Super Entag - سوبر إنتاج

أهلاً بيكم في التدوينة رقم 27 من تحدي التدوين💗

تحدي النهاردة بعنوان: (روشتة التعامل مع نفسي)

ومن العنوان كده فهدف التدوين هو وضع مواقف شخصية يومية احنا بنواجه صعوبة في التعامل معاها

يعني كل واحد يكتب مواقفه الخاصة، مش ضروري نلتزم بالأمثلة اللي في الصورة🫡

خطوات التحدي:
1- اكتب كل المواقف اليومية الصغيرة اللي بتواجه صعوبة في التعامل معاها وغالبا يومك بيتضرب بعدها وبيخلص بدون ما تكون خلصت اللي وراك

2- ابدأ حط حلول مقترحة للمواقف دي
تكون فعلا فعالة وانت ضامن انها هتجيب معاك

3- شاركنا تدوينتك في التعليقات عشان هيكون فيه هدايا للملتزمين🥳 🎁

#التدوين

احنا عرب
والعرب معروف عنهم الابداع في الشعر والخط العربي الجميل🤓

لكن مع عصر السرعة اللي بنعيشه اندثر عندنا الشعر والخط
بقينا نكتب بسرعة عشان ننجز، بقينا بنتكلم بسرعة، ومعلوماتنا بناخدها بسرعة من الai البوستات اللي مكتوبة بالعامية

بس النهاردة هناخد هدنة من السرعة دي ونعيش تجربة عربية 100%

أهلا بيكم في التدوينة رقم 26 من تحدي التدوين
عنوان التحدي: "تذوق الفن العربي"
هدف التحدي"الاعتزاز بنقاط قوتنا كعرب"🫡

مش لازم يكون خطك حلو عشان تشارك ولا لازم تكون بتعرف تكتب أبيات شعر..لأننا هنستعين بالمحاكاه والتقليد

1- ابحث عن ابيات شعر بتحبها
2- خدها كوبي وحطها في موقع تحويل الخطوط
3- اختار الخط اللي تحبه نسخ\رقعة\ديواني\ثلث\فارسي
4- وانقل الابيات دي بنفس الشكل واحدة واحدة
هتتفاجئ من نفسك ومن خطك

شاركنا تدوينك في الكومنتات عشان فيه جوايز للملتزمين ان شاء الله🥳

#التدوين

جربت تتعلم صالونات قبل كده ومحبتش الدراسة؟ 🤓
جه الوقت تتعلم وتذاكر حاجة بتحبها 💗

أهلاً بيكم في التدوينة رقم 26 من تحدي التدوين

عنوان التحدي: (التعلم عن حب) 🫰🏻
هدف التحدي: تذاكر حاجة تطورك في حياتك وتعود عليك بالنفع الحقيقي سواء في دينك أو دنياك

خطوات التحدي:
1- اكتب كل الحاجات اللي نفسك تتعلمها مهما كانت كتيرة
2- اكتب سبب او اكتر تحت كل حاجة منهم (ليه عايز تتعلمها؟)
3- اختار واحدة بس منهم مهمة ليك الفترة الحالية وشوف هتتعلمها من أي مصدر وتوكل على الله 💪🏻

شاركنا تدوينك في الكومنتات عشان فيه جوايز للملتزمين ان شاء الله🥳

#التدوين

كل شخص .. وليه صباحه المختلف🤍

أهلاً بيكم في التدوينة رقم 25 من تحدي التدوين🖊️

عنوان تحدي اليوم:

هدف التحدي: تشوف روتينك من فوق بنظرة خارجية وتشوف هل محتاج تعديل ولا لا

كل ما كنت صادق مع نفسك بدون كسوف
مثلا لو بتمسك الموبايل اكتب ده
لو بتفطر فطار تقيل اكتب ده

عشان دي هي طريقة التغيير

وماتياس تشاركنا في التعليقات عشان تكون ليك فرصة الحصول على جوائز من سوبر إنتاج🥳

#التدوين

جمعة طيبة عليكم🌷🤍

الملتزمين بتحدي التدوين دونوا النهاردة عن يوم الجمعة ومشاعركم تجاهه
يا ترى بتشوفوا يوم الجمعة ازاي
وايه ممكن يخليه افضل 🖊️

أهلاً بيكم في التدوينة رقم 24 من تحدي التدوين 🎀

وتحدي النهاردة بعنوان: (ايه الحاجات اللي بعملها بحب واستمتاع وهل مفيدة لأهدافي ولا لأ) 💗

هدف التحدي: اكتشاف الحاجات اللي بنقضي فيها وقت بدون ما نحس وايه تأثيرها على حياتنا وازاي ممكن نستغلها لصالحنا🌷

خطوات التدوينة:
1- كتابة السؤال بخط واضح
2- كتابة الحاجات اللي شاطرين فيها في كلمة او كلمتين ونشد خط ونكتب تأثيرها على حياتنا وازايممكن نستغلها
3- نسأل نفسنا عملنا ايه منها النهاردة
(كل ما كان اللي عملناه اكتر يبقى احنا عايشين حياتنا بسعادة وانسجام)
وكل ما كنا بعيدين عن الحاجات اللي بنحبها يبقى معناه التعاسة ومعناه اننا محتاجين نرجع ندخل الحاجات دي في يومنا واسبوعنا

منتظرين مشاركاتكم الجميلة في التعليقات🥳🖊️

#التدوين

مشتت بين مهامك؟
دوّن معانا تدوينة "أدواري ومسؤولياتي" 🤓

أهلاً بيكم في التدوينة رقم 23 من تحدي التدوين 🖊️

وتحدي النهاردة استلهمته من كتاب العادات السبع للناس الأكثر فاعلية

كتير من الناس حاسين بضغط رهيب في يومهم
عبادات وشغل مع مسؤوليات اجتماعية مع واجب تجاه النفس..الخ

فالحل هو تقسيم نفسنا لأدوار🤍
كل دور بيكون تحته بعض المسؤوليات
ده بيخلينا واعيين بشكل حياتنا وازاي يرمنا يمشي بدون احساس بالضغط ولا التشتت
——————————————————————

خطوات التدوينة:
1- كتابة أدوارك بالترتيب اللي تحبه
2- كتابة مسؤولياتك تحت كل دور منهم
3- بص بعينك كده واسأل نفسك انت عامل ايه في كل دور من خلال مسؤولياتك اللي تحته هل بتقوم بيها بشكل كويس ولا لأ

——————————————————————

وبعد ما تخلص شاركنا في التعليقات بتدوينك عشان هيكون فيه جوايز في نهاية التحدي ان شاء الله🥳

#التدوين

أهلاً بيكم في الحلقة 22 من تحدي التدوين🖊️💗

تحدي النهاردة مهم جدا جدا ‼️
بعنوان: (سمر تتصل بك:)

فيه ناس بتحب الصيف
وناس مش بتحب الصيف وبتشوفه عائق وبيقلل إنتاجيتها

وبما إننا في سوبر انتاج بنهتم بزيادة الإنتاجية حتى في أصعب الظروف

فهدفنا النهاردة نتجهز نفسيًا لقدوم الصيف والحر، ومش بس استعداد نفسي، لأ كمان تقبُل 🤓
——————————————-————————
ويلا بينا ندخل على الخطوات:
1- هنرسم شمس في نص الصفحة☀️
2- هنقسم الورقة 4 أقسام كالآتي:
- حاجات بتحبها في الصيف (ابتكر أسباب أنا عصرت دماغي بصراحة عشان مش بحب الصيف)
- ازاي تستغل الحاجات اللي بتحبها دي في زيادة إنتاجيتك في الصيف
- ايه الحاجات اللي مش بتحبها في الصيف
- ازاي تتعامل معاها بحيث متعطلكش
3- لو الدفتر صغير هنعمل التحدي في صفحتين جمب بعض
4- اعصر دماغك وحط كل أسبابك وحلولك عشان ده هيفرق معاك جدا
——————————————-————————

منتظرين تطبيقاتكم في التعليقات🥳
معاكم لحد بالليل ان شاء الله 🤍

#التدوين

تقريبا ده ألطف إجابة من عميلة على سؤال:
ما هدفك من ورشة "اصنع دفتر تخطيطك بنفسك"💗

حان وقت استكمال تحديات التدوين بنكهة الصيف وضوء الصباح الطبيعي 🖊️☀️
وإن شاء الله هيكون فيه مفاجأة جميلة في نهاية التحدي وهدايا للملتزمين 🥳
#التدوين