كورسات ألماني بالأقصر CDL

🎯 عايز تسافر ألمانيا؟ تشتغل في كول سنتر بمرتب عالي؟ أو تطوّر نفسك في مجالك؟

دلوقتي الفرصة قدامك 👇

🇩🇪 كورسات اللغة الألمانية في الأكاديمية الألمانية بالأقصر
بنبدأ معاك من أي مستوى:
A1 - A2 - B1 - B2 - C1

🔥 الكورس ده مناسب ليك لو أنت:
✔ خريج وبتدور على فرصة شغل حقيقية
✔ شغال في قطاع السياحة وعايز تزود دخلك
✔ في المجال الطبي أو الهندسي وبتفكر في السفر
✔ عايز تشتغل في كول سنتر ألماني بمرتبات مميزة
✔ ناوي تسافر 🇩🇪 ألمانيا أو 🇦🇹 النمسا أو 🇨🇭 سويسرا

💡 إحنا بنقدملك إيه؟
✅ خطة تعليم واضحة ومضمونة
✅ شرح مبسط + تدريب عملي على المحادثة
✅ تجهيز كامل للامتحانات الدولية
✅ مكان مكيّف ومجهز بأحدث الوسائل التعليمية
✅ متابعة مستمرة لحد ما توصل لهدفك 🎯

متنساش تسأل عن عرض الأصدقاء والاخوه

🏫 **مكاننا:**
الأكاديمية الألمانية – الأقصر
شارع مشمش، متفرع من شارع التلفزيون، بجوار بيتزا كويك
📲 احجز مكانك دلوقتي قبل ما الأماكن تخلص:
📞 01016439099
💬 واتساب: [https://wa.me/201016439099](https://wa.me/201016439099)

…إزاي تسافر ألمانيا ..؟

---

حبيت أكتب كل الخطوات و النصايح و المصادر و المصاريف و كل حاجة تعملها من اول ماتبدأ في الخطوات
ي رب حد يفرق ده معاه و يسافر .. أرض ربنا واسعة ي جماعة ..

((( شركة أرامكو ولا شركة جرين واي .. دول شغل نصب محدش بيسافر مع شركة ي جماعة .. دي مش السعودية ولا الكويت .. كل طرق السفر لأوروبا منك للسفارة و كلنا نساعدك تعرف الخطوات .. بس إنت لازم تتحرك بنفسك عشان دي الطريقة الوحيدة .. غير كدة .. نصب )))

بوست مهم من سفارة ألمانيا: https://m.facebook.com/story.php?story_fbid=335218952134166&id=100069381902079

---

أول خطوة ..
جزء كبير شخصي كان ليه علاقة بالاستعداد النفسي للسفر و الغربة و ده هاخليه في بوست لوحده ..
هانبدأ هنا من طرق السفر و الإنتقال لألمانيا ..
الشغل .. الدراسة .. التدريب المهني .. لم الشمل
جالك .. الأكيد إنك محتاج إنجليزي بشكل أساسي .. بس ساعات بتحتاج تتعلم ألماني لو مجال في تعامل مباشر مع العميل .. زي المجال الطبي و الصيدلي و المبيعات و الإدارة و أحيانا الهندسي ..

---

المواقع اللي ندور عليها ع شغل في أوروبا:

LinkedIn
Glassdoor
Greenhouse
Xing

دول مبدأيا عليهم الشركات العالمية .. ع الأغلب مش بيطلبوا ألماني أو لغة تانية غير الإنجليزي .. حسب كل مجال برده ..
و تقدم كل يوم ع كل الشغل اللي تقدر عليه في الوظيفة اللي بتدور عليها ..
أيام كنت بأقدم ع ٢٠ وظيفة .. و أيام ماكنتش بالاقي وظايف جديدة نازلة .. او بالاقيهم بعيد خالص عن خبرتي ..

كمان بدأت أبحث عن الشركات اللي في مجالي .. مثلا أدور عن قايمة بالشركات اللي بتشغل مبرمجين .. أو بتطلب شغل Salesforce اللي هو تخصصي .. و أدخل ع المواقع بتاعتهم و أدور ع وظايف و أقدم عليها ..
في وظايف مش بتنزل ع أي محرك بحث وظايف .. هي ع موقع الشركة بس .. دي جبتها من ع جوجل صديق الفلاح ..

---

نصايح في التقديم:

- ظبط الأكونت بتاعك ع كل موقع بحث وظايف من دول و خليهم متطابقين .. اكتب كويس عن خبراتك القديمة و وضح الحاجات المهمة و المشاريع اللي اشتغلت عليها من غير تفاصيل مالهاش لازمة ..
نفس الكلام بالحرف جوا السي ڤي بتاعك ..
مواقع مفيدة للسي ڤي :
https://shriresume.com/
https://www.freesumes.com/

- أول كام انترڤيو مش مهم تتقبل .. المهم تتدرب ع الأسئلة و تكسر حاجز الرهبة ..
توقع ايميلات رفض كل يوم .. او حتى عدم رد من شركات كتير ..
أنا قدمت ع ٣٠٠ شغلانة و أكتر عشان ألاقي ٦ شركات بس ردوا عليا بفرصة انترڤيو .. منهم شركة قبلتني الحمد لله ..

- اعمل ملاحظات بعد كل انترفيو و اتدرب ع الأسئلة الصعبة ..
جوجل صاحبك .. ابحث عن أشهر ٥٠ سؤال في مجالك ممكن يتسألوا و ذاكرهم بنماذج إجابات محتملة و اعكس عليها تجربتك و خبراتك إنت ..
اتدرب مع حد أو مع نفسك أو قدام مراية بصوت عالي .. فرقت معايا جدا أكسر حاجز القلق و التوتر ..
لو عندك خبرة قديمة برا المجال اللي بتقدم عليه و تعرف تربطها بالمجال أعمل كدة ..
يعني بدل ما يبقى نقطة ضعف إنك اشتغلت كول سنتر و بعدين درست بيزنس و حولت تحليل بيانات و بعدين قلبت برمجة .. هايبان إنها نقطة قوة بتخليك تجمع كل خبرتك دي و تستخدمها إنك تتميز عن باقي الناس في مجالك اللي خبرتهم من نوع المجال فقط ..
و مش مهم دايما تربط خبراتك ببعض .. بس وريهم تأثير كل خبرة فرق معاك إزاي و كون المهارات اللي معاك دلوقتي ..

---

بعد ما يجيلك فرصة عمل و عقد:

من هنا هانقول مبروك بعد شهر أو إتنين أو سنة و شوية أكتر او أقل تجارب و محاولات و إحباط و مذاكرة .. لقيت الفرصة اللي من نصيبك ..
دلوقتي وقت خطوات الورق في مصر .. و التجهيز للتقديم على الفيزا ..

طبعا أول حاجة موقف الجيش واضح و خلصان .. الباسبور يكون طلع جديد أو يكون بياناته مش محتاجة تحديث ولا تغيير ..

- نسختين أو تلاتة أصل من شهادة التخرج و بيان درجات من الكلية بالإنجليزي إن أمكن عشان مانترجمش بعدين ..

- توثيق للشهادات من الجامعة بغرض السفر .. أو من الوزارة لو جامعة خاصة ..

- توثيق من الخارجية .. انا وثقت في مكتب رمسيس اللي جوا ميناء القاهرة البري بتاع اتوبيسات غرب و شرق الدلتا ده .. https://goo.gl/maps/57uJ3ZT3p4KY6khT7

- بعدين بتقدم ع موقع شركة خدمات السفارة .. كل مجموعة دول أو ساعات دولة لوحدها بيبقى ليهم شركة تقدم عليها بدل ما تروح السفارة على طول ..
في حالة ألمانيا هي شركة TLS في المهندسين ..
بتدخل ع الموقع بتاعهم و بتحجز ميعاد توثيق مستندات .. و بتلاقي الخطوات و الشرح هناك بالتفصيل ..
https://legalization-de.tlscontact.com/service/eg/egCAI2de/home

- هنا إنت هاتوثق شهادة التخرج و بيان الدرجات اللي بالإنجليزي .. و لو الشهادة مش متاحة إنجليزي من الجامعة .. هانحتاج نترجمها عن مترجم معتمد من سفارة ألمانيا .. ده موجود ع موقع السفارة و موقع TLS كمان ..
بتدفع فلوس أونلاين لحجز الموعد .. و جزء بتدفعه كاش فـ المكتب يوم الموعد بتاعك .. (في حالتي دفعت ١٠٠ جنيه للحجز .. و دفعت تقريبا ٥٥٠ جنيه لكل مستند) ..
و بتقدم الورق عشان يتوثق و يعتمد من سفارة ألمانيا في السيناريو بتاعنا ..
---
تعديل: (بتاريخ يونيو ٢٠٢٣)
دلوقتي السفارة الألمانية في مصر بقت مش بتطلب توثيق شهادة التخرج و بيان الدرجات في حالة فيزا العمل .. هاندخل على موقع TLS و نقرا التغييرات اللي بتحصل أول بأول ..
يعني مش هانحتاج توثيق الخارجية و مش هانحتاج توثيق السفارة عشان الفيزا ..

---

- و إنت بتعمل الخطوات دي بالتوازي .. بتقدم أصول تانية من الشهادات عشان يتم اعتماد الدرجة العلمية بتاعتك .. و دي تبع مؤسسة اسمها ZAB في ألمانيا ..
هنا الشهادات دي يكفي توثيقها من الجامعة مش محتاج توثيق خارجية أو سفارة ..
إزاي تعرف إنت محتاج الخطوة دي ولا لأ من هنا:
عن طريق موقع tls
- بتدخل ع الموقع بتاعهم بتختار البلد و بتقرا التفاصيل (ع جوجل كروم ممكن تترجم الموقع من ألماني لانجليزي .. و بتملى أبلكيشن .. بتحط بياناتك كاملة و رقم الباسبور و غيره ..
و بتطبع الابلكيشن اللي مليته أونلاين ده ..
اللينك ده بتختار فيه بلدك .. و بتقرا التفاصيل و المستندات .. بتلاقي تكلفة الموضوع ٢٠٠ يورو (بتاريخ أكتوبر ٢٠٢١) .. و بتلاقي عنوان البريد اللي هاتبعت عليه ورقك ..
https://www.kmk.org/zab/statement-of-comparability/documents.html

- هتحتاج شهادة الثانوية و بتحطها مع الشهادات بتاع الجامعة و صورة من الباسبور .. و نسخة من العقد اللي مضيت عليه م الشركة ..
لو مش عندك الشهادة تقدر تطلع نسخة من هنا ..
https://maps.app.goo.gl/Por5aTUbqp4QRXE48

و بتبعت ده بالبريد على عنوان ZAB اللي موجود ع موقعهم .. ممكن تستخدم شركات شحن زي DHL أو UPS .. أنا بعتت مع UPS و دفعت ٧٧٥ جنيه تقريبا ..

# حسب موقع ZAB مش محتاج الشهادات تترجم ..
"If your documents are issued in Arabic, English, French, Italian or Spanish, a German translation is not needed."

- بعد اسبوع لاتنين .. ZAB بيردوا عليك إن الورق وصل .. و يلا ادفع رسوم لمعادلة شهادتك ٢٠٠ يورو تحويل بنكي على حسابهم ..
بتحول الفلوس من بنك القاهرة او بنك مصر أظن من غير ما يكون ليك حساب جاري عادي .. أو ساعتها ممكن تطلب مساعدة من حد سافر قبل كدة في التفاصيل .. أو ممكن حد هنا يدفعهملك و إنت تحولهم لأهله في مصر عادي ..

(اول ما توصل المرحلة دي و محتاج حاجة أو تايه .. ابعتلي و ي رب أشوف الماسج إن شاء الله 😅)

- بتحول الفلوس و بتستنى يردوا عليك بعد من أسبوعين ل ٣ شهور حسب نوع العقد بتاعك ..
هوب بيبعتولك المعادلة أونلاين بتطبعها .. و الأصول اللي بعتتها ليهم بالبريد بترجعلك بالبريد برده .. بس بعد فترة أطول سيكا ..

---

التقديم للحصول على فيزا عمل:

كدة زمانك استلمت شهاداتك الموثقة من السفارة .. و وصلك ورق معادلة الشهادة بتاعتك ..
بتعمل أكونت ع موقع TLS تاني بس عشان الفيزا .. و ده مختلف عن الموقع بتاع التوثيق ..
https://visas-de.tlscontact.com/visa/eg
https://de.tlscontact.com/eg/cai/page.php?pid=procedure

بتملى بياناتك و بتتأكد إنها صح .. و بتبدأ تشوف موعد متاح عشان تحجزه و تروح تقدم ..
بتحجز الميعاد أونلاين و تدفع تأكيد الحجز أونلاين (تقريبا كان ١٠٠ جنيه برده) .. و تخلي معاك ريسيت لما تدفع بفوري عشان هتحتاجه يوم ما تروح ميعادك .. و الباقي بتدفعه كاش هناك ..

بتدخل ع موظف و تاخد رقم .. بعدين رقمك يظهر ع شباك معين .. و تروح لموظف تاني يراجع بياناتك .. و ورقك و يتأكد إن معاك كل الورق (ع موقع TLS هتلاقي ملف فيه كل الورق اللي هاتحتاجه) ..

من ضمن الورق بتحتاج شركتك تبعتلك شوية مستندات هتلاقيها في نفس الملف الي قولنا عليه ..

الموظف بياخد بصماتك .. و يمضيك ع أي فورم ناقصة امضا أو حاجة .. و بعدين بتدفع باقي فلوس التقديم في شباك الخزنة .. و تروح ع البيت تستنى يجيلك رسالة ع الفون بتقولك الباسبور جاهز للتوصيل و هايجيلك ع البيت ..

بالمناسبة فيه أوبشن إنك تتصور الصور بتاع الفيزا في المكان عشان بتبقى بمقاسات معينة .. اتصورها في يومها هناك أحسن ما تطبعها من استوديو بمقاسات مختلفة .. بتكلف ٤٠ جنيه تقريبا ..

بعدين بيوم ولا اتنين حد بيتصل بيك و يقولك إنه مندوب التوصيل ومعاه الباسبور بتاعك .. بتستلمه بالورقة بتاع بوليصة التوصيل ..
دي بتاخدها أخر حاجة قبل ما تدفع الفلوس ع الخزنة ..
فيه شباك مخصوص بياخد منك عنوانك و يديك وصل الدفع و وصل استلام الباسبور ..

---

السفر و السكن:

ألف مبروك .. بقى معاك فيزا دخول ست شهور تقريبا .. تحجز طيرانك و سكنك و تيجي على ألمانيا بألف سلامة ..
هاتحجز تذكرتك عادي على الولاية اللي شركتك فيها .. و موضوع السكن ده هانعمل له بوست تاني خالص إن شاء الله ..

بس مبدأيا التذكرة هاتعمل بين ٣٠٠ و ٥٠٠ يورو .. و السكن ممكن تبدأ بهوستل أو airbnb ب ٢٠ يورو تقريبا لليلة .. عشان طبعا دي حسبة بتدفعها باليورو هناك ..
و أغلب الشركات المحترمة بتساعد في مصاريف إنتقال أول شهر .. بس ده مش كله بيعمله وارد جدا تحتاج تتكفل بنفسك بالطيران و السكن ..

فيه كمان مصريين كتير ع جروبات تبع المغتربين برا .. بيساعدوك تلاقي سكن أرخص ..

#المانى

ملاحظه
لا تضيع الوقت والمال بالمعلومات الخاطئة! يمكنك العثور على جميع المعلومات حول قوانين التأشيرة والدخول على موقعنا www.kairo.diplo.de.
إذا لم تجد معلومات عن أسئلتك هناك ، فاكتب إلينا عبر نموذج الاتصال الخاص بنا.
الجهات الخارجية ، مثل وكالات السفر ووكالات الكتابة والاستشاريين وما إلى ذلك ، أو المواقع الأخرى تقدم معلومات خاطئة. إذا كنت تثق في هذه المعلومات ، فقد يتم تأخير طلبك - وستخسر المال. خاصة إذا طلب شخص ما المال للحصول على معلومات التأشيرة ، فيجب أن تشك في الأمر.
المعلومات المقدمة من السفارة الألمانية مجانية.

❗️❗️

للحجز والاستفسار التواصل
01016439099
01551553040
الاقصر شارع التلفزيون بجوار بيتزا كويك

فُرَص رائعة للعمل في ألمانيا مُقدّمة من الغُرفة العربية الألمانية للصناعة والتجارة (GACIC) التابعة للحكومة الألمانية تشترط إجادة اللغة الألمانية (مستوى A2 على الأقل) وخبرة أو مهارة في:
🔹 الكهرباء
🔹 الميكانيكا
🔹 المعادن
🔹 الفندقة والضيافة
📌 قدّم من خلال برنامج Skills for Germany التابع للغرفة التجارية الألمانية بمصر (AHK Egypt)، واستفد من مسار قانوني وآمن للهجرة والعمل.
الغرفة العربية الألمانية للصناعة والتجارة (GACIC)
German Arab Chamber of
Industry and Commerce
‼️اللينك للتقديم https://5139980.app.netsuite.com/app/site/crm/externalleadpage.nl?compid=5139980&formid=15&h=AAFdikaIfrZW6JqR_fjgcRAMMhX6JAYfddAxkDWjggnNZhChJzI&whence=&siaT=1757925561260&siaWhc=%2Fapp%2Fcenter%2Fcard.nl&siaNv=ct2&redirect_count=1&did_javascript_redirect=T&fbclid=IwdGRjcAOQ1UZjbGNrA5DVKGV4dG4DYWVtAjExAHNydGMGYXBwX2lkDDM1MDY4NTUzMTcyOAABHj7MraSiIA5tQ0LOmUt0HjaBueeXDLkRtGg9cP626OPbWwn9QVr4pQD56gvu_aem_9DTfKONdYXgspT76jiAUNA

Migration and Employment Form 15. kindly find below the questions that are to be answered in the video. Check the uploading steps and add the Video Link below (optional and 90 seconds max): 1. Introduce yourself. 2. What is your academic qualification? 3. tell us about your work experience and your motivation to go to Germany.

للحجز والاستفسار واتس
01016439099
العنوان الأقصر شارع مشمش متفرع من شارع التلفزيون بجوار بيتزا كويك.. الأكاديمية الألمانية بالأقصر

للحجز والاستفسار واتس
01016439099

German Academy in Luxor الاكاديمية الالمانية للغات

✍️ نصيحة مهمة جدًا لأي طالب ناوي يبدأ كورس لغة (ألماني أو أي لغة تانية):

قبل ما تختار المدرّب أو المركز، ما تجرِيش ورا الإعلانات والخصومات بس. الإعلانات عمرها ما كانت مقياس للكفاءة.

✅ لازم تتأكد بنفسك من شوية حاجات مهمة:
🔹 مؤهلات المدرّب الأكاديمية (شهاداته وتخصصه).
🔹 خبرته العملية وسنوات تدريسه.
🔹 تقييمات حقيقية من طلاب سابقين.
🔹 نماذج من شغله وطريقته في الشرح.

للأسف، في ناس كتير بتيجي تعيد المستوى من أول وجديد بعد ما تكتشف إن عندها مشاكل كبيرة في المهارات الأساسية (القراءة – الاستماع – القواعد – النطق)، وكل ده سببه إنها بدأت مع حد غير مؤهل.

🎯 اختيارك الصح من البداية هيوفّر عليك فلوس ووقت وطاقة.
لو لسه محتار، اسأل وشوف تجارب غيرك، وخد وقتك في المقارنة قبل ما تحجز.

🌟 التعليم استثمار كبير، ما تستهونش بيه.

هير /عبدالله حجاج
مدرب ومحاضر لغة ألمانية بخبرة أكثر من ١٢ عام في تدريس اللغة الألمانية.