08/06/2026
طلاب الصف الأول والثاني الثانوي 🤍
أتمنى لكم كل التوفيق في دراستكم.
حابب أتكلم معاكم بخصوص موضوع "تهكير" أو كسر حماية تابلت المدرسة.
عارفين إن الشغف والتجربة في سنكم ده حاجة جميلة، وبتحبوا تستكشفوا كل حاجة في التكنولوجيا، لكن تابلت الوزارة تحديداً مش مجال للتجربة لأن عواقبه ممكن تضر مستقبلكم الدراسي من غير ما تقصدوا.
حابب أوضح لكم الأسباب :
1- حماية بياناتكم:
البرامج اللي بتستخدم للتهكير مش آمنة، وممكن تسرق صوركم أو بياناتكم الشخصية وتخترق خصوصيتكم.
2- تكلفة مادية على الأهل:
الخروج برة النظام بيشيل الجهاز من الضمان، وده معناه إن الأهل هيتحملوا مبالغ كبيرة لإصلاحه في التوكيل.
3- المسؤولية القانونية:
في قواعد وزارية واضحة بتعاقب على التلاعب بالجهاز، وإحنا مش حابين أي طالب منكم يتعرض للمساءلة أو المشاكل.
4- سلامة التابلت:
التلاعب بالنظام ممكن يخلي الجهاز يقطع باور تماماً ويبقى حتة حديدة ملهاش قيمة.
إحنا بنخاف على مصلحتكم وعلى تعبكم وتعب أهاليكم معاكم طول السنة، بلاش نضيع كل ده عشان خاطر لعبة أو تطبيق زيادة ممكن نستخدمهم من الموبايل العادي. خلوا التابلت للمذاكرة وبس عشان تمر السنتين دول على خير وتفرحونا بنجاحكم.دمتم متميزين وواعيين،
تحياتى / مدير المدرسة 🌸
