كانت صعبه وبعيده لكن بتوفيق الله والجهد أصبحت ممكنه* ـ?
دفعة رابعة مدني قدمت اجمل حاجة في الخمس سنين النهاردة ❤️
صدقة جارية تديم طول العمر بديل الفان داي والاحتفالات والكلام دا
اللهم تقبل هذا العمل خالصاً لوجهك الكريم
05/03/2021
غايبين عنكم بقالنا فتره بسبب الامتحانات بس مينفعش نعدي يوم ميلاد ابوشادي من غير ما نحتفل بيه 😅
مفيش حد في قسم كهرباء ميعرفش ابوشادي واللي في الاقسام التانيه عارفينه بسبب مساعدته لاخواته وزمايله اللي بشكل دائم من غير زهق ولا ملل ♥️
النهارده عيد ميلاد عيد ميلاد محطة الطاقة الايجابية لكهرباء ⚡
طالما أنار الطريق فى ليال مواد ظلماء 🌑
جهد عالى لتوصيل وتبسيط ما استصعب على غيره من المواد
تياره الشرحى يسرى بلا توقف لم يتردد مره فى تقديم مساعدة لمن احتاجها
طاقة نظيفة تغمرك بالطيبة و حسن الأصل
حابين نقول النهارده لابو شادي واحنا في سنة التخرج كل سنه وانت طيب ♥️
17/02/2021
م اسماعيل صبحي اخ كبير لينا قبل ما يكون معيدنا ملك الرياضيات في الكلية اكتر حد ممكن يقف معاك ويساعدك حتي لو محتاجة ليلة الامتحان مبيتاخرش علي اي حد مفيش حد طلب منه حاجه سواء شرح او غيره الا وكان معانا وبيساعدنا سايب اثر وحب كبير لدفعة كامله خصوصا دفعة كهرباء اللي فضل 4 سنين معاها او الدفعه كامله او سنتين كان ليه فضل كبير جدا علينا في تسهيل الماده العلمية وكان بيتعب وينظم في ورق الشرح اللي بيكون كتير جداً وبيصورهولنا كامل وبينزلهولنا بعد كل سيكشن وبيحللنا كل المسائل الموجودة
علشان كد الدفعه كلها بتقول شكرا ل م اسماعيل علي كل اللي قدمه لينا مهما نشكر مش هنوفي حق حضرتك ♥️
13/02/2021
لا خوف علينا الكود لدينا 💪🏻
أشهر جمله لاستاذنا د. احمد عبدالله ❤ دكتور الخرسانه اللي ولا مرة عامل شخص ع انه اقل منه ابدااا بالعكس بيحبنا كلنا زي ولاده وبيخاف علينا وعاوزنا ننجح ونوصل لأعلى حاجه بيفضل واقف معاك لاخر دقيقه علشان تفهم دي أهم حاجه عنده دكتورنا اللي بيقول الامتحان ده ماهو الا توفيق بالله متبصش لدرجات اعمل اللي عليك وربنا مش هيضيع تعبك شكرااا دكتورنا على تعبك معانا ووقوفك جمبنا حقيقي نعم الدكتور نعم الأخ الكبير
08/02/2021
م.نور كلش 💔
النهاردة حابين نتكلم عن صاحب وأخ عزيز علينا فقدناه وفراقه أثر فينا كلنا ، و لازالت صدمة رحيله بداخلنا كُسرت فيها قلوبنا كسراً ، في حياتك كنت اطيب وانقي خلق الله مفيش حد مننا اتعامل معاك الا وارتاحلك وحبك ووشك البشوش مبيفارقناش وفي مماتك ربنا كرمك تكريم اي حد يتمناه .. هتفضل موجود بينا في كل مكان ومش هننساك أبدا ودفعتنا شالت اسم '' دفعة الشهيد نور '' وكلنا كان لينا الشرف اننا كنا صحابك واخواتك ❤️ دعواتكم لاخونا نور : اللهُـم انزله منزلاً مباركاً وانت خير المنزلين اللهم انزله منازل الصديقين والشهداء والصالحين وحسن أولئك رفيقا واملأ قبره بالرضا والنور والسرور ماتنسهوش في دعائكم دايمآ 🖤.
07/02/2021
فاكرين اول ما دخلنا الكلية ؟ كانت بالنسبه لينا كيان جديد ومخيف وانك لسه قدامك مشوار مدته خمس سنين لا وكمان عميد الكلية ا.د محمود نعمة الله هيديك رسم والجو بقي معتم فجاه 😶💔تدخل اول محاضره يكون بشوش وبيتكلم عادي كدا وبكل تواضع فيجي في بالك هو دا العميد ولا ايه بالظبط 🥺لا ومش بس كده دا بيقول مكتبي مفتوح ليكوا وانتوا زي ولادي وتحس ساعتها أن الكليه هتبقي خفيفه ع القلب ❤️شخص في قمه التواضع والاحترام بيعاملك بأسلوب راقي وبيديك امل بيشجعك بيقولك جرب وحاول ولو واجهتك مشكله بابي مفتوح وتدور الايام وفعلا يطلع مكتبه مفتوح للجميع وفعلا معتبرنا ولاده ودا مش لمجرد السنه الأولي اللي دخلنا فيها الكليه لا طول فتره وجودنا الكليه كان موجود بيدعم الجميع احترامه الشديد جعل الجميع يحترمه ويحبه كان اب وصديق للجميع طابت زكراك معلمي وطاب اثرك بكل من استسقي من علمك ومن تشرف بطيب جوارك🤍 دعواتكم لاستاذنا ومعلمنا بالرحمه وان ربنا يجعل اعماله وعلمه في ميزان حسناته
رحم الله الاستاذ الدكتور محمود نعمة الله عميد الكليه واسكنه فسيح جناته
06/02/2021
وها قد بدء العد التنازلى⏳
بين الحلم والامنية والقدر والنصيب
لايحدث إلا ماكتبه الله لنا 💙
اللهم ليس بجهدنا و إجتهادنا إنما بتوفيقك وفضلك عليّنا
الحمدلله الذي يسّر لنا البدايات وندعوه ان يبلّغنا النهايات ⌛
الحمد لله على لذة الإنجاز..❤️
الحمدلله على ما وهب وأنعم..
أيام وينتهي مشوار الخمس سنين🕺🥳
👩🎓👷
😎💪❤️❤️
😍