27/07/2026
هو انت مفكر نفسك ميسي؟
—
▪️اهو حتى ميسي ذات نفسه كان في لقاء مع الصحفي Guillem Balagué سنة 2021 وقال بالنص (الأسباني):
"I've been learning English for a year and a half. I understand it, but I don't speak it"
"بقالي سنة ونص باخد كورسات انجليزي ولحد دلوقت بفهم بس مش بعرف اتكلم"
🔻واحد من اشهر الناس على كوكب الارض، عنده فلوس يشتري بيها جامعة كيمبردج تروح تديله كورسات ومع ذلك بعد سنة نص بيقول انا بفهم بس مش بتكلم!
▫️فقبل ما تبقى قاسي على نفسك ومفكر ان انت اللي مفيش فيك امل، أنا بقولك اهو "ارفق بنفسك ساعة، اني أراك وهنت"
كفاية جلد ذات، وفكر بس هل فعلا السبب فيك انت؟ هل ذكاء او مادة؟، لان اكيد لو ذكاء او مادي كان زمان ميسي عامل talk show بالإنجليزي.
🟩 في سببين، واحد عادي والتاني هو المشكلة الحقيقية.
السبب الاول: ان اللغة مش مجرد حفظ كلمات وقواعد وفهم وخلاص. في ناس مخزون مصطلحاتها قليل لكنها بتقدر تستخدمه كويس اوي وتعمل محادثات رائقة ورائعة.
عارف #ميسي قال بعدها السبب ايه؟
قال انه زي حالاتك كدة، بيخاف يتكلم، بيتكسف يغلط.
الحل الحقيقي هو جواك انت، انك تصدق انك عادي تغلط وانت بتتعلم، انك مش لازم تبقى perfect ومش مطالب أصلا تبقى perfect. ارزع وحاول وعافر وبتاع وكدة، المهم انك تتكلم ومتتكسفش.
السبب التاني ان #ميسي راح اخد كورس برة، لو كان جه اخد معانا كنا عملنا معاه الصح وخليناه يحس بتطور في ٤ شهور وبعد السنة ونص دول كان زمانه بتكلم احسن من كريستيانو.
رأيك نبعتله ياخد معانا ولا ممكن يتغر علينا؟!
