04/04/2026
عزيزي ولي الأمر
همسه فى أذن أولياء الأمور
👈لما تسيبوا عيالكم سهرانين ع التليفونات أو ف الشارع لحد الفجر ومش عارفين يحضروا حصة بعد الظهر يبقي بالله عليك متفتكرنيش بس ساعة ظهور الدرجات...
👈لما كل المشاوير ( لبس عيد- كشف دكتور - رايحه عند خالتى - هاجيب كوتشى اصل مينفعش اجيب الكوتشى مع لبس العيد يبقي عيب وغيره ) كل ده مبيحضرش الا ساعة الدرس يبقي بالله عليك متفتكرنيش بس ساعة ظهور الدرجات...
👈لما نص العيال مضيعة الكتب والملازم ومش عارفين هى فين لكن لو التليفون غاب دقيقه بيجيلهم مرض الرعاش يبقي بردوا متفتكرنيش بس ساعة ظهور الدرجات...
👈لما نعمل امتحان ونص العيال تغيب بعد تعب تصويره وتصحيحه يبقي متزعلش من مستوى ابنك...
👈لما عيالكم يغيبوا بالحصتين والتلاته ورا بعض وحضرتك مش عارف وعايزنى اسيب اللى ف ايدى واروح اصحيه من النوم واقولك يبقي متفتكرنيش خالص اخر السنة...
👈لما نيجى نحاسب ابنك أو بنتك وتقولى يامستر بالراحة عليه أصل بنتى أو ابنى حساس ونايتى ونفسيته بيجيلها اسهال...
يبقي عليه العوض
🙏🙏🙏🙏🙏🙏🙏 وماترميش فشل ابنك عليا...
يعلم الله أن كل المدرسين بيعانوا مع أجيال الأيام دى معظمهم إلا من رحم ربى ماعندهمش استعداد يتعلموا وعامل حسابه يغش زى كل سنة و يعدى و يضيع تعب زميله المجتهد...
و كله بيفتكرك بس ساعة الغرقة...
🙋🏻♂️🙋🏻♂️🙋🏻♂️🙋🏻♂️🙋🏻♂️🙋🏻♂️🙋🏻♂️
انتبهوا لعيالكم وساعدوا مع المدرسين ايد لواحدها ماتسقفش المناهج اللي جاية كلها مستواها عالي جدا و مش هيمشي فيها اللي الطالب اللي متأسس من كي جي
👍👍👍👍👍👍👍
ربنا يبارك ف أولادكم جميعا ويقر بهم أعينكم🌹
