27/07/2023
بسم الله نبدأ دروبًا جديدة.
عزيزي طالب الثانوية العامة .. هكلمك في البوست ده بالعامية خالص عشان تفهمني.
البوست ده خاص بطلبة تالتة ثانوي، وطلبة أولى وتانية ثانوي كذلك .. نفس النظام في التعامل.
ركز معايا كويس .. بالنسبة لطلبة تالتة ثانوي التعامل معاهم يكون له نظام خاص بهم .. لأن دي أهم سنة في المرحلة التعليمية في حياتهم.
مدة الحصة هتكون ساعتين، دا حرصاً مننا عليك، الحصة يكون فيها مُتسع من الوقت نقدر نشرح ونوضح ونجيب المادة من الصفر إن شاء الله.
-طالب يقولي : ساعتين كتير جدا احنا معندناش إلا العربي ولا إيه
=أقولك لا عندك مواد تانية .. وعندك يوم طويل فيه ٢٤ ساعة تقدر ترتب وقتك ونظم نفسك والساعتين بتوع العربي هيبقوا خُفاف عليك .. ومفيش ملل إن شاء الله.
تعالوا نتكلم عن كل فرع من فروع المادة، وطريقة التعامل معاه.
هتكلم كلام مجمل، وفي أول حصة هنوضح لك كل حاجة.
#أولا: فرع النحو.
النحو محتاج تلات حاجات ١- تفهم الدرس ٢- تذاكر اللي اتشرح لك ٣- تحل عليه كتير.
وإن شاء هنطبق معاك التلات حاجات دول.
هنشرح النحو من الصفر حتى الاحتراف يُشرح بأدق أدق التفاصيل .. هنجيب لك المعلومة وتنتدرج معاك فيها إلى أن تصل إلى النهاية .. يعني النحو من الصفر حتى الاحتراف + التطبيق (الحل) على كل جزئية اتشرحت لك .. لأن كثرة الحل بفهم هي اللي هتحسن مستواك في المادة، وهتنقلك من مكان إلى مكان تاني فيها إن شاء الله.
هتحب النحو بالفعل مش بالكلام.
#ثانياً: البلاغة.
هنشرح لك المنهج من أولى ثانوي حتى منهح تالتة ثانوي بالتفصيل لكل معلومة + التطبيق على كل درس، لأن الحل أهم حاجة في المادة، ومش حل وخلاص حل بفهم .. ليه اخترت الإجابة دي وسبت باقي الإجابات .. زي ما قولنا.
#ثالثاً : الأدب.
الأدب محتاج فهم + حفظ.
الأدب والبلاغة مع بعض هيساعدك في حل سؤال النصوص .. فركز فيهم جامد.
#رابعاً : القراءة.
أنت عارف بأنها بقت متحررة هنتعامل مع قراءة المنهج على أساس أنها متحررة، ونعرفك إزاي تقرأ قطعة قراءة متحررة، وتحلها، وخليك فاكر بأنه كل ده يأتي مع كثرة الحل.
#خامساً : النصوص.
أنت عارف برده بأنها بقت متحررة هنتعامل مع نصوص المنهج على أساس أنها متحررة، ونعرفك إزاي تحل نص متحرر، وخليك فاكر برده بأنه كل ده يأتي مع كثرة الحل .. واللي هيساعدك في النصوص المتحررة اهتمامك أولاً بالبلاغة والأدب.
وهنربط ما بين الأدب والبلاغة والنصوص لأن التلات فروع لهم علاقة ببعض.
#سادساً : التعبير
هنعرفك تكتب موضوع تعبير إزاي .. إيه هي المهارات اللي تساعدك على كده هنعرفك تحل التعبير الموضوعي(اختر)، علامات الترقيم، الهمزات، وكتابة موضوع خالي من الأخطاء الإملائية والنحوية ،والتعبير المقالي، والوظيفي.
#سابعاً : القصة.
هنشرح لك القصة.
ونعرفك الأسئلة بتيجي إزاي فيها.
وكل ده مش هيجي من يوم ليلة .. معاك سنة دراسية كاملة خلي نفسك طويل يا بطل 💪
#أهم حاجة المتابعة الدورية بالحل على ما سبق دراسته .. وامتحان شامل لما شُرِح.
#عدد الطلبة في المجموعات مش هيكون كبير .. يسمح لك بأنك تسأل وتستفسر عن أي معلومة مش واضحة لك
.
16/07/2023