تعلم الفرنش مع Mme Samah husien

بدأ حجز كورس تأسيس الاطفال والكبار شهر 6،7,8
البدايه من الزيرو في الكورس هنتعلم مع بعض اللغه من البدايه حروف كلمات تعبيرات هنشتغل كمان علي القراءه والاستماع علي كل مهارات اللغه بفضل الله
السيشن بتكون فرديه أو في مجموعه صغيره لتحقيق أفضل استفاده مع مراعاه الفروق الفرديه وكيفيه التعامل معاها
ملاحظه تقدم ابنك او بنتك يجب اتباع سياسه تعلمنا
الالتزام ،متابعه والي الأمر والتواصل معانا ،عدم الاكتفاء بوقت السيشن فقط بل يجب اتباع المطلوب تنفيذه كواجبات
للحجز واتس 01060388382

موقف النهارده رجعني لأيام الجامعه
أول ما دخلت الجامعه ومكنش دا هدفي أن أدخل كليتي دي كنت محبطه مكنتش حابه حاجه بس كنت دايما لما بتحط في موضع لازم اطلع احسن ما عندي فيه ولكن دخلت الجامعه ولاقي 13،14 ماده كلهم فرينش وحاجه متتوصفش
ادب الاقي، نصوص الاقي كانت صاعقه عليا واحنا دارسين في الثانوي كلمتين مينفعوش في الليله اللي انا فيها ،هو فين مودي علي فين ياجماعه، مفيش حد بيرد عليا لي ومفيش زمايل معايا اعرفهم في نفس القسم طيب وبعدين اروح شمال اجي يمين ،طب حد ينزل بالترجمه وبعدين بدأت بقي اقوم وافوق وعايزا أثبت نفسي واحاول واحاول فطلبت من ماما ،تساعدني لان دايما كنت مطمنه وهي معايا كانت دايما بتصرفلي هي ،كنت مايله عليها كل الميل والحمد لله طلبت منها شويه حاجات وساعدتني وكانت مساعدتها دي بالنسبالي طوق النجاه ،ومشيت اول سنه وعرفت الدنيا عامله ايه وذاكرت واجتهدت وتفوقت وجبت جيد جدا في الاربع سنين مكنتش متوقعه بس كنت عامله اللي عليا الحمد لله
النهارده انا بقيت طوق النجاه لبعض متعلمي اللغه الفرنسيه ،طلبت مني طالبه بتدرس معايا اللغه اني احاول أنجز معاها والخص واترجم رغم اني مش ملزومه لاني شرحه وتدريبات وإرسال ملفات طول العام بس حسيت هنا أن دي بيئتي ودا رد المساعده اللي اخذتها يوم مااحتاجت تشجيع وزقه ،اللي بيتربي في بيئه كويسه هيطلع ذيها اللي بيعترف بالمعروف والجميل وبيعترف بالحلو هيعمل ذيه
كونوا قدوه لعيالكوا ،واي حد هنسيب عنده رساله ،خلينا ذكري حلوه وبصمه كويسه في حياه الناس ،شكرا لماما ولكل حد كان سبب في كوني انا ،كان سبب أن بعد ماااستعينت بربنا نجحت ولاقيت اللي ينقذني من الغرق في بحر مفيهوش نور
العطاء مش فلوس
العطاء رساله ممكن تكون صدقه جاريه لينا واحنا مش عارفين
موقفك الايجابي مع شخص ممكن يعلم فيه ويكون من شخصيته وانت مش عارف
خلينا ايجابين في مجتمع بقي في القليل