23/08/2026
فرصة التطوع دي مختلفة لإن المطلوبين من مصر و المغرب بس و الباقي من عدد محدود من الدول الأوروبية...
الفرصة دي في رومانيا لمدة 36 أسبوع + سكن + بدل أكل + تكاليف السفر..
• مش محتاج خبرة سابقة ولا مؤهل معين عشان تقدم!
لكن لازم عمرك يكون بين من 18 لـ30 سنة وعايز تبدأ أول تجربة تطوع دولية ليك، فدي فرصة قوية جدا عشان تعيش حوالي 8 شهور في رومانيا، وتشتغل في مشروع مجتمعي وتتعلم مهارات جديدة، وكل ده ضمن برنامج التضامن الأوروبي
(European Solidarity Corps - ESC)
ودي بالذات فرصة مناسبة جدا للي لسه ماعندوش خبرة دولية وعايز يفتح لنفسه الطريق لأول تجربة دولية حقيقية.
━━━━━━━━━━━━━━
📌 تفاصيل الفرصة
اسم المشروع:
Building Solidarity in the Nocrich Community – Year 5
📍 المكان:
Nocrich, Transylvania, Romania 🇷🇴
🏢 المنظمة المستضيفة:
CENTRUL CERCETASESC NOCRICH – H.C. HABERMANN
📅 مدة التطوع:
36 أسبوع
من 21 يونيو 2026 إلى 30 أبريل 2027
⏰ آخر موعد للتقديم:
31 أغسطس 2026 – الساعة 1 الظهرم
━━━━━━━━━━━━━━
📌 هتعمل إيه في التطوع؟
المشروع موجود في قرية Nocrich في ترانسيلفانيا، وهدفه مساعدة المجتمع المحلي ومواجهة مشاكل زي التمييز بين الأطفال والشباب، والتسرب من التعليم، والحفاظ على البيئة.
وهتشارك في:
● أنشطة تعليمية وترفيهية للأطفال والشباب.
● مساعدة الأطفال في أساسيات المناهج
● أنشطة لتطوير اللغات والمهارات الاجتماعية للأطفال.
● أنشطة مع أطفال من خلفيات اجتماعية وإثنية مختلفة.
● أنشطة للتوعية بالبيئة وحماية النباتات والحيوانات.
● المشاركة في ورشة Ceramica de Nocrich الخاصة بالفخار.
● تصميم وتنفيذ أنشطة تعليمية وإبداعية.
*** وكمان تقدر تعمل مشروع شخصي خاص بيك خلال فترة التطوع بمساعدة المنظمة.
━━━━━━━━━━━━━━
📌 مين يقدر يقدم؟
لازم تكون:
✔ عمرك من 18 إلى 30 سنة.
✔ منفتح على التعلم وتجربة حاجات جديدة.
✔ عندك استعداد تساعد مجتمع ريفي.
✔ مبدع ومنفتح على الثقافات المختلفة.
✔ مهتم بالعمل مع الأطفال والشباب.
✔ عندك اهتمام بالتراث والثقافة في ترانسيلفانيا.
✔ مستعد تعيش وتشتغل في بيئة متعددة الثقافات.
مم
*** والأهم: الموقع بيقول صراحة إنك مش محتاج أي خبرة أو مؤهل أو معرفة سابقة.
يعني لو دي أول تجربة تطوع ليك، تقدر تقدم.
━━━━━━━━━━━━━━
📌 إيه اللي هتاخده؟
● الإقامة:
السكن في بيتين مخصصين للمتطوعين في Nocrich، فيهم غرف كبيرة، مطبخ، حمامات، كهرباء، مياه، غاز وWi-Fi.
● بدل أكل شهري:
هتاخد بدل شهري للأكل، والشراء والطبخ بيتم تنظيمه مع المتطوعين.
● تكاليف السفر:
إنت بتحجز تذكرتك من بلدك ل رومانيا، ويفضل إلى Sibiu، والمنظمة بتعوض تكلفة السفر وفق نظام مسافات برنامج ESC.
** ومن Sibiu إلى Nocrich حوالي 40 دقيقة بالسيارة أو الأتوبيس.
● تدريب:
هتحصل على تدريب تمهيدي لمدة أسبوعين، يشمل التعرف على المنظمة والمجتمع، زيارات محلية، الإسعافات الأولية واستخدام الأدوات المختلفة.
** والأهم: خبرة تطوع دولية لمدة 36 أسبوع تقدر تضيفها للـCV وتكون بداية لفرص دولية تانية.
━━━━━━━━━━━━━━
📌 ليه الفرصة دي مميزة؟
لأنها مش مجرد سفر أسبوعين أو تجربة قصيرة...
إنت هتعيش حوالي 8 شهور في رومانيا 🇷🇴
هتعيش وسط فريق متعدد الثقافات، تتعامل مع أطفال وشباب، تتعلم مهارات جديدة، وتشارك في مشروعات حقيقية داخل المجتمع.
وكل ده من غير ما يكون مطلوب منك خبرة تطوعية سابقة.
━━━━━━━━━━━━━━
قدم من دلوقتي عشان آخر ميعاد
31 أغسطس 2026 – الساعة 13:00
وكمان لازم تكون مسجل في European Solidarity Corps عشان تقدر تتأكد من أهليتك وتقدم على المشروع.
🔗 لينك الفرصة والتقديم هتلاقيه في أول تعليق.
ولو محتاج مساعدة، اكتب "مساعدة" في التعليقات..
لو سنك مناسب ودي أول مرة تفكر في تطوع دولي، ماتستناش لآخر يوم.
