20/01/2024
قصص الحيوانات في القرآن الكريم بطريقة مبسطة و سهلة للاطفال
حدوتة النهاردة ..رقم (3) ...(هدهد سليمان )
كان ياما كان ....كان في زمان ..نبي من انبياء الله اسمه سليمان ......😃😃😃كان ربنا مديله قدرة غريبة ......انه يفهم لغه الطيور و الحيوانات...... يعني كان بيفهم الاصوات اللي بيعملوها دي معناها ايه.....😊😊.. و بيعرف يتكلم معاهم كويس و هما كمان كانوا بيفهموا كلامه و بينفذوا اوامروه 👍👍
و كان سليمان عنده جيش كبير اوووي بيستخدمه في انه يدعوا الناس انهم يعبدوا ربنا .......و كانت الطيور و الحيوانات دي من ضمن الجيش بتاعه و منهم الهدهد .....😊😊😊.كان سليمان ساعات كتير بيطلب من الطيور و خاصة الهدهد انه يطير لبعيد و يروح لحد الاعداء اللي بيحاربهم ..😉😉😉...و يشوف عددهم قد ايه ....و انواع الاسلحه اللي معاهم و يرجع يقول لسليمان ...
و في من الايام طار الهدهد لبعيد من فلسطين اللي كان فيها سليمان و الجيش بتاعه لحد بلاد اليمن ......و لما وصل هناك شاف حاجه غريبة ...😁😁😁.لقي ملكة اسمها بلقيس .....هي اللي كانت بتحكم بلاد اليمن هي و الناس اللي عايشين معاها بيعبدوا الشمس ....😱😱😱 و بيسجدوا ليها بدل ما يسجدوا لله وحده .....غضب اووي الهدهد ....و قال لنفسه انا لازم ارجع بسرعه اقول لسليمان ......
وفي الوقت دة كان سليمان بيعدي يطمن علي الجيش بتاعه من طيور و حيوانات .....فملقاش الهدهد موجود ..😡😡😡....فسألهم عنه قالولوا مش عارفين راح فين ......غضب اوي سليمان و هدد انه لو رجع الهدهد و طلع معندوش عذر قوي لغيابه دة هيذبحه .....😱😱😱
فلما رجع الهدهد و حكي لسليمان علي اللي شافه ان الملكة بلقيس ملكة سبأ و اهل البلد بتاعتها كلهم بيعبدوا الشمس بدل ربنا ....😉😉.فرح سليمان بالهدهد لانه طلع كان بيعمل حاجه مفيدة مكنش بيلعب يعني 😉😉😉
كتب سليمان رسالة للملكة بلقيس بيقولها فيها انها لازم تبطل تعبد الشمس هي و كل اهل بلدها 😡😡 .....و تعبد ربنا وحده لان مفيش اله غيره هو اللي خلق الشمس و القمر و الكون كله .😨😨...و طلب من الهدهد انه ياخد الرسالة دي و يوصلهالها
و بالفعل مسك الهدهد الرسالة في منقاره و طار بيها لحد ما وصل لقصر الملكة بلقيس و حط الرسالة علي الكرسي بتاع الملكة ...😉😉.. ووقف علي الشباك بتاع القصر يشوف هيحصل ايه .....و بعد شوية جت الملكة بلقيس و قرأت الرسالة و استغربت جدا منها ...و جمعت الناس اللي بتحب تاخد رايهم في اي مشكله بتقابلها.........
و قالتلهم علي حكاية الرسالة اللي جت لها ....وقالتلهم ....قولولي اتصرف ازاي و ارد ازاي علي الرسالة دي ......😔😔😔 قالولها احنا شايفين انك تبعتي لسليمان دة شوية هدايا جميلة و غاليه و هو هيسكت احسن يجيلنا بالجيش الكبير بتاعه دة و يدمر و يخرب بلدنا 😔😔
و بالفعل عملت بلقيس اللي قالولها عليه ...👎👎👎.. غضب سليمان جدا منها و رجع لها الهدايا بتاعتها تاني و مخدهاش ......😏😏و قال للناس اللي كانوا جايبنها قولولها انا مش عايز هدايا منها انا عايزها هي تيجي لي هنا .........😡😡😡و تبطل تعبد الشمس و تعبد ربنا .....فلما راحوا و قالولها كلامه . ....و حكولها علي الجيش الكبير بتاعه اللي فيه طيور و حيوانات كمان ..😱😱😱
..قررت بلقيس انها تروح فعلا لسليمان و تستسلم و تسمع كلامه ....و هي في طريقها ليه ..😭😭😭...طلب سليمان من اتباعه من الانس و الجن اللي كان ربنا مسخهرهم لخدمه سليمان انهم يجيبولوا الكرسي اللي بتقعد عليه الملكة في القصر بتاعها ..👑👑👑.واحد منهم عرض عليه انه يجيبهولوا قبل ما يقوم سليمان من مكانه ....و كان سليمان ساعتها في جلسه قضاء.... يعني قاعد مع مجموعه من الناس بياخدوا رايه في مشاكلهم و يحكم بينهم ....😄😄😄.و كانت الجلسة دي ميعادها من الظهر للعصر ...
..فحس سليمان ان كدة هيبقي وقت كتير و هيتأخر .... ......واحد تاني منهم عرض علي سليمان انه يجيبلوا الكرسي قبل ما يغمض سليمان عينيه و يفتحها 😉😉😉و بالفعل جاب كرسي الملكة بلقيس ...و لما شاف سليمان الكرسي قدامه ...شكر ربنا علي النعم الكتير اللي اديهالوا ...😃😃😃
و بعدين امرهم سليمان انهم يبنوا بسرعه قصر فوق مايه البحر ....🌉🌉🌉و طلب منهم انهم يعملوا ارضيه القصر دة من الزجاج الشفاف ......يعني اللي يمشي فوقيه يفتكر انه ماشي فوق مايه البحر و حط الكرسي بتاع الملكة في القصر دة ......👍👍👍..و لما وصلت الملكة بلقيس و شافت الكرسي بتاعها في القصر الجميل دة ..👀👀👀 استغربت جدا ....ازاي كرسي العرش بتاعها جه هنا .......
و.قررت تسيب عبادة الشمس و تعبد ربنا وحده مفيش اله غيره هي و قومها كلهم ..😃😃😃..و كله دة بسبب هدهد سليمان .
و توته توته خلصت الحدوتة
21/07/2023
20/07/2023
20/07/2023
20/07/2023
20/07/2023