انا و طفلى و الرضاعة الطبيعية مع د.أحمد السعيد

تم تفعيل خدمة الاستشارات المدفوعة اونلاين 🤝
فى طب الأطفال و حديثى الولادة 👶🏻 و الرضاعة الطبيعية 🤱 :
كأى أم .... هتحتاجى تتكلمى مع حد متخصص يجيب اسئلتك و استفساراتك و يصحح معلوماتك ومش هتجمعى معلومات (ممكن تكون مش صحيحة من الجروبات )

(استشارات طب الأطفال و حديثى الولادة) :
👈معرفة كيفية التعامل مع حديث الولاده من حيث التغذية (لتجنب حدوث جفاف او ارتفاع الصفرا او دخول حضان)
👈متابعة الصفرا
👈معدل النمو
👈تجنب المغص
👈طفرات النمو
👈التطورات الحركية
👈تطور و نمو الاسنان و العظام و متى يحتاج الطفل الى عمل تحاليل
👈اعراض حساسية الطعام و الكشف المبكر عنها
👈توقيت دخول الأكل للرضيع و معلومات مهمه عن التغذية
👈كيفية التعامل مع ارتفاع درجة الحرارة لحين الوصول لأقرب دكتور لفحص الطفل
👈كيفية التعامل مع الطفل اثناء التعب (كحه_ سخونية_برد و رشح)
👈كيفية التعامل مع الطفل اثناء النزلة المعوية(اسهال و ترجيع أو جفاف )
👈جلسات الاستنشاق و متى يحتاج اليها الطفل
أو أى استشارة أخرى .....

(استشارات الرضاعة الطبيعية )
👈معلومات ما قبل الولادة و كيفية الاستعداد للرضاعة الطبيعية رغم وجود صعوبات (ح**ة مسطحة أو غائرة)
👈طريقة ارضاع الطفل بصورة صحيحة و تجنب حدوث مشاكل للأم (خصوصا أول اسبوع)
👈معلومات عن ادرار اللبن و كيفية الوصول لأعلى ادرار ممكن و ارضاع الطفل طبيعى فقط
👈استشارات حول صعوبة الأرضاع ( ألم - تشققات او جروح-احتباس أو تحجير اللبن)
👈 كيفية رضاعة التوأم دون احتياج لبن صناعى
👈 الأم الموظفه .....و كيف تحافظ على الرضاعة الطبيعية بدون ادخال ألبان صناعية
👈 الاستعداد للفطام و طريقته ...بدون اللجوء لعلاج هرمونى (حبوب تنشيف اللبن )
👈 التهاب قنوات اللبن أو خراج الثدى
او اى استشارة أخرى

التفاصيل على رسائل الصفحة
او الواتساب 1092131415

مع العلم أن خدمة الاستشارات المدفوعة أونلاين لا تغنى عن الفحص الدقيق للطفل أو الأم

نستأنف العمل بالعيادة غدا السبت من ٥ الى ٩ مساءا
و كل عام و انتم بخير

لما بنتكلم عن تصحيح وضع الرضاعة ..🧐
لحل مشاكل تشقق و التهاب الحلمات .. ..
كتير من الأمهات بتقول انها بترضع بطريقة صحيحة ..🧏‍♂️
فحابب الفت نظركم لشوية نقط :
اولا ...👇
فعلا ممكن تكونى بتخلى البيبى يمسك مسكه عميقه بس بيجرحلك الحلمه و مطلع عينك فى الرضاعة ..🤦‍♀️
لأن مع الحرص على المسكه العميقه للهالة ...لازم نوجه الحلمه ناحية سقف حلق الطفل علشان لسانه ميحتكش بالحلمه و يجرحها 🤷‍♀️

ثانيا ....👇
بعض الأطفال بيحتاج وضع خاص بيه هو ( تفصيل يعنى ) لطبيعة فك و لسان الطفل او لطبيعة حجم ثدى الأم بمعني ان مش كل اللى ينفع مع غيرك ينفع معاكي .

ثالثا ...👇
لو الح**ة مش طالعه بصورة كافيه ليست سببا لأنك مترضعيش طبيعى 😧
لأن فيه طرق كتيره لابراز الحلمه أو الضغط على الثدى بطريقة معينة ليتمكن الطفل من التقام الحلمه و الهاله و يرضع منك طبيعى

رابعا....👇
بلاش تستخدمى أي كريم مرطب للح**ة المتشققه أو المجروحه
لأن الكريم المرطب بيرطب و يجعل الأنسجه طرية 🤯🤯
و الح**ة المجروحه او المتشققه انسجتها مهرية و طرية أكتر من اللازم 🤭

و حل المشكله كلها فى تصحيح وضع الرضاعه
وفى معظم الأحيان مش بنوصف اي مراهم او كريمات
ولو بنوصف حاجه يبقى مرهم مضاد حيوى (لو عندك جرح)
أو مرهم للفطريات (لو فيه فطريات بتخلى لون الحلمه وردى فاتح مختلف عن لون الهالة)

دا فيديو لالتقام الح**ة بشكل غير صحيح فيؤدى الى جرح و تشقق الحلمه 👇👇👇👇👇
https://youtu.be/sl006cXCD70

و دى طريقة توجيه الح**ة لسقف حلق الطفل حتى لا يحتك اللسان بالح**ة مطلقا و متحسيش بأى ألم أثناء الرضاعة 👇👇👇👇👇
https://youtu.be/Aki_hYHKE1E

✍🏼✍🏼✍🏼✍🏼✍🏼✍🏼✍🏼✍🏼✍🏼
👈 لو لسه والده و مش عارفة ترضعى البيبى 😢

👈 لو عايزه ترضعى طبيعى و الدكتور قالك لازم تدى رضعة صناعى 😡
👈 لو ابنك بيعيط وعايز يرضع كل ربع ساعه و حسيتى ان لبنك قليل او خفيف و مش بيشبعه !!😨

👈لو نسبة الصفرا عالية 😱 و البيبى مش عارف يرضع و خايفه احسن يدخل حضان !! 😭

👈 لو وزن ابنك مش بيزيد كويس و خايفه طفلك يتعود على الببرونه و يغضب على الرضاعة منك ... 😱

👈 لو عندك تشقق فى الح**ة و ألم شديد أثناء الرضاعة 😔 و جربتى كل الكريمات و الوصفات و دورتى فى الجروبات و لسه مفيش تحسن 😨

👈لو عندك احتباس فى اللبن و صدرك متحجر و سخنتى و مش عارفه تتصرفى و خايفه يتكون خراج داخل صدرك! 😵

👈 لو والدة توأم .. و مش عايزه تديهم و لا نقطة لبن صناعى !؟💪💪

👈لو هتنزلى الشغل بعد الشهر الرابع و مش عايزه تدخلى لابنك لبن صناعى 😎

👈لو وقفتى الرضاعة من فتره
و اكتشفتي ان ابنك عنده حساسية البان و مش مرتاح عالصناعي و ضميرك بيأنبك 😭😭 و اللبن نشف 😭
و عايزه تعملى اعادة ارضاع مرة أخرى🤔

👈لو حصل ....و ابنك مش راضي يرضع منك 😨 و مش عايزه تحرميه من لبنك 😢
لا تترددي كثيرا 🙄
فلا زالت الفرصه موجوده
لاستمرار الرضاعه الطبيعية .. 👨‍



👇👇👇👇👇👇👇👇👇👇👇👇
احجزى الآن لجلسة تعلم الرضاعة الطبيعية .
مع دكتور أحمد السعيد .
استشاري طب الرضاعة الطبيعية بكفر الشيخ
العنوان :
كفر الشيخ - تقسيم زهدى - خلف زهران ماركت
للحجز و الاستعلام
01092131415








و لو انتى خارج كفر الشيخ
دى عناوين استشاريات و استشاريين الرضاعة المعتمدين و الحاصلين على البورد الدولى فى طب الرضاعة الطبيعية فى محافظات مصر كلها
https://www.facebook.com/2123352461238841/posts/2123385954568825/

كتير من الأمهات اللى حصل لهم مشاكل
و مرضعوش اطفالهم طبيعى 😭😭😭
كان ممكن مشكلتها تتحل بتوجيه بسيط جدا ...
و للأسف مشكلتها بدأت بأحد السيناريوهات دى واللى بنقابلها يوميا .....
⚡⚡⚡
👈طفل اتكتب له لبن صناعى علشان الصفرا ...و النتيجه الطفل اتعود عالصناعى و لبن الأم قليل جدا .
(الحل طبعا ان الأم تعصر لبنها و ترضعه للبيبي بالسرنحه و تشبع طفلها و تتابع الصفرا مع الدكتور علشان تعدى مرحلة ارتفاع الصفرا اول اسبوع ... )
⚡⚡⚡
👈أم مثقفه بس مقتنعه ان لبنها قليل
بيجيلى أمهات طبيبات بشرى و صيادله ..
للأسف اللبن كتير و هي مش قادره تعصر صح و تختبر عندها لبن و لا لأ ..
فأقتنعت ان لبنها قليل فبتدى صناعى رغم ان اللبن موجود و كتير !!
⚡⚡⚡
👈دى بقى المنتشره جدا ..
أم مش عارفه تخللى البيبى يمسك صدرها مسكه عميقة صحيحة ..
فالطفل يفضل على صدرها بالساعه ⌛⌛⌛
و الطفل فعلا مش بيشبع من الأم
لأنه ماسك الح**ة فقط و مش بينزله لبن مع ان صدرها مليان
و يفضل يعيط من الجوع ..
و طبعا جارتها او صاحبتها تقترح عليها تديله رضعه صناعى
و تقولها يمكن " لبنك خفيف "😈😈
طبعا اول ما الطفل دا يجرب ببرونه صناعي
حرفيا = بيشبع و ينام لأول مره
وتفضل الأم فى الدوامه 💣💣
كل كام يوم تزود رضعه صناعى و لبنها فى النازل طبعا
و تيجى الأم تبعتلى رسالة
"انا بدى ابنى 6 رضعات صناعى 120 سم
وعايزه اوقف الصناعى ..ازاى ؟؟"😵😵
⚡⚡⚡
👈دا بقى سيناريو الأم المظلومة و اللى بتصعب عليا جدا .
- أم مش عارفة ترضع طفلها بطريقة صحيحة ..
و النتيجه (جروح و آلام رهيبة بالح**ة )
و كل اللى حواليها يقولها : استحملي ..كلنا كنا كده 🤐
والموضوع يتطور ..و يقلب بألتهابات و فطريات داخلية فى قنوات اللبن
و طبعا الأم اللى جربت النوع دا من الالتهابات هتقول انه من اسوأ انواع الآلام التي ممكن تمر بيها اي أم 😫..
لدرجة ان امهات بتكره الحمل و الولاده بعد كده
او بتكره الرضاعه و تولد من هنا و تقول للدكتور ادينى حاجه تنشف اللبن و هرضع صناعى 😢😢

⚡⚡⚡
👈دا برده سيناريو تانى بيحصل
الطفل مش بيمسك صدر الأم كويس ⬅حصل أحتباس للبن و الصدر حجر ⬅ ألم شديد ⬅ سخونية الأم ⬅ صعوبة الرضاعة ⬅ صديد فى اللبن و بداية خراج بالثدى( ممكن يتلحق طبعا بتشفيط الصديد و علاج سريع مع استشارية رضاعة )
تروح الأم تكشف عند جراح و العلاج المعتاد مضاد حيوى و حقن و خراج هيتفتح و برضه باي باي للرضاعة الطبيعية ..
⚡⚡⚡
👈طفل بيعيط من الانتفاخ و المغص
يتقالها ان لبنك خفيف (و الدكتور مشفهوش أصلا ) ( و كل أم عندها لبن حفيف ...ثم لبن دسم و تقيل فى آخر كمية فى الثدى ) و كملى برضعة أصله مش شبعان .
تديله اللبن و صدرها ينشف .. و تتفاجىء ان مشكلة الطفل فى حساسية ألألبان 😤😤😤
.
أخيرا ..
لو بقيت وزير الصحة 😇😇
هخلى تعليم الأم طريقة الرضاعة الطبيعية
زى عينة الكعب كده او تطعيم يوم الولادة 😷
اجبارى لكل الأمهات .
لأن زيارة استشارية رضاعة - حتى لو هتسافريلها - مش دلع و الله .
بس بفضل الله يوجد كثير من الزميلات استشاريات الرضاعه فى أغلب المحافظات

دى عناوين استشاريات و استشاريين الرضاعه الطبيعية المعتمدين فى مصر
https://www.facebook.com/IBCLCs/

لازم نضحى بالرضاعة الطبيعية 😭
علشان الصفرا متعلاش ⚡ ⚡ ⚡ ⚡
.

لو انتى مشغولة أو سايبه الأكل عالنار 🍳
خلصى اللى وراكى الأول
و تعالى تانى اقرى الموضوع بتركيز 👀

للأسف الشديد ..
أمهات كتير .. بتقع فى هذا الفخ 😷 😷 😷

السيناريو الشهير 😈 😈

طفل اتولد .. و عاليوم التالت الاهل راحو يقيسو الصفرا ...
- الدكتور يقولهم ..ايه دا ... الصفرا عاليه كده ليه ...
هو مش بيرضع كويس ؟
- لأ بيرضع بس الأم أول مره ترضع و بتحاول معاه .
- يقوم الدكتور قايل : 🐸 🐸 لازم نديله لبن صناعى علشان الصفرا متعلاش .
طبعا الأهل بيترعبو من كلمة الصفرا دى 👾 👾 👾
و الطفل يبدأ ياخد رضعات صناعى بالببرونه و يغضب على صدر الأم ..
الأهل يروحو للدكتور بعد كام يوم ...
- عظيم ..عظيم ... الصفرا كويسه ...
- بس الطفل مش بيرضى يرضع من مامته يا دكتور 😩 😩
- متقلقوش ...واحده واحده هيتعود 😊

تقوم الأم بعد السبوع تبعتلى عالصفحة ..
الحقنــــــــــــــــــــــــــــــــى يا دكتــــــــــــــــــــــــور 😵 😵
ابنى مش راضى يرضع منى و بيعيط لما اديله صدرى
و انا صدرى محجر و مليان لبن و مش عارفه أعمل ايه ..
و لما بديله صدرى بيجرح فى الح**ة و بيوجعنى جدا .
و مش بيسكت الا لما أرضعه صناعى و حاولت معاه بكل الطرق رافض يرضع منى ....
.................
...........
....

واحده واحده كده ... و ركزو معايا ... عرضنا المشكله و هنعرض الحل بأذن الله ...

👈 أولا : البوست للتوعية بموضوع الصفرا و لا يغنى اطلاقا عن فحص الطبيب لطفلك و قياس الصفرا و تقييمه لحالة طفلك
و احتياجه للحضان من عدمه 🙈

👈 ثانيا :الصفرا الفسيولوجيه بتبدأ بعد 48 ساعة .. و بتعلى لغاية اليوم السادس أو السابع و تبدأ فى النزول .
اما الصفرا اللي بتظهر اول او تانى يوم غالبا صفراء غير فسيولوجيه و تحتاج لتدخل طبى باجراء تحاليل او حجز في الحضان حسب السبب .

👈 ثالثا: الرضاعة و تغذية الطفل بيساعد ان الجسم يتخلص من الصفرا و تنزل فى البراز ...
و الرضاعة الطبيعية – مش الصناعى – آه و الله هى اللى بتخلى الصفرا تنزل بسرعه ..
و طبيعى ان كمية اللبن فى صدر الأم أول 3 ايام تكون قليله و بتزداد بالتدريج .
ولكن كافيه جدا لتغذية الطفل و تقوية مناعته مدى الحياة و تأمين نزول الصفرا بأذن الله .

👈 رابعا : ممكن يكون الطفل مش عارف يمسك صدر الأم كويس و بالتالى مش بيحصل على القدر الكافى من التغذية و علشان كده الصفرا بتعلى جامد ... (و عيب قوى لما يكون سبب الصفرا العاليه و دخول الحضان هو حدوث جفاف بسبب قلة التغذيه للطفل )

فنصيحتى لو طفلك مش عارف يمسك صدرك و لا يرضع منك
هدِى أعصابك و متتوتريش ..
مهم ان الطفل يشبع من لبنك حتى لو مش عارف يمسك
يعنى ممكن تعصرى لبنك و تديه لطفلك بالقطاره او السرنجه
لكن مش بالببرونـــــــــــــــــــــــــــــــــــــــه نهائـــــــــــــــــى 👊👊👊

لأنه لو عرف طريق الببرونه هيغضب على صدرك للأسف
و لو الدكتور قالك ياخد رضعه صناعى - مع اعتراضى طبعا - لأي سبب لو اللبن مش موجود أو مش عارفة تعصرى
إياكى تديله بالببرونه أطلاقا 😱 ممكن تستخدمى القطارة او السرنجه.
وبالنسبه للي معترض علي الرضاعه بالسرنجه للبن الصناعي للضروره ... ممكن بطريقة الرضاعه بالاصبع كمان

طريقة الرضاعة بالاصبع و السرنجه فى الرابط دا

https://www.youtube.com/watch?v=NgC2VCrxRww

و فيه حاجه كمان اسمها جهاز الرضاعة المكمل..

بتخلى الطفل ياخد الرضعة الصناعى في نفس ذات الوقت و هو على صدرك و بيرضع منك 😇

" المفروض بنستخدمه لو صدر الأم فارغ تماما من اللبن و الطفل جعان و هتدي رضعه صناعي للضروره " 😎

طريقة تصنيع جهاز الرضاعة المكمل فى الرابط دا
( ببرونه و انبوب رايل سليكون مقاس 5 )
https://www.youtube.com/watch?v=tkvxKl5F1-M

و طريقة استخدامه هنا
https://www.youtube.com/watch?v=kPfVK6FAKMY

أما بقي ح**ة الببرونه فهتخلى الطفل يتعود عليها و يغضب على الرضاعة من ح**ة صدرك
و كمان ح**ة الببرونه ليها طريقة تـــــــــــــــــــــــــانيه غير ح**ة صدر الأم ..فلو اتعودت عالببرونه هتعض على ح**ة صدرك و هى بترضع .

المهم نعدى اول 7 أيام (اللى الصفرا بتعلى فيهم )
بالطول أو بالعرض بدون ببرونه و بدون لبن صناعى إن أمكن
و بعد كده ابدأى دورى عاللى يساعدك و يعلمك ترضعى أزاى ..

كده خلصنا رابعا ...

👈 خامسا : الأصل ان الصفرا الفسيولوجيه مش بتحتاج علاج
و لكن محدش يضمن لك ان الصفرا متعلاش لطفلك و تجتاز حدود الطبيعى و يحتاج دخول حضان 😱
و علشان نتجنب ارتفاع الصفرا مش لازم تعرضى طفلك لموضوع اللبن الصناعى دا و تدخلى فى الدوامه سابقة الذكر .

👈 سادسا : من سنة ٢٠١٥ تقريبا ظهر دواء جديد فى السوق المصرى
👇👇👇👇👇👇👇👇👇👇

الماده الفعاله فيه هى الأجار و هى مادة تستخرج من الطحالب البحرية الحمراء .

و موجود فى السوق بآسامى مختلفه مثل أجارو , أجاروكس,
جيلوز, نوتراجار, جونديكس.

💡 💡 💡 💡 الأجار دا بيتحد مع الصفرا فى الأمعاء و بينزلها فى البراز 🚽
و عليه دراسات 🎓 🎓 🎓 من زمان من سنة 1975 حتى وقتنا هذا
بأن ليه دور مع للعلاج الضوئى فى تقليل نسبة الصفرا فى الجسم .

ودراسات كمان انه لوحده بيقلل الصفرا فى جسم الطفل بدون علاج ضوئى 💪 💪 💪
و كمان بيقولو انه علاج آمن و غير مكلف 👏 👏 👏
بمقارنتة بتكلفة العلاج الضوئى فى الحضان 💷 💷 💷
يعنى ممكن يفيد و بأذن الله ملوش أضرار خالص .

و أغلب الدراسات بتقول ان استخدام الأجار لم يلاقى شعبية واسعه عند أطباء الأطفال ( الله أعلم ليه 😷 😷 😷 و بلاش ندخل في نوايا الناس )

المهم ..
👈 سابعا : يستخدم كالآتى ..
أغلب الشركات المصنعه بتوصى بأعطاء الطفل باكو (2جم ) مرتين يوميا .. و يذاب الباكو فى 5 الى 10 مللى ماء مقطر أو لبن الأم و يعطى للطفل بقطارة أو سرنجه أو ملعقة . و يعطى للطفل من اليوم التالت لليوم السابع .

👈 ثامنا : الأجار مش هيفيد الطفل ناقص النمو (مبتسر)
أو فى حالة ارتفاع الصفرا المباشر أو فى حالة عدم توافق فصيلة الدم .و علشان كده الأجار لا يغنى عن الذهاب للدكتور ومتابعة قياس الصفرا علشان متلبسيش فى الحيط 😭

بمعنى انه لابد أن يكون تحت اشراف الطبيب المعالج و يطمنك و انتى بتدى الأجار لطفلك أن نسبة الصفرا فى الحدود المقبوله

👈 تاسعا : أنا جربت الأجارو شخصيا فى أطفال كتير على مدار السنوات اللى فاتت
و كنا بنقيس نسبة الصفرا كل يومين تقريبا
و بفضل الله نتايجه معقولة جدا
و أغلب الحالات الصفرا لم ترتفع نسبتها عن 12 أو 13 لغاية اليوم السابع
و بالتالى قللنا حدوث السيناريو الأسود الآخر للصفرا 😰 😰 😰

(بأختصار ... الصفرا ارتفعت ⬅ الطفل دخل الحضان كام يوم ⬅ رضع صناعى و اتعود عالببرونه ⬅ خرج من الحضان بعد 3 او 4 ايام و رافض يرضع من الأم ⬅ الأم منهاره و مش عارفه ترضع ابنها ⬅ تستسلم للبن الصناعى ..... 👻 👻 👻 👻 )

👈 أخيرا و بكرر
البوست للتوعيه بأنه يوجد علاج مساعد و هو الأجار بجانب الرضاعة الطبيعية .. و آمن و ليس له أى ضرر و لابد أن يكون استخدامه تحت أشراف الطبيب المعالج و متابعة الصفرا الدقيقة تجنبا لحدوث اى مضاعفات للطفل .

و دا فيديو لطريقة الرضاعة الصحيحة ..
https://www.facebook.com/permalink.php?story_fbid=339824506203868&id=309640602555592


و دى عناوين عيادات استشاريين واستشاريات الرضاعة الطبيعية على مستوى مصر فى أغلب المحافظات ..هيساعدوكى ترضعى صح و تبدأى بداية صح .
ممكن تتعبى نفسك شويه و تسافرى مسافه ..بس كله فى سبيل طفلك لأنه يستحق لبنك أنتى ..و يستحق كل الحب و الحنان منك .. مش من الببرونه ..
https://www.facebook.com/DrAhmedElsaid.Breastfeeding.Clinic/posts/670603999792582


المراجع لأخوتى الأطباء :

1- من كتاب نيلسون لطب الأطفال سنة 2011 الطبعة ال 19 صفحة 1390 بأمكانية استخدام الأجار كعلاج مساعد لتقليل نسبة الصفرا .

2- من بروتوكول وزارة الصحة للحضانات سنة 2008
https://books.google.com.eg/books?id=5nMu71qnrqAC&pg=PA204&lpg=PA204&dq=agar%2Bbilirubin&source=bl&ots=MFPRUvbdgT&sig=Ww7y9YXgiSYiaxyvoxeiwomODxE&hl=ar&sa=X&ved=0ahUKEwjW88qexevYAhWDbFAKHUMjDM04ChDoAQg4MAI =onepage&q=agar%2Bbilirubin&f=false

3- دراسة كورية سنة 1997 عن فائدة الأجار لوحده أو مع الأشعة الضوئية
http://www.kjp.or.kr/journal/view.php?number=1997400705

4- دراسة من موقع الاكاديمية الأمريكية لطب الأطفال سنة 1993
عن فائدة الأجار لوحده أو مع الأشعة الضوئية .

http://pediatrics.aappublications.org/content/92/1/86?sso=1&sso_redirect_count=1&nfstatus=401&nftoken=00000000-0000-0000-0000-000000000000&nfstatusdescription=ERROR%3a+No+local+token

5- دراسة من موقع ال Pubmed الشهير سنة 1988
https://www.ncbi.nlm.nih.gov/pubmed/3050867

تمنيانى بالصحه و العافيه للجميع .

كل عام وانتم بخير
و تقبل الله طاعتكم
نستأنف العمل غدا الاثنين باذن الله

كل عام و انتم بخير
و تقبل الله منا و منكم صالح الأعمال

التقام الهاله و الحلمه بشكل صحيح أنا و طفلى و الرضاعة الطبيعية مع د.أحمد السعيد طريقة التقام الهاله مع توجيه الح**ة لسقف حلق الطفل حتى لا يقوم الطفل بجرح و تشقق ح**ة الأم " أنا و طفلى و الرضاعة الطبيعية مع د.أحمد السعيد "https://www.fac...

‎انا و طفلى و الرضاعة الطبيعية مع د.أحمد السعيد‎ updated their address.