مركز الرعاية الشاملة

09/12/2020

أنواع الأطفال وكيفية التعامل معهم

07/12/2020

اضرار شرب الاطفال الشاى.

23/10/2020

فى فرق بين القسوة 👎🏻 والحزم 👍🏻
فى فرق بين التسلط 👎🏻 والسيطرة👍🏻
فى فرق بين التملك 👎🏻 والحب 👍🏻
فى فرق بين التدليل الزائد 👎🏻 والاحتواء 👍🏻
فى فرق بين تجاهل الطفل 👎🏻 وتجاهل سلوك الطفل 👍🏻
لو كل أب وأم قدروا يميزو بين الفروق دى هتتحل مشاكل كتيييير وهتختفى إضطرابات سلوكية كتييير وهنبطل شغل 😂
مسائكم جميل زى قلوبكم ❤️

17/10/2020

17/10/2020

أعراض تشتت الإنتباه

17/10/2020

"الاعاقه العقليه"
هى الاعاقه العقليه وماهى ؟
اولا هنعرف مع بعض الاعاقه العقليه هو نقص اوقصور فى احدالوظائف الذهنيه مثل التواصل،العلاقات الاجتماعيه،عنايه شخصيه،جوانب اكاديميه،مهارات الحياه
ثانيا هنعرف يعنى ايه اعاقه عقليه طبيا هى ضعف فى وظيفه الدماغ بسبب اصابه ما فى الاعصاب ،وهى مشكله عامه يعانى منها جميع المجتمعات
ثالثا اسباب الاعاقه العقليه
*اسباب قبل الولاده
العوامل الجينيه وهى عوامل تنقسم لقسمين جينيه ووراثيه وهو السبب له ٨٪ من حالات ويحدث خلل فى خلايا الدماغ او الاعصاب،جينات موروثه من احد الوالدين والقسم الثانى هو خلل من الكروموسومات ،وعوامل غير جينيه تؤثر على الجنين اثناء الحمل،وتعرض للاشعه،تناول بعض الادويه،الام المصابه بالمرض السكرى،او خلل فى وظائف الكلى ،تلوث ماء اوهواء
*اسباب تحدث اثناء الولاده
التفاف الحبل السرى اثناء الولاده حول عنق الطفل،احتجاز رأسه،قله ونقص الاكسجين،كما ان الحمل فى سن اكبر من الاربعين يكون خطر
*اسباب بعد الولاده
قديولد الطفل سليم ولكن يتعرض لخلل ما فى مرحله الرضاعه مثل سوء التغذيه ،حوادث،وضربات على الرأس،وتعرضه لمواد كيميائيه
*يوجد لدينا كثير من المقاييس التى تساعدنا فى معرفه نسب الذكاء وقدره العقليه للاشخاص ومعالجتهم بعد معرفه نسبه الذكاء ووضع خطه العلاج المناسبه مثل
مقياس وكسلر،مقياس بينيه،قياس نسبه الذكاءIQ
*توظف نظريات التعلم ونظريات معرفيه والتعلم الشرطى الكلاسيكيه فى ميدان الاعاقه العقليه
*اذا قلت نسبه الذكاء عن٧٠٪ فان هذا الشخص يعانى من تخلف عقلى او اعاقه عقليه
* طرق العلاج اللازمه
اهم شئ هو مساعده وتأهيل الطفل فى الاعتماد على ذاته،تحسين قدرته على اكتساب مهارات تفاعل يومى مهارات اجتماعيه يحتاجها فى حياته،العلاج السلوكى والاستشاره،العلاج المهنى والادويه فى بعض الحالات،من المهم الطفل المعاق عقليا يحتاج لمشوره مستمره،مساعدته فى تلبيه احتياجاته،توفير برنامج تعلم خاص له.

16/10/2020

لو طفلك متعلق بيكي جداً وبيعيط لو سبتيه مع حد وحاسة إن حياتك واقفة بسبب تعلقه الشديد بيكي..😥
فاحنا نحب نطمنك إن دي حالة طبيعية بيمر بيها كل طفل ودليل على تطور طفلك واسمها "قلق الانفصال"
في البوست دا هنعرف كل مامي ايه هو قلق الانفصال وازاي تعرف تتعامل معاه 😊
بيظهر قلق الانفصال عن الأطفال من سن ١٠ شهور وفي الغالب بيقل تماماً عند سن السنتين بس ممكن يستمر لحد ٤ سنين وممكن عند بعض الأطفال يظهر من سن ٦ شهور، ودا بيختلف حسب طبيعة كل طفل🥰

؟
طفلك بيعيط لما تبعدي عنه أو تسبيه مع حد وتروحي مكان
طفلك بيضايق لما بيشوف ناس غريبة😟
طفلك بيصحى من نومه يعيط لو قمتي من جمبه 🥺
طفلك عاوزك انتي تلعبي معاه ومش بيحب يلعب لوحده ولا مع أطفال تانية.🤦

طب إزاي تقدري تتعاملي مع طفلك في المرحلة دي؟
١-الانفصال التدريجي
بمعنى إنك تسيبي طفلك فترة قصيرة مع حد طفلك يعرفه كويس زي جدته مثلاً ومع الوقت نزود المدة ونسيبه مع شخص معرفته بيه أقل.
وممكن نعمل كدا في محيط البيت بحيث نسيبه في غرفة وتكون الأم في مكان تاني بتكلمه وسامع صوتها🧡💜
أو مثلاً نلعب معاه لعبة زي لعبة بخ "عو" بس نستخبى تماماً مش نخبي وشنا بس 🙈🙈

٢-التخطيط
بمعنى إن لو طفلك كبير شوية نقدر نتكلم معاه ونخطط للي هنعمله طول اليوم يعني مثلاً تقوليله إنك هتيجي تاخديه بعد الحضانة أو انكم هتقرأوا سوا بليل كتاب أو قصة بيحبها؛
وطبعاً لازم يا مامي توفي بكلامك عشان تبني ثقة بينك وبين طفلك💙🎁

٣- التذكار
بمعنى اننا نسيب مع الطفل لعبته المفضلة أو حاجة فيها ريحة مامي زي مثلا اسكارف او شنطتك اللي هو عارف كويس انها بتاعتك🧡

٤-متعيطيش قدام طفلك أبداً
يعني مثلا أول يوم ليه في الحضانة هيعيط مينفعش تقفي قدامه تعيطي، كل المطلوب منك ابتسامة وكلام حلو يطمنه وانك هترجعي تاخديه و روحي عيطي في البيت أو الشغل بقى براحتك 😅

٥-الصبر ثم الصبر
مش محتاجين نقولك إن طفلك مش هيفضل يعاني من قلق الانفصال طول عمره،
وإنك في يوم هتوديه الحضانة وهيعمل باي بكل فرحة ويصحيكي كمان من أحلى ويقولك أنا عاوز أروح الحضانة

٦-نخرج كتير ونتعرف على ناس جداد
وكل مرة نقابل ناس جداد أو أي حد الطفل قلقان من وجوده بنحاول تخلي البيبي معاكي وتعرفيه على الناس ويشوفك وانتي بتتعاملي معاهم بود وبعدين نبدأ نسيبه ينطلق واحدة واحدة
يعني مش تجبري طفلك بوس طنط ولا روح لعمو أرجوكي

٧-إياكي ثم إياكي تمشي وتسيبي طفلك وهو مش واخد باله
دا بيزود عنده قلق الانفصال وبيخليه طول الوقت عينه عليكي وخايف تمشي وتسبيه،
لازم كل مرة قبل ما تمشي تقولي لطفلك إنك هتمشي حتى لو هيعيط، وهو مع الوقت هيفهم انك لما بتمشي بترجعي

٨-شوية اعتماد على النفس
زي انك مثلا تبعتي طفلك يجيب حاجة من غرفته لوحده ومتروحيش معاه ودا طبعاً لو غرقته متأمنة كويس، بحيث يتعود انه يكون لوحده حتى ولو دقايق.👶👶

٩-روتين أو طقوس الوداع
زي اننا مثلا بوسة في مكان معين، أو أغنية معينة ساعة ما تودعيه، أو حركة معينة بيحبها،
دا بيخلق عند الطفل فكرة إن ماما بتمشي بعد الحاجة دي وبتيجي تاني بعدها بشوية.🙈

١٠-إياكي تشعري بالذنب يا مامي
اللي بيحصل مع طفلك مش بسبب تقصيرك في شيء ولا بسبب خطأ في تربيتك ليه،
اللي بيحصل سببه إن ابنك مش بيحس بأمان غير في وجودك وانتي مصدر الأمان والاعتماد بالنسباله،
فمتلوميش نفسك أبداً.

16/10/2020

٥حلول سريعة لو عندك طفل عندة فرط حركة وتشتت انتباه او ممكن نقول شقي حبتين😅😅😅

📣اول حاجه فهمية يومه هيمشي ازاي من اول مايصحى لحد ماينام وبلاش تفاجأيه بحاجه.

📣وفريله العاب حركيه في البيت زي النطاطه او كرسي كرة اليوجا.

📣قسمىي وقت المذاكرة بحيث تكون ١٥ دقيقة وياخد بعدها وقت راحة وخلي المكتب لونة اصفر ومش عليه غير كتب المذاكره🟨.

📣شجعيه على اي سلوك حلو عمله وحاولي تفوتي غلطاته لان معظمها غصب عنه.

📣خليه يلعب مع طفلين او اتلاته بالكتير بلاش يكون وسط زحمة اطفال لان ده بيزود الحركة المفرطة عنده.