Coach Ahmed Shawky

23/08/2026

الحمد لله فتحي في نصف النهائي 🇪🇬🥊🏆

بعد انسحاب لاعب منتخب سوريا من البطولة، تأهل فتحي إلى الدور نصف النهائي من البطولة العربية للمواي تاي في بنغازي – ليبيا.

صحيح إن التأهل جاء بعد الانسحاب، لكن ده لا يعني إن المهمة انتهت. بالعكس، الاختبار الحقيقي لسه قدامنا، وفتحي لازم يكون جاهز تمامًا للمرحلة القادمة.

فخور بيك يا فتحي، وفخور بكل التعب والتدريب اللي وصلك لحد هنا. ❤️

دعواتكم له بالتوفيق والثبات في نصف النهائي، وإن شاء الله يقدم أفضل ما عنده ويمثل مصر بالشكل اللي يليق بيها. 🇪🇬🔥

لسه المشوار مكمل… وربنا يكتب له الخير والتوفيق في اللي جاي. 🥊❤

23/06/2026

النهاردة حصل موقف حبيت أشاركه معاكم.

وإحنا في التمرين في أكاديميتي بشارع بنك مصر، دخل علينا مجموعة من الشيوخ والدعاة الأفاضل.

قعدنا نتكلم شوية، وكان من ضمن الكلام إنهم بيذكروا الناس بالله وبيمروا على الشباب في الشوارع يدعوهم للصلاة وللخير.

وأثناء الكلام قلت لهم: طالما أنتم موجودين، يا ريت تكلموا اللاعبين عندي شوية.

وفعلًا جمعت الأولاد بعد التمرين، واتكلموا معاهم في نصائح جميلة تخص الدين والأخلاق والالتزام، والحقيقة إن الأولاد كانوا مستمعين باهتمام.

وبعدها دعونا إننا نصلي العشاء معاهم، واجتمعنا في مسجد الفخرانية بشارع بنك مصر.

واللي لفت انتباهي إنهم طول الطريق كانوا بيدعوا الناس للصلاة، وكل ما يقابلوا حد يقولوا له: تعال صلي معانا.

بعد الصلاة استكملوا كلامهم ونصائحهم للشباب، وكانت جلسة طيبة ومفيدة جدًا.

بصراحة المشهد كله أسعدني.

لأننا في وقت بقى فيه ناس كتير بتشتكي من أخلاق الشباب أو انشغالهم بحاجات كتير، لكن في المقابل فيه ناس بتسيب أشغالها وراحتها وتمشي بين الناس عشان تدعو إلى الله وتذكرهم بالخير.

فجزى الله خيرًا كل من يسعى في إصلاح الناس، وكل من يذكر بالله، وكل من يبذل وقته وجهده في خدمة دينه ومجتمعه.

ونسأل الله أن ينفع بهم، وأن يبارك في جهودهم، وأن يرزق شبابنا الهداية والصلاح وحسن الخلق.

الصورة من لقاء الليلة بعد صلاة العشاء بمسجد الفخرانية.

06/06/2026

سبحان الله…

النهاردة الصبح نزلت فيديو للاعبنا فتحي وهو قاعد بعد التمرين بيقرأ القرآن، وفرحت جدًا بالمشهد ودعيت له ربنا يبارك فيه ويحفظه.

وبعدها بساعات، فتحي نزل ماتشه النهاردة وقدّم أداء رجولي وماتش قوي جدًا، لكن أثناء اللعب تعرّض لإصابة نتج عنها كسر في صباع إيده اليمنى.

الحمد لله على كل حال.

وده بيفكرنا دايمًا إن الدنيا كلها بقدر الله، وإن اللاعب مطلوب منه يجتهد ويعمل اللي عليه، أما النتائج والأقدار فكلها بيد الله سبحانه وتعالى.

وإحنا مؤمنين إن العين حق، وعشان كده دايمًا بنقول:
اللهم بارك.

ندعو لفتحي بالشفاء العاجل والعودة أقوى بإذن الله، وربنا يحفظ جميع أولادنا من كل سوء.

ألف سلامة يا بطل 🥊💪

06/06/2026

النهارده بعد ما خلصنا التمرين، قعدت أنا و " فتحي " نتكلم شوية.

كنت بكلمه عن السعي…

وإن الإنسان مطلوب منه يجتهد ويعمل اللي عليه، لكن النتيجة في الآخر بتبقى بتاعة ربنا.

وذكرت له آيات من القرآن وأحاديث عن التوكل والأخذ بالأسباب.

المهم خلصنا الكلام، وأنا انشغلت شوية في التليفون.

بعد كام دقيقة رفعت عيني لقيت " فتحي " قاعد لوحده في جنب الصالة.

فقلت أكيد مستريح شوية بعد التمرين.

بصيت تاني لقيته ماسك مصحف وبيقرأ قرآن.

بصراحة المنظر لمس قلبي.

مش عشان هو لاعب كويس…

ولا عشان بيكسب بطولات…

لكن عشان أجمل حاجة ممكن تشوفها في لاعب صغير، إن قلبه متعلق بربنا.

صورت الفيديو ده من غير ما ياخد باله.

ولما حس بيا وسألته:

“بتعمل إيه؟”

رد بكل بساطة:

“بقرأ قرآن.”

ساعتها حسيت إن فيه حاجات أهم بكتير من أي ميدالية وأي بطولة.

ربنا يبارك في أولادنا ويحفظهم ويجعلهم من أهل القرآن والصلاة.

دي لحظات بتأكدلي إن التربية الصح عمرها ما بتضيع.

03/06/2026

من كام يوم حصل موقف خلاني أفكر شوية…

الأذان أذّن وإحنا في نص التمرين، وكالعادة وقفنا التمرين وجمعنا اللعيبة وصلينا جماعة.

بعد الصلاة، واحد من أولياء الأمور جه قالي:

“يا كابتن، كده أنت ضيعت من وقت التمرين حوالي عشر دقايق، ومين هيعوض الوقت ده؟”

بصراحة استغربت السؤال.

فقلت له:

“حضرتك شايف إن المشكلة في العشر دقايق؟”

قال لي: “ما كانوا يصلوا لما يروحوا.”

ساعتها رديت عليه وقلت:

“أنا كمدرب هدفي مش إني أطلع لاعب قوي بس… أنا عايز أطلع لاعب ملتزم كمان.”

لو ابني أو لاعب عندي اتعلم إنه أول ما يسمع الأذان يقوم يصلي، يبقى أنا كده علمته حاجة هتنفعه طول عمره.

إنما العشر دقايق اللي حضرتك زعلان عليهم دول، سهل جدًا يتعوضوا.

لكن لو عودنا أولادنا إن الصلاة تتأجل عشان التمرين، أو عشان الماتش، أو عشان أي حاجة تانية… يبقى إحنا بنعلمهم إن أي حاجة أهم من الصلاة.

وعشان كده…

طول ما أنا موجود، لو الأذان أذّن أثناء التمرين، التمرين هيقف والصلاة هتتصلّى.

التمرين مهم…

والبطولات مهمة…

لكن في حاجات أهم من أي بطولة وأهم من أي ميدالية.

ربنا يبارك في أولادنا ويجعلهم أبطال في أخلاقهم ودينهم قبل ما يكونوا أبطال في الريا

02/06/2026

اعداد الابطال محتاج وقت وصبر 🥊

27/05/2026

🎉🐑 كل عام وأنتم بخير ❤️

تكبيرات العيد بصوت أبطال أكاديمية أحمد شوقي 🔥
روح الفريق… والمحبة… والفرحة اللي بتجمعنا دايمًا 🤍

نسأل الله أن يعيد عليكم الأيام بالخير والبركة،
وأن يرزقكم الصحة والسعادة والنجاح دائمًا 🌙✨

عيد أضحى مبارك عليكم جميعًا 💪❤️

23/05/2026