12/05/2026
📢 تنبيه هام: تعليمات أداء امتحانات "أبناؤنا في الخارج" 🇪🇬
إلى جميع أولياء الأمور والطلاب فيما يلي الخطوات الرسمية والمبسطة لآداء الامتحانات (نظام الـ PDF) وليس الامتحان الالكترونى فى حالة تطبيقه خلال الأيام القليلة المقبلة
🔗 أولاً: تحميل الامتحانات
يتم إتاحة نسخ الامتحانات بصيغة PDF عبر المنصة الإلكترونية الرسمية من خلال الرابط التالي:
📍 http://sabroad.emis.gov.eg/Exams
(يتم التحميل بواسطة ولي الأمر باستخدام حساب الطالب الخاص، ووفقاً للجدول الزمني المعتمد).
📝 ثانياً: خطوات الطالب للإجابة
الطباعة والبيانات: طباعة ورقة الامتحان وكتابة (الاسم ورقم الجلوس) بوضوح في المكان المخصص أعلى كل صفحة.
نوع الأسئلة: جميع الأسئلة "اختيار من متعدد" (4 بدائل).
طريقة الحل: وضع علامة صح (✔️) أمام اختيار واحد فقط.
تنبيه: سيتم إلغاء درجة السؤال في حال اختيار أكثر من إجابة.
📤 ثالثاً: رفع الإجابات (التسليم)
بعد انتهاء الطالب، يقوم ولي الأمر بعمل مسح ضوئي (SCAN) لجميع صفحات الامتحان.
يتم حفظ الملف بصيغة PDF وإرساله عبر المنصة باستخدام الرابط المخصص للرفع:
📍 http://sabroadupload.emis.gov.eg
(يجب الرفع في نفس يوم الامتحان لكل مادة طبقاً للجدول).
🌟 مع خالص تمنياتنا لجميع الطلاب بالتوفيق والنجاح! 🌟
ويمكننا مساعدتك في رفع الامتحانات أن شاء الله
كلمنا واتس
https://wa.me/message/UOSMA5OQ4YPOO1
13/07/2025
السلام عليكم ورحمة الله وبركاته
مساء النور يا 🌟
إحنا عارفين إن دي من أكتر الفترات اللي بتكون فيها الحيرة كبيرة:
أدخل علمي ولا أدبي؟ طب علوم ولا رياضة؟ طب التخصص الأنسب ليا إيه؟
وعشان كده، حبينا نكون معاكم خطوة بخطوة في رحلة الاختيار…
وبنبدأ معاكم سلسلة جديدة بعنوان:
✨"اعرف ميولك"✨
قبل ما نبدأ نتكلم عن كل كلية بالتفصيل، لازم الأول نفهم:
إزاي نحدد ميولنا؟
لأن الميول الصح هي المفتاح للاختيار الصح…
تعالوا نبدأ مع بعض بخمس خطوات هتساعدكم تحددوا ميولكم بوضوح👇🏻
1️⃣ الميول الفكرية:
اسأل نفسك ببساطة: بتحب إيه أكتر؟
بتحب الأرقام، الحساب، التحليل؟ يبقى علمي رياضة هيبقى أنسب ليك.
بتحب الأحياء والتشريح والكائنات؟ يبقى تميل لـ علمي علوم.
بتحب القراءة، اللغات، التاريخ، التعبير عن نفسك؟ يبقى أدبي هيريّحك أكتر.
🟡 مهم: مش لازم تدخل الكلية اللي الناس شايفينها "أعلى" أو "أشطر".
اختار اللي يناسب شخصيتك واهتماماتك… ده اللي هيخليك تكمل براحة وتنجح.
2️⃣ المواد اللي بترتاح لها في الدراسة:
فكّر كده… إيه أكتر مادة كنت بتحبها في المدرسة؟
لو الكيمياء كانت عبء، أو عندك رهبة من الدم، فهل هتقدر تكمل في صيدلة أو طب؟
(ممكن تتعود مع الوقت، زي التشريح مثلًا، بس البداية بتكون صعبة وعايزة استعداد نفسي).
✔ اسأل نفسك: إيه المواد اللي بتحفزك؟ وإيه اللي بتحسها عبء؟
الإجابات هتساعدك تعرف الطريق اللي يناسبك فعلًا.
3️⃣ بعد التخرج… إيه اللي مستنيك؟
قبل ما تختار، فكّر في المستقبل شوية:
هل المجال ده مطلوب في سوق العمل؟
هل فيه تشبع أو بطالة زي ما حاصل في بعض مجالات الهندسة والصيدلة؟
هل لازم تبدأ مشروعك بنفسك؟ ولا فيه جهات توظفك بسهولة؟
كل دي أسئلة مهمة جدًا، ولازم تتجاوب عليها قبل ما تكتب رغباتك.
4️⃣ التكلفة مقابل العائد:
التكاليف مهمة جدًا في الاختيار.
مثال بسيط:
أسنان حكومي: حوالي 10,000 جنيه خلال 6 سنين (بدون الماتيريال).
أسنان خاص: ممكن توصل لـ 900,000 جنيه خلال 6 سنين (بدون الماتيريال).
ده غير إن فتح العيادة بعد التخرج لوحده ممكن يكلفك 300 – 400 ألف جنيه.
فده عبء كبير جدا على عكس الحكومي الي ممكن الاهل يجمعو تكاليف العياده على مدار سنوات الدراسه
يبقى لازم تفكر:
هل التكلفة مناسبة؟
هل المجال ده هيعوّض المصاريف؟
هل فيه دعم من الأهل؟
5️⃣ المشورة والاستخارة:
اتكلم مع ناس سبقتك بالتجربة.
اسأل طلبة في الكليات اللي بتفكر فيها، وشوف آراءهم عن:
طريقة الدراسة
ضغط المواد
طبيعة الامتحانات
مستقبل الشغل
وبعد ما تجمع معلومات كفاية، صلّي ركعتين استخارة، واطلب من ربنا يختارلك الخير.
🔚 في النهاية:
اختيار الكلية مش نهاية المشوار… دي بداية مشوارك الحقيقي.
اختار المجال اللي تقدر تبدع فيه وتطوّر نفسك كل يوم.
وخلي دايمًا في بالك:
"النجاح مش باسم الكلية… النجاح في إنك تعرف نفسك وتشتغل على تطويرها" ♥️
📌 تابعونا في سلسلة "اعرف ميولك"، لأننا هنبدأ ننزل بوستات مخصصة لكل كلية،
هنتكلم فيها عن:
طبيعة الدراسة
المواد
مستقبلها
وأنسب الطلاب ليها
وكل ده بأسلوب بسيط وسهل يساعدكم تختاروا صح بإذن الله.
ربنا يوفقكم جميعًا ويكتبلكم الكلية اللي تليق بيكم وتحقق لكم الراحة والنجاح. 🤍
28/02/2026
27/02/2026
13/07/2025