14/05/2026
صراعات على رقم الأب في حضانة أولاده بستغرب جدا من انهم بيتخانقوا هو رقم ٢ ولا ٤ في إيه ؟ في أولاده ؟
الأب مش رقم بأي حال من الأحوال .
الأب سند و يد من حديد تضرب اي حد يمس أولاده و يد حنونة بضمهم و تحتويهم .
الأب روح لأولاده ..قوة ..فكر .. عقل ..إلهام حتى لو منفصل عن امهم هو المرجعية الأولى على فكرة و مفيش اي حد يقدر يغير الكلام ده لان الزمن بيلف و يدور و يثبت صحته .
لا أنكر ان فيه قلة من الآباء عديمي المسئولية و بيستخدموا أساليب غير محترمة مع زوجاتهم حتى من غير انفصال دول بقى لازم حسابهم يبقى عسير و بالقانون..و الزوجة واجبها تنفصل عنه .. لكن مستحيل نعمل قانون للقلة دي يتحكم في الجميع !!!
البنت اللي بتتربى في بيت مدركة ان مفيش فيه راجل وراها و هي راجل نفسها ثقوا ان هيبقى عندها مشكلة كبيرة بكره و بعده ..الولد اللي لقى نفسه مفيش ضهر وسند له وهو راجل من غير خبرات رجولة وراه برضه عنده مشكلة .
فيه اولاد بيبقى قدرهم فقد الأب ده قدر ربنا مستحيل بقى نحكم على اولاد والدهم عايش انه يبقى رقم .
تاني ....
الأب مش رقم ..
