أسرة عيون مصر - كلية التجارة

" ‏اللهم لا تقطع أجر أبي ولا ذكراه في الأرض
وهب لقبره سعة ورحمة لا يُرى لها نهاية "

الواقع المر

صباح الخير لاحلي شباب
مين فينا معملش الحاجات دي
انا اعتبر عملتها كلها

تحيه لشباب جيلي العظيم

إحنا آه كبرنا بس اللي عيشناه محدش هيعيشه تانى
إحنا آخر جيل إتعلم اللعب فى الشارع , وأول جيل بدأ يلعب فيديو جيم وإتفرج على الكارتون بالألوان , وإتفسحنا في الجناين ,
إحنا الجيل اللى كان عنده تليفزيون واحد فقط و بنتفرج عليه بعد تصريح من الوالد
إحنا آخر جيل كان بينام بدرى
إحنا آخر جيل كان بيصحى الصبح على إذاعة الشرق الأوسط أو البرنامج العام
إحنا اللى كنا بنعمل مسابقة أجمل شارع فى زينة رمضان
إحنا اللى كنا عايشين طفولتنا على أغانى عمرو دياب و إيهاب توفيق ولولاكى
إحنا اللى كنا بناخد جوايز شهادات إستثمار
إحنا اللي كنا بنصور بكاميرا وفيلم و تحميض , مش ديجيتال
إحنا كان عندنا تواصل إجتماعى حقيقى بعيد عن الموبايل و الإنترنت
إحنا آخر جيل كان بيسجل الأغانى من الراديو , كنا بنسمعهم على الـWalkMan
إحنا إتعلمنا إزاى نبرمج الفيديو قبل أى حد , إحنا اللى لعبنا على الأتارى و سوبر نيتيندو وماريو
إحنا اللى كنا بنسافر فى العربيات اللى من غير حزام آمان ولا كيس هوا ,
إحنا اللى عيشنا من غير محمول وكنا على إتصال ببعض
إحنا اللى كنا بنأجر العجل ونجرى بيها من غير فرامل
إحنا لا شفنا بلاى إستيشن ولا تليفزيون فيه أكتر من 100 قناة
إحنا لا شفنا شاشة مسطحة ولا 3D ولا صوت مجسم ولا Mp3 ولا Ipod
الجيل اللى إتلغى من عليه التحسين فى الثانوية العامة
إحنا جيل كان بياخد مصروف نص جنيه وكان بيجيب شيبسي و لبان و لوليتا
إحنا بتوع بم بم
نسيت كابتن ماجد وبقلظ وماما نجوى واغانى ايمان الطوخى وعبدالمنعم مدبولى مش اوكا واورتيج
وكمان احنا اخر جيل كان بيشتري مسدس و بومب في العيد حاليا بيشتروا ديناميت ومدسدسات خرطوش ويمكن ملوتوف
كنا بنستنا الفيلم الهندى فى العيد ،، وكنا بنجلد الكتب المدرسية فى المطبعة
جيل كابتن ماجد ومازينجر وجرينجايزر وماوكلى فتى الأدغال
إحنا اللى عملنا الشراب كوره
احنا الجيل اللى اشترى ازازة الكوكاكولا بربع جنيه . . آخر جيل لعب بالكازوز و عمل منه عجل للعربيات الخشب غير فرده و تصنيع اشكال منه . . اخر جيل كان بيتلم علي مسلسل سبعة و ربع و مسرحية يوم الخميس و حفلات أضواء المدينة وليالى التلفزيون . . . احنا اخر جيل كانت المتعة بالنسبة له بمواعيد عشان كده الفيديو و الأتاري بالنسبة له كانت متعة لا نهائية . .
احنا جيل مصروف ربع جنيه في اليوم .. و في الاعياد عدية 10 جنيه
احنا الجيل الى كنا لما نحب نتفرج على فيلم اجنبى نستنى اخ الاسبوع تاكسى السهرة او بانوراما فرنسية مش زى دلوقتى فى قنوات مخصصة للاجنبى
احنا اخر جيل كان بيعمل الكوكتيل بتاع الاغاني ب10جنية ساعة ونص علي شريط TDK
جيل أميجو اللى بينور ومسابقات لبان على بابا
احنا الشباب النيتي
جيل لا يعرف الفشل , واللي كان بيخش مدرسة خاصة يبقي نادر اوي
تحيه كبيييييييييييييييييييره للجيل ده..... حد هنا من الجيل ده يقدر يكمل ؟

مأثره جدا

هو الشاب الي مطلوب منه يجيب شقه وشبكه ومهر وعفش و يشتغل شغلانه بشهادته وتليق بمستواه
ولان الحلال اجمل سانتظر

على فكرة مِش شرط يعني إننا نتعب مِن مرض! .. ممكن نتعب من مشاكل جوانا محدش حاسس بيها أو كلآمـ مِش قادرين نقوله! =( :'(

انا الحوت
علشان كده بقول انا ايه الحب والفلفه الي انا فيها دي 😀

فرحت جدا لما لقيت الاعلان دا فى وسط الكليه انهاردة

كفايه بقا مصالح - عمولات - استغلال

#ارتقواااا

حفل استقبال الطلاب اليوم .. و تزين الكلية
شكر خاص لرجالة الجوالة علي الشغل دا ..
وشكر خاص لكل من ساهم فى حفل الاستقبال :)

كل عام وانتوا بخير :)
انهاردة كان اول يوم دراسه
تمنياتنا لكل الطلاب بالتوفيق باذن الله .

ههههههه بتحصل بتحصل