2soly

15/08/2025

05/08/2025

التدريس مهنة ملهاش كتالوج 😐📚
طلبة تسيبك وطلبة تجيلك 👋👣
وناس داعمة وناس حاقدة... 💬❤️‍🔥
ناس تسيء ليك وناس تشكر فيك وناس تتبلي عليك... 😔🤝👀
مهنة هتقابل فيها الكذاب، وهتقابل فيها المخادع، والمتملق، والمتلون، وصاحب الوجهين... 🎭🕵️‍♂️
هتقابل فيها الذكي وهتقابل فيها الغبي 🤓🙃
هتلاقي نفسك في يوم محبط، ويوم معنوياتك في السما... 📉📈✨
هتلاقي فيها رزق يجيلك من غير ما تسعى إليه، ورزق يهرب منك من غير سبب... 💸🎁
مهنة هتلاقي فيها معايير النجاح مختلفة ومالهاش مالكه... 🧩🏁
ببساطة: هتلاقي فيها العِبر لِمن يَعتبِر... 🧠🔍
والصبر فيها على الأذى عبادة... 🙏💪

منقول

03/08/2025

خدعوك فقالوا: التدريس تدريس وبس!

They deceived you when they said: “Teaching is just teaching!”

أوعي تصدق إن التدريس معناه كتاب ودرس وواجب وبس، أو إنك لازم تكون جامد وقاسي عشان الطلبة “تحترمك”.
التدريس قبل ما يكون مهنة، هو رسالة فيها حب للطفل، وصبر على بطء الفهم، ورحمة لو غلط، وتشجيع لما يحاول.

في التدريس في علاقة إنسانية بين المعلم والطلاب، في دفء ونصيحة، في كلمة حلوة ترفع معنوياتهم، في تقدير لكل طالب مهما كان مستواه، وفي راحة نفسية تخلي الفصل بيتهم التاني.

المدرس الشاطر مش اللي يحفظهم الدرس، لكن اللي يعلّمهم بحب، ويخلي التعليم رحلة جميلة مش واجب ثقيل.🥹♥️♥️♥️

21/07/2025

انتباه والكل يستعد
مؤكد 100% ..غدا إعلان نتيجة الثانوية العامة على المواقع ... روابط النتيجة أول تعليق

20/07/2025

المتغطي بالطالب عريان ..
في موسم انتقال الطلاب بين المدرسين تلاقي طالب سابك وراح لغيرك
اتقوا الله في أعصابكم وحياتكم وصحتكم..
الطالب اللي يمشي يمشي ؛ ده رزق ومحدش بياخد رزق حد..
لازم تعرفوا إن الجيل ده بيزهق بسرعة..
بيحب الإيقاع السريع؛ لو مقطع الفيديو زاد عن ٥ دقايق مش بيكمله ؛ إزاى عايز إنه يفضل عندك فترة كبيرة..
ملهاش علاقة انت شرحك كويس ولا لأ الطلاب بيمشوا ورا بعض و غالباً بيمشوا ورا الشاطر اللي بيمل بسرعة أصلاً..
النهارده عندك بكرة عند غيرك بدون أسباب
ارضي ربنا وضميرك في شغلك واللي ييجي ييجي..
أنت اكبر من إنك تزعل علىٰ طالب خرج من عندك وراح لمدرس تاني و متخافش رزقك مكتوب..

معلومة أخيرة : متصدقش أي ولي أمر مهما مدح فيك لأن بينك وبينه مصلحة فقط..

18/07/2025

فى بداية عام دراسي جديد نصيحتى لزملائى المدرسين :
١. اجعل بينك وبين الطالب حدا لا تتجاوزه أنت ولا تسمح له بتجاوزه ...
٢. إياك أن تتساهل فى حقوقك أقصد حقوقك المعنوية من الاحترام والتقدير والإجلال أما حقوقك المادية فأنت أعلم بها .
٣ . ليس من التواضع أن تتقبل من الطالب أن يمزح معك أو يحدثك بما لا يليق .
٤ . إياك أن تسمح لطالب أن يذكر زميلك المعلم بالسوء والنقد فإنك إن رضيت بذلك خسرت نفسك وزميلك والطالب نفسه .
٥. لا يكن همك رضا ولى الأمر أو الطالب فرضاهما غاية لا تدرك فاحرص على رضا الله فيهما يرض عنك الله والناس
٦. لا تجعل نفسك سهل المنال فالأرزاق بيد الله فليأت رزقك بكرامة لا بترخص وابتذال .
٧. لا تسمح للطالب أن يتنقل بينك وبين غيرك من الزملاء بسهولة ... أعلمه أن من الممكن أن يتركك فى أى وقت شاء لكن لن يمكنه العودة مرة أخرى .
٨ . تجنب أن تعطى درسا وقت الصلاة فأنت مرب قبل أن تكون معلما .
٩. كن تلميذا بالليل تكن أستاذا فى الصباح .
١٠ . تمن الخير لجميع زملائك فخزائن الله ملأى تتسع لك ولزملائك ....
موفقون بإذن الله

18/07/2025

فهرس منهج الرياضيات للصف السادس الابتدائي ٢٠٢٦ 👌

18/07/2025

منقول

18/07/2025

فهرس محتوي منهج الصف الخامس من كتاب سلاح التلميذ ...
المنهج والدروس هي هي ...طريقة الشرح مختلفه مع بعض الامثله المختلفه عن النسخ السابقه ..يعني ما ينفعش تشتغل من نسخه قديمة الا لو كنت هتذاكر في البيت بس
💥الجديد إضافة اختبار تراكمي بعد كل وحدة ...

6وحدات 46 درس ...
بالتوفيق ان شاء الله ...

18/07/2025

💥👨‍🏫منهج تانية اعدادي الجديد منهج دسم 👨‍🏫💥
💥💥هذا المنهج مش كتاب دا مرجع 💥💥
💥💥أصعب منهج دراسات في كل المراحل 💥💥

💥👈 منهج تانية اعدادي الجديد في الدراسات منهج دسم وتقيل وكمية معلومات كتيرة جدا وكلها موضع اسئلة.
👈ولذلك محتاج مجهود مضاعف من المعلم وعرض المعلومة بأسلوب الفهم وليس الحفظ والتلقين وربط المعلومات ببعضها وأهم حاجة التكرار لان مع تكرار المعلومةبتزيدنسبة فهم الدرس مع كل مرةوحل اسئلة كتير وعمل امتحانات بصفة مستمرة .
👈ومحتاج طالب شاطر وفاهم وليس حافظ لان لو حافظ هاينسي المعلومات .

👌ولكن بعيد عن المنهج والطالب منهج جميل ومفيد ويواكب العصر ولكن الكمية لاتتناسب مع المرحلة العمرية للطالب .
مع تمنياتنا للجميع بالتوفيق ان شاءالله🤲🤲❤️❤️

18/07/2025

سلاح التلميذ كالعادة متميز وتمرينات قوية والأهم ان أفكار الامتحانات مش بتخرج منه 👌
فى وجهة نظرى مش شايفة حاجة أقوى منه و هنشتغل منه ان شاءالله للمرحلة الابتدائية والمنهج متغيرش 🩷

18/07/2025

بصو بصو العظمة دى.
جرامر رابعة ابتدائي المنهج الجديد
الوحدة الأولى: المضارع البسيط ( الاثبات)
الوحدة التانية : المضارع البسيط (النفي و السؤال)
الوحدة التالتة: مقارنة الصفات القصيرة
الوحدة الرابعة: حروف جر المكان
الوحدة الخامسة : التفضيل في الصفات القصيرة
الوحدة السادسة : قصة ( مفيهاش جرامر )