جمال أحمد

21/05/2022

.. يا ترى الهدهد لما غاب عن سيدنا سليمان راح فين؟ 🤔

تعالوا نسمع مع بعض قصة الهدهد 🎬🎧

18/05/2022

عارف ليه المفروض ما تزعلش 😥 على اللي عملته فرنسا،، لأن انت كده بتثبت انهم بني ادمين عندهم اخلاق وحرية وكده.😅

اومال ايه يا عم ما هما كده فعلا ويا ريت نبقى زييهم.

لا يا صديقي والله هم ابعد ما يكون عن مسمى الحرية،

ازاي يا عم!🤨 ده هناك كل واحد حر يقول زي ما هو عايز ويعمل اللي هو عايزه يبقى كيف تقولي دي مش حرية..

اه كلامك صح بس انت فاهم الحرية اللي هما عايزينك تفهمها
يا صديقي،،

يعني ايه بقى قصدك ايه 🙁

ما تزعلش هوضحلك، الحرية يا صديقي عندنا ان في قيم وأخلاق هي خاصة بالمجتمع كله ما ينفعش تخالفها وتقول انا حر!

أو خالفها مش مشكله لكن ما تختلفش معايا لما ما اعترفش بيها ولا اتبناها او اقول انك غلط مش صح،،

الحرية مش معناها ان اروج ان المرأة تخلع الحجاب وتلبس براحتها عادي. والحجاب وحش🤫 وايه التخلف ده و كذا وكذا..

وفي نفس الوقت لو وحده لبست براحتها نقاب وحجاب ومحتشمة تقولي ايه التخلف ده ليه لابسة كده الله؟!

ما هي حرة بقي ولا نسيت!🙁

عرفت بقى ليه دي الحرية اللي عايزينك تفهمها..

الزنا والقتل وكل الجرائم موجوده في كل مكان بس ليه ننشرها وعايزين نعممها لصالح مين بيحصل كل ده..

ايه يا عم انت كبرت الموضوع كده ليه،،😮

انا ما كبرتهوش يا صديقي. احنا للأسف اللي بقينا صغيرين،،

صغيرين بابتعادنا عن شريعتنا واخلاقنا وقيمنا لدرجة ان اي
شيء يمس ديننا واخلاقنا عادي يا عم حرية🤗

اللي يسيئ للرسول واللي يروج لإرهاب الإسلام للأسف احنا بنساعدهم ! ده حتى اي شيئ تافه بيحصل في مجتمعات الغرب نجري نقلده وننشره،

وصدق فينا قوله صلى الله عليه وسلم " لتتبعن سَنَنَ من كان قبلكم (يقصد اليهود والنصارى) شبرًا بشبرٍ وذراعًا بذراعٍ حتى لو سلكوا جحر ضبٍ لسلكتموه"

فهمتني!

ايوه والله عندك حق يعني مثلاً اللاعب المسلم إدريس جانا
عمل موقف مشرف بصراحة لما ما رضيش يلعب المباراة اللي كان هيلبس فيها علم مجتمع الميم دول.

طبعاً يا صديقي ده لازم يكون موقف كل المسلمين من حاجة تمس ديننا واخلاقنا..

وبالمناسبة بردوا تعرف ان في شباب كتير فاهم حكاية ان هو حر دي غلط بردوا.

ازاي!🙄

يعني يكون في مكان مثلاً ويشغل اغاني بصوت عالي ومزعج وتيجي تكلمه يقولك انا حر،،
ماشي انت حر مالم تضر الآخرين ليهم حرية بردوا.... ولا ايه.

تلاقيه بيعمل شيء غلط بغض النظر عنه تيجي تنصحه وتساعده يقولك انت مالك! انا حر

وكأن ربنا سبحانه وتعالى ما قالش " كنتم خير أمة أخرجت للناس تأمرون بالمعروف وتنهون عن المنكر"

ولما ربنا ذم بني إسرائيل ولعنهم، تعرف ليه اسمع كده " كانوا لا يتناهون عن منكر فعلوه لبئس ما كانوا يفعلون"

وعلشان ما اطولش عليك لازم تعرف انهم مهما حاولوا يروجوا لأفكار تهدم دينا وتهدم فطرة الإنسان بدعوى الحرية والكلام ده عمرهم ما هينجحوا ابدا، طالما احنا متمسكين بدينا واخلاقنا مثلية بقى شذوذ إباحية...

دورنا كبير جدا في الحفاظ على الإنسانية بدينا واخلاقنا
انت بس حاسس انك ضعيف وصغير وما تقدرش تعمل حاجه
لكن ده مش صحيح العودة إلى الله تعالى والالتزام بمنهجه هي الحل لكل ما تعاني منه الامة...

الله المستعان سلام يا صديقي 🖐️
#جَـمَـال_الـسَّـيـد

16/05/2022

مبدأيا هل تتخيل ان في ناس ممكن تعمل حاجه وهي عارفه انها حرام؟ اسمح لي اقاطعك واقولك للأسف اه طبعًا في.
، يا راجل! طب ازاي ده ؟
والله يا صديقي ممكن الدنيا الهته واغتر بيها فافتكر إن الحاجه دي عادية وسهلة وايه المشكله،
يعني عندك مثلاً لو واحد ربنا كرمه بفلوس ولا حاجه وبقى راجل مبسوط زي ما بيقولوا فالمفروض يعمل ايه؟ انا بسألك اهو جاوب انت،
اجاوب! همممم يعني ممكن يستثمرها في شيء يدخله دخل كويس،، صح
كلامك مظبوط تمام بس ممكن هو يكون بيخاف يخسر مثلاً،،
اه اه في حل حلو يديها لبنك وهو يديله مثلاً نسبة ثابتة..٪
وبكده ما يخفش لأنه مش هيخسر ابدا..
طب ما فكرتش كده البنك ده مش بيخاف يخسر بردوا زي الراجل ده...

اه اكيد طبعًا لأن أصحاب البنك ناس معاهم فلوس زيه بردوا وبيخافوا عليها،،

طيب يا ترى البنك بيعمل ايه علشان ما يخسرش ويدي كمان النسبة بتاعة الناس زي صاحبنا اللي ودى فلوسه البنك!!!!

اه تصدق ما فكرتش في الموضوع ده قبل كده..

ما انا عارف يا صديقي علشان كده انا بقول لك

طب ما تقرأ كده النبي قال ايه.

عَنِ النَّبيِّ صَلَّى اللهُ عليه وسلَّمَ قالَ: يَأْتي علَى النَّاسِ زَمانٌ لا يُبالِي المَرْءُ ما أخَذَ منه؛ أمِنَ الحَلالِ أمْ مِنَ الحَرامِ.
الراوي : أبو هريرة | المحدث : البخاري | المصدر : صحيح البخاري
الصفحة أو الرقم: 2059 | خلاصة حكم المحدث : [صحيح]

للأسف بقى يا صديقي الناس ما بقتش تفكر دي حلال ولا حرام هو بيفكر في زيادة الفلوس وخلاص بغض النظر..

المهم يا صديقي علشان ما اطولش عليك البنك عايز استثمار مضمون يجيب منه فلوس يدي جزء لصاحبنا ده وياخد الباقي صح! والاستثمار ده عمره ما هيخسر..

الله! هو في مشروع عمره ما يخسر ليه يا عم اكيد مفيش!!

ايوه في اللي هو ببساطة القروض البنك ياخد فلوس من صاحبنا ده مثلاً بفايدة ١٠ ٪ ويروح يدي الفلوس دي لناس مقترضين محتاجين ومضطرين في الغالب
بنسبة مثلا٢٠٪ يرجع تاني يدي صاحبنا ١٠ ٪ وياخد هو ١٠ ٪

فهمت يا صديقي يبقى بدل من أن الفلوس دي كانت تعمل مشروع ويشغل ناس فيه وينتج وعجلة الإنتاج تتحرك
لا عجلة الإنتاج بتفضل واقفة لا في إنتاج ولا في فرص عمل وهكذا،،،،

يبقى صاحبنا ظلم المجتمع في أنه ما استغلش الفلوس اللي ادهاله ربنا عشان يرزق بيها ناس تاني وهو هيكسب بردوا... وإنما اعطاها للي هيستغل حاجة الناس ويفقرهم اكتر والرابح الوحيد في الفيلم ده هو مين ها قول؟

ايوه يا أخي فهمت والله هو البنك بلا شك.

طبعاً مش كل معاملات البنك حرام لا القروض وايداعات التوفير ذات الفائدة علشان زي ما وضحتلك
كده!

يا أخي طب يعمل ايه هو علشان أبلغه

بص يا صديقي والله هو عايز يشيل فلوسه بس، مش مشكلة يعمل حساب اسمة حساب جاري بدون فوائد الحساب ده باختصار هيشيلك الفلوس وياخد مبلغ لا يذكر كمصاريف إدارية علشان الخدمة دي..

اما لو عايز استثمار فابوابه كتير بس هو مفيش مكسب حلال بدون مخاطرة..
أو يكون بيآمن لحد يشغلهم له بس ما يكونش مستريح هههه
يكون واحد كويس موثوق فيه ويتعامل بنظام المضاربه الإسلامية وربنا يوسع علينا جميعاً

طب هي الفائدة والربا مضرة اقتصاديا ولا حلوه

معلش بقى انا طولت عليك مرة تاني اوضحلك السؤال ده لأنه مهم جداً..
سلام يا صديقي

#جَـمَـال_الـسَّـيـد

15/05/2022

ما تيسر من سورة البقرة
نرجوا أن ينال الأداء اعجابكم....
اسمعوا القرآن بصوتي، ولا تسمعوا بصوتي القرآن.

16/01/2022

السلام عليكم ورحمة الله وبركاته
نسعد بتلقي اسئلتكم واستفساراتكم
على واتس اب في اي وقت
مع اطيب التحيات لأهلنا واصدقائنا جمعيًا

تلاوات قرآنية وفديوهات متنوعة والكثير من اللقطات الرا�

24/09/2020

تابعوني على يوتيوب

https://www.youtube.com/channel/UCrpWgK1hML-UR5j4udeWfPA
تابعوني على صفحتي على فيسبوك
https://m.facebook.com/Gamalalsaed100/?ref=bookmarks

هذه القناة بفضل الله تعالى احاول جعلها غنى لكل مسلم عن الكثير من المعلومات الدينيه والتاريخيه والثقافيه ومنوعات اخرى

22/09/2020

هام جدا
انتظروني اليوم مساءا إن شاء الله مع فديو مهم جدا مع ضيف عزيز يحدثنا فيه عن الخوارج وكيف ظهروا ومن هم وما هي معتقداتهم
والرد عليها
في انتظار ارائكم وتعليقاتكم البناءة
شكرا لكم
تابعوني على يوتيوب

هذه القناة بفضل الله تعالى احاول جعلها غنى لكل مسلم عن الكثير من المعلومات الدينيه والتاريخيه والثقافيه ومنوعات اخرى

28/07/2020

شاركها لتصل لغيرك وارسلها لاحبائك خاص علها تكون مفيده له

تلاوات قرآنية وفديوهات متنوعة والكثير من اللقطات الرا?