Biochemist Mr. Amr Shiha

مساء الخير
طيب , حقناً للدماء مستقبلاً وبدماء هنا أعني دمي أنا😂
هتكلم ف نقطة المتابعة بعد امتحان التيرم او السنة
مستر انت مبتكلمناش تسأل ع النتيجة ليه
أو كأخر رسالة جاتلي بخصوص الموضوع
فلان زعلان انك مسألتوش عمل ايه ف الامتحان
هقول رأيي بإختصار ووضوح شديد وإن شاء الله نثبت البوست بحيث يكون مرجع مستقبلاً واتمني كلامي ميزعلش حد
نتيجة الامتحان حاجة من اتنين , اما انك واثق ومبسوط بالي عملته وفي الحالة دا مُرحب بيك كل الترحيب تيجي وتفرحني معاك
وممكن تكون نيلت الدنيا او زعلت ع ال حصل لظروف بإرادتك او خارجة عن إرادتك في الحالتين الله المعين ، ليك كل كل كل الترحيب انك تيجي تشكيلي ونواسي بعض في ال حصل
في علي عكس مدرسين كتير , أقل شئ ال بينزل " طمنوني " / " عملتو ايه يا شباب "
أنا يكفيني كونك راضي ومتطمن , وإن كان عكس الصفتين دول فأنا مش هكون حمل عليك ولو حتي بأني أفكرك
طلبتي الحاليين والسابقين والمستقبليين بإذن الله😂
أنا اول مرة أقول وجهة نظري وليه مبسألش عملت ايه ف الامتحان
يشهد الله انه مش قلة اهتمام او انه مش فارق ، يشهد الله انه العكس تماماً بل لكل منكم طاقة وانا بإذن الله محملش حد منكم فوق طاقته
مساء النور

ما بقولك هنجيب الامتحان ف شوال قلقان ليه ؟ 💥
📌حصص مراجعة الصف الثاني الثانوي مجانية لإخواتنا وحبايبنا من برا المجموعات
📌متوفر ملخص بسيط لأهم نقاط المنهج بشكل مبسط وسلس بسعر رمزي جداً يُسلم في بداية الحصة الثانية
🚀لحجز مكانك وأي استفسارات وتفاصيل المواعيد عن طريق الصفحة أو الأرقام الموضحة بالبوستر .🧑‍🔬

خلال فترة المراجعة هنحل شامل
هنجيب أفكار جديدة
وافكار قديمة
وافكار ولا من شاف ولا سمع عنها
هتستلم ملخص صغير كدا شامل ع المنهج ونقاطه المهمة!
سهلة وبسيطة مهما بانت بعيدة

كان نفسي أعمل معسكرات كيميا ومخيمات جبلية ورحلات لسهول المولات
بس للأسف
المنهج معايا بيخلص في حصة

طالب 2 ث
خلصت منهج ولا لسا ؟
طب بقولك
- ايه رأيك تحضر معانا المراجعة التالتة ؟
- ااه والله زي ما قرأت كدا
المراجعة التالتة
المرادي
هنراجع منهج الكيمياء 2ث كاملاً في حصة
معاد الحصة 24/11 عشان تلحق تفضي نفسك من دلوقتي
المكان : سندوب - شارع النادي
رسوم الحصة : مجانية زي ما اتعودنا😁

اقعد توقع وانا عليا أعمل ال انت مش متوقعه 🤣
- مجموعة جديدة
- شرح كامل للمادة
- اخر فرصة ممكنة
- البداية 20/11
- لتفاصيل اكتر علي رسايل الصفحة او الأرقام الموضحة في البوستر

ملخصنا الخاص بجزئية تدرج خواص العناصر في الجدول الدوري
الوحدة الثانية للصف الثاني الثانوي

عسي الله يكون فيه الإفادة للجميع 🥰

من الرسايل ال بحاول دايماً أوصلها انه عادي ،
عادي يكون في عدم ثبات في الاداء وان مستواك يتذبذب حسب الظروف
لكن يظل المشترك هو أنه أنت أنت ...
وان تقديم افضل ما عندك هو اقصي ما بوسعك وإن إرضاء نفسك وطموحك أهم كتييير من تحقيق طموح او رغبات غيرك
مهما كانت طموحاتك ضحلة وبسيطة من وجهة نظرهم
Do your best والباقي دا بتاع ربنا

جمعة 20/10 ل تانية ثانوي هتبقا علي الوحدة الأولي
حل تجميعة من أقوي الأسئلة والأفكار الجديدة
عشان مننسااهاش ونتدرب علي شكل أسئلتها
لو شايفها متوقعة تعالي احضر الجمعة , هتتفاجئ

بإستمرار مشاكل الوحدة الثانية لأولي ثانوي هتستمر حصصنا المجمعة
هنحل ونشوف أمثلة أكتر وأكتر ونتدرب علي طرق حل المسائل المختلفة
هتشوف الحل بعينك وهتجرب بإيدك 👐
وراكو وراكو لحد ما تبقي المسائل أسهل من تلت التلاتة

بابا چونز وماك وعدد من السلاسل ال اعلنت دعمها الصريح لإخرابيل وباعتين وجبات واكشن والميديا الإيجابية عاملة حملة مقاطعة قوية علي المنتجات والمطاعم
الناس ال كانت بتحتفل ف ماك امبارح :

جمعة المرة الجاية 13/10 هتبقا جمعة الامتحانات
عشان نحاول نقدم جديد , بتتاح ليك الفرصة أنك تقيم مستواك عن طريق امتحانات جزيئة علي أجزاء المنهج المختلفة
امتحانات علي الوحدة الأولي والثانية للصف الأول☝️
امتحانات علي الوحدة الأولي للصف الثاني✌️
امتحانات جزئية علي العضوية وباب الحديد للصف التالت ( عشان لو بدأت بده , او بدأت بده 😉
تقدر تنور وتمتحن يوم الجمعة الجاية ف أي وقت بين الساعة 2 بعد صلاة الجمعة وحتي الساعة 6
المكان : سندوب - شارع النادي بجوار صيدلية عصام