16/09/2023
حلاوه المولد حكاية عمرها 1000 عام !!!
ايام قليله وتحتفل الأمه الإسلاميه بذكر مولد النبي صلي الله عليه وسلم
وكل مره واحنا بنحتفل بالذكري العظيمه دي بنفضل نفكر هو احنا عرفنا حلاوه المولد ازي ومين الي اخترع طقوس الاحتفالات دي
الحكاية بدأت من 1000 عام تقريًبا تحديداً كدا في القرن الرابع الهجري لما الفاطميين دخلوا مصر
واجمعت معظم الروايات أن فكرتها استوحت من موكب الخليفة الفاطمي وكان يجوب الشوارع ويوزع الحلوى بكميات كبيرة على الناس والجنود يوم المولد النبوي الشريف.
وفي روايه تانيه بتقول أن الحاكم بأمر الله كان حريص أنه يخرج في المولد النبوي بموكب بصحبه زوجته وكانت ترتدي ثوب ابيض ومن هنا جت فكرة صنع حلوى على هيئة عروس وفارس على الحصان
ويقول الباحث الأثري سامح الزهار أن الفاطميين صنعوا حلاوه المولد للترويج السياسي لحكمهم مش للترويج الديني ولا حاجه
الفاطميين كانوا بيدرسوا طبيعه كل شعب علشان يعرفوا يسيطروا عليه ويدخلوا ليه ازي وعرفوا أن الشعب المصري بيحب الاحتفالات فستغلوا الاحتفال بالمولد النبوي الشريف للترويج لسياستهم
ومع مرور الوقت بقا الحلوي جزء من الثقافه والتاريخ المصري وبقت موجوده بأشكال وانواع كتير جدا
واساس صناعة حلوه المولد النبوي في مصر هو شارع موجود في وسط القاهره واسمه شارع البحر
