خالده عسكر-Khalda Askar

21/11/2022

اغلب البشر متعرفش يعني ايه تفاهم .
اغلب البشر ماشيه بمبدأ اما انت او اما انا ..
اغلب البشر ماشيه بمبدأ اما انا اكون انا القائد يا اما حد يكون هو القائد عليا..
فيه خط وسط في النص ..
ولا انت قائد ولا انا قائد انا وانت موجودين في حياه بعض بنكمل بعض .
قليلين اووووي الي هتتعامل معاهم ويدوك قيمتك كانسان حر .
قليلين الي تتعامل معاهم ويزودوا ثقتك بنفسك مش يهدوها ..
خليك انت الانسان الي لما حد يتعامل معاه يحس انه شخص كويس شخص قادر يكون واثق في نفسه ..الحمدلله

14/10/2020

لا تخف اطلاقاً من البدء مجدداً ، فهذه المرة انت لا تبدأ من الصفر، انت تبدأ من الخبرة التي وصلت إليها

- دينزل واشنطن

13/10/2020

بتحكي بتقول

محتاجه اكتر حاجه كنت بهرب منها وهي "الحب".
حاسه اني اتظلمت جدا حاسه بالظلم والقهره، انا بنت عاديه نفسها تحب وتتحب وتعيش مع الشخص الي اختارته دا في بيت واحد ويكونوا مع بعض علي الدنيا ، طول عمري بحلم الحلم دا ، طول عمري نفسي فيه، انا بنت ناس وبخاف اغضب ربنا في اي تصرف، وبخاف اجرح الناس او اكون سبب لاذيه اي انسان..
بس للاسف الناس هيه الي بتجرح وتظلم ولا يهمها ..
اتعرفت اكتر من حد وكل مره بقول يمكن هو دا الي ربنا عوضني بيه، بس للاسف بيكون جرح تاني اكبر من الاولاني ..
انا بعمل الي بيرضي ربنا في كل مره بس للاسف الطرف التاني بيظلم ويجرج ويكذب ويخون، اه يخون واحنا لسه علي البر،
اتحولت من شخص نفسه يحب ويتحب لشخص بيهرب من الحب وانا في عز الاحتياج ليه،
بقيت خايفه اتعرف علي اي حد او ادي اي حد فرصه، قلبي اتحول من قلب مليان فرحه وامل وحياه لقلب مش عارف يحس ..
انا صعبان عليا نفسي اوي ومش عارفه اعمل ايه ، انصحوني

رايكم ايه ؟!

وانتظروا الرد فى فيديو قادم

#حكايتنا

13/10/2020

من اسوأ الاوضاع الى الى ممكن تحط نفسك فيها انك تفضل #مستنى ..
مستنى حد بتحبه يكلمك
مستنى الظروف تظبط
مستنى تبقى افضل واحد فى الدنيا علشان تكون واثق فى نفسك وتحس انك تستاهل
مستنى الحب الى مش راضى يجيى علشان تبقى مبسوط
مستنى الشغل يبقى فى احسن حالاته علشان تبقى مرتاح
او مستنى الشغل المثالى يجيى ..
مستنى انك متعملش اى ذنب علشان تحس ان ربنا بيحبك .
مستنى يكون معاك فلوس كتير علشان تحس بالامان

متستناش وابدأ بالى فى ايدك
الى فى ايدك دلوقت مناسب جدا انك تحس انك مرتاح ومبسوط
ابسط نفسك بنفسك واى حاجة تانيه بتبقى سعادة زياده بس #انت الاصل

نصيحه العمر لو نفذتها حياتك هتختلف للاحسن
"احذر وقت الفراغ،دايما خلى عندك حاجه مفيده تعملها "

13/10/2020

الحياه من غير اهدافزى العربيه من غير بنزين ..

رأيكم ايه ..

11/10/2020

بتحكى بتقول
انا تعبت من كتر المقارنه، من وانا صغيره والمقارنه ملازمانى
اهلى بيقارنو بينى وبين اخواتى وولاد خالتى وصحابي ،
شوفى دى جابت احسن منك !
شوفى دى اشطر منك ازاى
شوفى دا بيسمع الكلام وانتى لا !!
لما كبرت شويه

شوفى دى مهتمه بنفسها ازاى
شوفى دى شاطرة بتعرف تتعامل مع الرجالة وانتى لا
من كتر ماهما بيقارنوا بينى وبين الى حواليا انا بقيت تلقائى بقارن نفسي باى حد
بقارن نفسي بصحابي واخواتى وزمايلى بالممثلين
بقارن نفسي بالى اكبر منى والى اصغر منى
كل الناس شيفاهم احلى واجمل واشطر منى
المقارنه بقت وحش جوايا ، بقت وحش بياكل اى حاجة حلوه بعيشها..
بقيت طول الوقت شايفه نفسى قليله اوى، شايفه نفسي مستاهلش شايفه نفسي مش حلوه،
:(

نفسى ابص عليا
نفسي اشوفنى
نفسى اركز معايا
نفسى اشوف جمالى
نفسي اشوف شطارتى

مش عاوزة ابص على حد تانى بعد كدا انا عاوزه ابص عليا انا..

الرد:
مقدره احساسك جدا وعارفه قد ايه تعبتى وتألمتى من المقارنه
لان المقارنه من اساسيات التعاسه فى الحياه، لو ابليس مكنش قارن نفسه بسيدنا ادم مكنش اطرد من رحمه ربنا ..
انتى قولتى التعبير الصح المقارنه " وحش " وحش بياكل كل جميل
اهلك غلطوا فى الحته دى ولكن فيه غلط عن عمد وفيه غلط عن حسنه نيه ، كان كل هدفهم انك تبقى احسن واشطر واجمل كل هدفهم يشوفكوا مبسوطه وسعيده ولكن بالطريقه الغلط
فخلينا نحاول نسامحهم ولو مش قادره تسامحى انصحك تروحى لحد متخصص يساعدك ..
حابه اشكرك انك عاوزه تبصى على نفسك لانك انتى الاساس

مينفعش نقارن نفسنا باى حد تانى
كل واحد حلو فى حته وكل واحد جميل فى جزئيه
طول الوقت هيكون فيه الاجمل والاشطر والاحسن والاغنى
علشان كدا
-اهتمى بنفسك جدا
اهتمى جسمك ولبسك
- وانتى بتبصى فى المرايه واول ما يجيى فى بالك حد تانى هتقارنى نفسك بيه بصى على نفسى تانى وقولى " اان جميله ، انا استاهل ابص عليا ، انا استاهل اشوفنى" هما حلوين وانا كمان حلوة
واحدة واحده هتبقى راضيه عن حالك وهتنسى المقارنه وهتشوفى نفسك حلوه " لانك فعلا كدا" وهتشوفى غيرك حلو برضوا
وطبقى دا على كل حياتك شغلك وعلاقاتك
ركزى انك تكونى افضل وبس
تحياتى يا جميله الجميلات ..

#حكايتنا

10/10/2020

فهمتها ازى ؟؟
العاقل هو من ضع قاربا يعبر به النهر ، بدلا من ان يبنى حوائط حول نفسه تحميه من فيضانه 👌

09/10/2020

لكل الى عاوز يدرس لايف كوتشينج ومش عارف يبدأ منين ؟!

أول كورس عن #بالعربي على موقع يوديمى 🥳🤩
دلوقت تقدر تشترك فى الكورس وتحصل على شهادة 🎖من موقع يوديمى العالمى وخصم خاص من خلال اللينك 👇
***************المحتوي *********
‎ايه الكوتشنج ومفيد في ايه ؟!
‎ولية الكوتشنج بقى من اكبر الصناعات الحديثة وهو المستقبل؟
‎الفرق بين الكوتشنج بين العلوم التانية المختلفه ؟
‎ماهى اخلاق الكوتش او ميثاق الامانه والى من غيرها مينفعش يكون كوتش ذو مصداقيه ؟
‎ماهى اهم المهارات التى يجب توافرها فى الكوتش وكيف نكتسبها ؟
‎كيف اعد نفسي قبل الجلسه ؟
‎كيف نبدا الجلسه وكيف ننهيها(هنعمل اية قبل وخلال وبعد السيشن) ؟؟
‎كيفيه اداره جلسه فعاله ؟
‎لوتهت من العميل خلال السيشن اعمل اية ؟
‎دراسه 5 أداوت مهمه سوف تساعدك على زيادة مهارتك
**********
عن المدربه
‏Khalda is life coach , Healing Coach, Human Development Trainer and motivational speaker

Coaching Credentials :
- Accredit Life coach From ICF at (International Coach Federation) at PCC Level
- Certified Meta states /Accessing Personal Genius (APG) Leadership from the international society of Neuro - Semantics (ISNS)
- Certified Practitioner of Neuro-Linguistic Programming Approved by the American Board of NLP (ABNLP)
-Peat Practitioner - One of the most effective emotions freedom tools -
- Qualified Professional Trainer
*******

07/10/2020

06/10/2020

انا مش واثق في نفسي ..

06/10/2020

أحيانا بنكون محتارين ناخد خطوه ولا نرجع خطوتين ؟
محتارين نوافق ولا نرفض ؟
نقرب ولا نبعد ؟
مبنكونش عارفين الخير فى اى قرار فيهم ..
أحيانا بيكون الخير فى أكتر حاجة احنا مش عاوزينها او بنبعد عنها وبنحارب وجودها اصلا .
ممكن يكون الخير فى اكتر وضع احنا طول عمرنا رافضينه. او في وضع احنا طول عمرنا بنحارب علشان نوصله ، وفي الحاله دى مبتكونش فاهمين الرساله علشان كدا بنكون متلخبطين وقلبنا محتار وعقلنا تايه ومشاعرنا عكس بعض ..
واحيانا تانيه بيكون الشر في اكتر حاجه احنا حابينها وعاوزينها وهنموت عليها وبرضوا مبنكونش فاهمين الرساله ..

سبحان الله علينا ..
وَيَدْعُ الإنْسَانُ بِالشَّرِّ دُعَاءَهُ بِالْخَيْرِ وَكَانَ الإنْسَانُ عَجُولا) )
كُتِبَ عَلَيْكُمُ الْقِتَالُ وَهُوَ كُرْهٌ لَّكُمْ ۖ وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ (216)

حقيقي مبنكونش عارفين الخير فين حقيقي " والله يعلم وانتم لا تعلمون" ..
علشان كدا #التسليم من اروع ما يكون
التسليم ان احنا مش عارفين، احنا بس بنسعى وبنلتمس الخير
التسليم ان ربنا هو العليم الخبير، مش بس معرفه لا يقين وتطبيق
التسليم بان الخير ممكن يكون في اكتر حاجه احنا بنبعد عنها او اكتر حاجه احنا عاوزينها، ما احنا مش عارفين " والله يعلم وانتم لا تعلمون""
علشان كدا
لازم ندعى كتير، ندعى ان ربنا ينور بصيرتنا للخير وييسر لينا الخير حيث كان ويراضينا بيه.
ندعى مش بس بلسان لا بقلب .

الحمدلله

05/10/2020

#الخوف



الحمدلله ❤️