بتكون English في أي مجال أكتر وأقوى من العربي، أو هيقوي فرصتنا في الحصول على منحة.
إنك تتعلم English ده بقى مش اختيار كلنا محتاجين ال English سواء في الشغل أو الدراسة أو المنحة والسفر.
إنك تتعلم English ده شىء مش صعب ومش سهل برضع.
إنك تتعلم ال English لوحدك ده ممكن وفي ناس كتير نجحت في ده بس في مشكلة عند أغلبنا وهي الكسل وعدم الالتزام وكلنا مش بيبقى عندنا الإرادة والاستمرارية نتعلم لوحدنا وبيبقى عندنا مشكلة في كيفية تطبيق اللي بنتعلمه أو في ال communication أو ال activates اللي نقدر نمارس بيها اللغة عشان كده لما تيجى تختار الطريقة اللي هتتبعها في دراسة الإنجلش لازم تقارن وتشوف بين الطرق المختلفة اللي هتساعدك تحقق هدفك وتوصل لاحتياجك سواء الطريقه دي في مكان ما أو لوحدك، دور دايمًا على ال Benefits و ال values اللي هتستفادها.
