27/08/2026
من الحاجات اللي بتفرحني في الشغل في السلسبيل… إن الواحد مايبقاش شغال لوحده ❤️
يبقى حواليه ناس بتتعب، وتتحمل، وتيجي كل يوم تعمل اللي عليها، وتدي من وقتها وجهدها عشان المكان والطلاب.
والحقيقة… أنا مقدّر ده جدًا.
الأسبوع ده كان فيه ضغط شوية، ومجهود كبير من المعلمين والمعلمات، فكنت بفكر:
إزاي أقول لهم "شكرًا" بطريقة بسيطة؟
ومش دايمًا الواحد بيقدر يعمل كل اللي نفسه فيه، لكن بحاول على قدر استطاعتي إن الناس اللي بتشتغل معانا تحس إن تعبها متشاف ومتقدَّر.
فقلت في نفسي :
يبقى النهارده الغدا علينا 😂❤️
وطلبت شوية سندوتشات وحاجة ساقعة، ( واللي مجاش انهاردة هو اللي خسر 😂 )
يمكن هي حاجة بسيطة جدًا…
لكن والله نفسي أقدر أقدم لكل واحد بيشتغل معانا كل حاجة جميلة يستحقها، وأرد له ولو جزءًا بسيطًا من مجهوده وتعبه.
ربنا يبارك في كل معلم ومعلمة وكل شخص بيبذل من وقته وجهده في السلسبيل، ويجعلنا دائمًا سببًا في الخير لبعضنا، ويعيننا على الأمانة والمسؤولية. ❤️
