08/09/2025
عملت تصرف النهاردة في الحصة والحقيقة إني مبسوطة بيه جدًا الحمد لله
سنة رابعة كان عندهم امتحان وفيه ولدين كل واحد كان جايب 13/20 ، طبعًا أنا كنت متنرفزة منهم جدًا خاصةً إني بعمل معاهم مجهود كبير
المهم بدل ما أقوم أعجنهم ف بعضهم وأعاقبهم
خليت كل واحد يدور على الإجابات الصح لأخطائه ويجمعهم كلهم ويقعد يذاكرهم من أول وجديد
وفعلًا عملوا اللي أنا قولت عليه بالظبط وسألتهم جوبوا الأسئلة بالنص ( كل الأسئلة اللي كانوا غلطانين فيها)
بعدها فكرت إني لو كنت اتسرعت وقومت عجنتهم هم الاتنين مكناش هنستفاد حاجة وهيفضلوا بردو مش عارفين أخطائهم.
