أكاديمية نبض للتمريض الخاص المعتمد

سمعة التمريض.. الحكاية بدأت منين؟ وليه لسه بنعاني؟

كتير مننا بيسأل: ليه نظرة المجتمع للتمريض أحياناً بتكون مش في مكانها؟ وليه كلمة "ممرض" عند البعض لسه مرتبطة بصورة ذهنية قديمة؟
عشان نصلح الحاضر، لازم نفهم الماضي "الصح".

البداية: "خدمة" مش "مهنة"
التمريض بدأ كفطرة إنسانية وخدمة لوجه الله. كان تطوع في المساجد والكنائس والمعابد، زي السيدة رفيدة الأسلمية (أول ممرضة في الإسلام) اللي كانت بتداوي الجرحى في الغزوات. وقتها كان "عمل خيري" بحت، ملوش أجر ولا دراسة منظمة.

ثانيا: "صدمة عصر محمد علي (مدرسة الحكيمات)
هنا بدأت "العقدة" في مصر. لما محمد علي باشا حب يعمل مدرسة "الدايات" (التمريض حالياً)، الأهالي رفضوا يودوا بناتهم تماماً بسبب العادات والتقاليد. فاضطر يجيب "الأسيرات، اليتيمات، وبنات الجنود" ويعلمهم بالعافية. من هنا المجتمع ربط بين المهنة وبين "الطبقات المستضعفة"، وللأسف السمعة دي عاشت سنين طويلة. وإلخ .... إلخ ....
المهم
تأسس المعهد العالي للتمريض بالقاهرة سنة 1965.
وبعد صراع طويل، تحول لـ "كلية تمريض" رسمياً سنة 1995.
يعني إحنا دلوقتي دارسين علم، مش مجرد "مؤدي خدمة".

وأخيراً: "قصة "الإكرامية".. الميراث المسموم
زمان، التمريض كان بيعتبر "خدمة منزلية" بياخد عليها الشخص أجر بسيط جداً لا يكفي أكله، فكان المريض بيديله "بقشيش" أو "إكرامية" كنوع من الجدعنة.
المشكلة إن العادة دي "توارثت" شعبياً. وحتى لما الأجور اتحسنت وبقت المهنة محترمة بكيانها، فضل فيه "قلة" معندهاش أمانة، استمرت في طلب الإكرامية وبقت هي اللي بتجيب السمعة الوحشة لزمايلها الشرفاء.
وعشان منطولش كلام كتير ..
رسالتنا في " تمريض نبض ":
إحنا مش "خدامين" حد، وإحنا مش "بتوع بقشيش". إحنا مهنيين، معانا شهادات، بنقبض مرتب مقابل شغلنا وعلمنا.
الإكرامية هي إهانة للبالطو الأبيض اللي لابسه.
السكوت عن اللي بياخد إكرامية هو مشاركة في تشويه سمعتنا كلنا..

إحنا جيل جديد، جيل دارس وفاهم، وعشان المجتمع يحترمنا لازم إحنا أول ناس نحترم مهنتنا ونطهرها من الممارسات دي.

التمريض.. علم، أمانة، وكرامة.

✍️ محمد عزالدين
#تمريض #ممرض
تمريـــض نبـــض 01017379218
د/ ســـما عامـــر 01090748861

شكرًا لكونك أحد أبرز المتفاعلين ودخولك إلى قائمة التفاعلات الأسبوعية الخاصة بي! 🎉 Shorok Elshams, Amira Kadry, الحمصانى محمد, فوزي علي كيان علي, Wael Eldeep, أبو طنطاوي, حمدي حلاوة محبي الحرمين, امانى البنا, أبوصحوة الواقدي, ملك العالمي ابو مالك, شهد عبد الكريم, Ana Hoda