22/09/2024
يعني إيه چولي فونيكس jolly phonics؟
ومن الأسئلة المهمة اللي بتسألها كتير.. هل الطريقة دي مفيدة لتعليم الأطفال فعلا؟
اللي حطت الطريقة دي معلمة مبدعة بريطانية قابلت مشكلة مع الطلبة بتوعها إنهم مبيعرفوش يقرأوا وبيعرفوا أسماء الحروف بس زينا كمصريين كدا ولله الحمد 😅 المهم قررت بقا تعلمهم أصوات الحروف، وبالفعل بدأت في خطتها وطورتها وخلتها كمان لتعليم الكتابة بتقوم على ال sound for each letter اللي هو الصوت لكل حرف بحركة بتعملها بإيديها تفكر الطالب بيها بعضها فعلا مضحك جداا "أصلا الحاجات المضحكة في العملية التعليمية أكثرها ثباتا في العقل 👍"، كمان خلت فيه قصة تديها ليهم في أول كل سيكشن من الكورس مليانة بكلمات فيها الصوت ده وبتخليهم يكرروها، وأغنية حلوة جداا برضو فيها الصوت اصلا الطلبة مش بيغنوا كل الأغنية بس بيحركوا شفايفهم كأنهم بيغنوا يعني 😂، لكن بييجوا عند الصوت ويقولوه زي b b b b ، كمان بتخليهم يكتبو كل حرف ع الهوا.. ع الديسك..ع الرملة.. خصوصا للطلبة اللي مش بيحبوا الورقة والقلم بيكتبوه ب الطريقة الصحيحة طبعا بإتجاهات معينة والمدرسة بتاعتها فعلا لاحظوا تفوق فصلها واطبق النظام بتاعها ع معظم مدارس بريطانيا في الوقت ده..
ومن هنا جت الفكرة وتستحق التجربة لإنها فعلا ممتعة و دا بيخلي الطالب يتعرف على أشكال الحروف واسمها ويتعرف على الأصوات في الكلمة أو يجمع أصوات ويكون كلمة.
Miss/ Sohaila sameh
