29/06/2025
السلام عليكم يا شباب،
عارفين إننا اتأخرنا عليكم في الإعلان عن الجهاز الجديد، وده كان بسبب بعض الإجراءات الرسمية الخاصة بالجهاز السابق، وكمان علشان نختار حاجة تكون فعلًا مناسبة ومؤثرة.
وحبينا نختم السنة الهجرية ونبدأ السنة الجديدة بحاجة تفضل جارية في ميزان حسناتنا، لينا ولأهلينا، فكانت دي صدقتنا الجارية بعون الله.
والحمدلله استقرينا على خطوتنا الجديدة...جهاز ميكروموتور عالي السرعة لجراحات الوجه والفكين بيستخدم فى تثبيت وإعادة بناء عظام الوجه المكسورة.. استئصال أورام الفك.. علاج التشوهات الخلقية فى الجمجمة والفكين زى craniosynostosis.. جراحات ترقيع عظمي زى fibula free flap..
عمليات الشفة الأرنبية وسقف الحلق.. وغيرها
ليه الجهاز دا بالذات؟؟
الجهاز دا على رأس أولويات مركز الحروق والتجميل حالياً وبدونه صعب إجراء النوع دا من العمليات بجودة وأمان كافيين.. خصوصاً أن العمليات دى معقدة جداً وتكلفتها فى القطاع الخاص غالية تتعدى ال500,000 جنية لدرجة أن المريض ممكن يأجر الجهاز بس من برا بخلاف الشرائح والمسامير فحتى بيبقى مبلغ مش بسيط خالص حتى للعمليات فى الجامعة... وبالتالى الجهاز هيخدم مرضى كتير جدا فى عمليات اسبوعية ان شاء الله
اسم الجهاز: Bojin High-Speed Drill
التكلفة: التكلفة الكاملة للجهاز بكل الملحقات تقارب مليون جنيه
في متبرع آخر هيتكفل بباقي الأكسيسوريز بتكلفة تقرب من 650 ألف جنيه.
واحنا بعون الله نقدر توفر الجزء الأساسي (الموتور + الهاند بيس + بعض الأكسيسوريز البسيطة) بتكلفة 400,000 جنيه.
بنفكركم أن المبلغ مش كبير خالص لو كل واحد شارك ولو بجزء بسيط وبالإستعانة بالله نقدر نجيبه فى أقرب وقت بعون الله...اللهم تقبل صدقاتنا، واجعلها في ميزان حسناتنا، وسببًا لدخولنا الجنة يا أرحم الراحمين
قال تعالى ("خُذْ مِنْ أَمْوَٰلِهِمْ صَدَقَةًۭ تُطَهِّرُهُمْ وَتُزَكِّيهِم بِهَا وَصَلِّ عَلَيْهِمْ ۖ إِنَّ صَلَوٰتَكَ سَكَنٌۭ لَّهُمْ ۗ وَٱللَّهُ سَمِيعٌ عَلِيمٌ")
InstaPay (حساب بنكي):
https://ipn.eg/S/yahiamaher/instapay/4boR2Y
https://ipn.eg/S/ahmedhafez2001/instapay/8OEyTI
https://ipn.eg/S/abdulrahmanelrefaey/instapay/38Vgav
Vodafone Cash:
01019846807
01013946192
