Miss Shahd Hany أسس طفلك صح

31/01/2026

أضرار الأم اللي على طول تنقد اولادها
أضرارها على الطفل:
قلة الثقة في النفس
الطفل يكبر حاسس إنه “مش كفاية” مهما عمل.
الخوف من الغلط
يخاف يجرب أي حاجة جديدة علشان النقد دايمًا مستنيه.
شخصية مهزوزة أو عدوانية
يا إمّا يبقى ضعيف ومكسور، يا إمّا عصبي ويرد الهجوم بهجوم.
كراهية الكلام مع الأم
يبطل يحكي أو يفضفض علشان متعود يسمع لوم بس.
مشاكل نفسية
قلق، اكتئاب، توتر، وإحساس دائم بالذنب.
يفشل في علاقاته
يتعود إن اللي بيحبه بيجرحه، فيقبل الغلط أو يجرح غيره.
أضرارها على العلاقة:
بتكسر الرابط العاطفي بين الأم والطفل
الطفل يسمع لناس برّه أكتر من أمه
فقدان الاحترام المتبادل مع الوقت
الخلاصة:
النقد المستمر مش تربية… ده هدم.
التوجيه يكون بهدوء، والمدح على الصح قبل اللوم على الغلط.👌
✅

30/01/2026

💥الطفل اللي بيغير من أخوه الصغير
♦️غيرته مش وحاشة…
غيرته خوف.
♦️خوف إنه يتحب أقل.
♦️خوف إنه يتنسي.
♦️خوف إن مكانه يتاخد.
الطفل اللي كان محور الاهتمام
وفجأة بقى الأكبر
محتاج يطمن… مش يتعاقب.
لما يغلط:
❌ ما نقولش: إنت وحش
✔️ نقول: حاسس إنك متضايق… وده مفهوم
لما يغيظ أخوه:
✔️ نعلّمه يعبر مش نكتم مشاعره
ولما يعمل حاجة حلوة:
✔️ نلاحظها ونقدّرها
الغيرة مرحلة…
لكن الاحتواء هو اللي بيعدّيها.
✨ حبك العادل واهتمامك الواعي
بيخلّوا الطفل يحس إنه لسه مهم… ولسه محبوب.
✅

30/01/2026

كيف نؤدب الطفل في الأماكن العامّة… دون صراخ، ودون إذلال، ودون كسرٍ لنفسيّته؟

عندما يسيء الطفل السلوك خارج المنزل—سواء بالعناد، أو الزن، أو البكاء، أو المطالبة المستمرة—فإنّ الموقف قد يربك الأهل، ويثير فيهم التوتر بسبب نظرات الناس وتعليقاتهم.
وهنا يأتي دور التهذيب الإيجابي، القائم على الحزم مع الحب، والحدود مع الاحترام.

إليكِ/إليكَ أهمّ القواعد التي تُغني عن عشرات الصفحات:

1. لا صراخ… لا ضرب… لا تهديد

السلوك الخاطئ لا يُعدّل بالعنف ولا بالصوت المرتفع.
فالطفل تحت الضغط لا يتعلّم، بل يدافع عن نفسه، ويزداد عنادًا.
ووالداه يصبحان في نظره مصدرَ خوف وليس مصدر أمان .

2. نفسية طفلك أهمّ من نظرات الناس

الطفل ليس مسرحًا عامًا لآراء الآخرين.
كثير من المواقف التي ننفجر فيها ليست بسبب الطفل، بل بسبب الإحراج.
لكن ما يَجرح الطفل لحظةً… يبقى في داخله طويلًا.

3. الاتفاقيات قبل الخروج… هي مفتاح النجاح

قبل الذهاب إلى أي مكان، نجلس مع الطفل ونتفق:
• ماذا سنشتري؟
• ما المسموح وما غير المسموح؟
• وما العاقبة إذا خالف الاتفاق؟

وحين يقع الخلاف… نلتزم بما اتفقنا عليه.
عدم الالتزام يعلّم الطفل أن “الزنّ هو الطريق الأقصر للحصول على ما يريد”.

4. الإنذار الهادئ أقوى من الصراخ

حين يبدأ السلوك غير المقبول:
• انحني إلى مستوى الطفل
• انظري في عينيه
• أخبريه بهدوء:
“نحن اتفقنا. إذا لم تلتزم… سنطبّق ما قلناه.”

الهدوء لا يعني ضعفًا… بل سيطرة.

5. إذا لم يلتزم… نطبّق العاقبة بلا قسوة

العاقبة ليست انتقامًا، بل نتيجة طبيعية للقرار.
لا نستخدم كلمات جارحة مثل:
“أنت السبب… أنت تُتعبني”.
بل نقول:
• “أنا أعلم أنك متضايق.”
• “أنا واثقة أنك ستنجح في المرة القادمة.”
وهذه الجمل تُشعر الطفل بأننا معه… لا ضده.

6. أخبريه بالسبب… الانضباط لا يكون غامضًا

الطفل يحتاج أن يعرف لماذا تُرفض بعض الأمور، مثل:
• “لا نستطيع البقاء خارج البيت بعد العاشرة.”
• “الحلوى مرة واحدة في الأسبوع.”
• “لعبة جديدة مرة في الشهر.”

هذه قواعد بيتنا، وليست عقابًا له.

7. من عمر السنتين إلى المراهقة

هذه المبادئ صالحة من الثانية وحتى سن 15.
الطفل يهدأ مع وجود حدود واضحة… ولا يهدأ مع الغموض أو الخوف.

الخلاصة

نحن لا نربي طفلًا يتوقف عن السلوك السيئ فقط،
بل نربي إنسانًا يعرف كيف يضبط نفسه، ويحترم الآخرين، ويحترم ذاته.

والتهذيب الحقيقي لا يبني شخصية خائفة… بل شخصية متزنة وواثقة.

نسأل الله أن يعيننا جميعًا على بناء جيلٍ سويّ النفس والقلب
@أبرز المعجبين
✅

29/01/2026

من ٢ لـ ٦ سنوات…أصعب مرحلة على الأم 💔 وأهم مرحلة في عمر الطفل كله.

لو فاكرة إن أصعب حاجة في التربية هي المراهقة
أحب أقولك إن اللي بيحصل من ٢ لـ ٦ سنين
هو اللي بيصنع مراهقة ابنك بعد كده
وبيصنع شخصيته وهو كبير وطول حياته

المرحلة دي مش بس مرحلة شقاوة ولا عناد ولا دلع
دي مرحلة تكوين إنسان.

فيها الطفل:
* بيبني شخصيته
* وبيتعلم يحس بإيه؟
* ويفهم نفسه إزاي؟
* ويشوف الدنيا مكان آمن ولا مخيف؟

👶 من سنتين لـ ٣ سنين
مرحلة: أنا لوحدي

الطفل فيها
* عايز يعمل كل حاجة بنفسه
* يقول لأ كتير
* يرفض الأوامر
* يعيط فجأة
* يغضب من أقل حاجة

كتير بيشوف إن ده عناد عند الطفل
لكن ده مش عناد خالص
هو هنا عقله بيقول ليه:
"أنا كبرت… أنا أقدر أعمل وحدي واقدر اقول اه ولاء ،انا بقيت كيان وحدي"

لما نكسر المرحلة دي:
* بالضرب
* أو الصريخ
* أو الإهانة
إحنا بنزرع جواه:
* خوف
* أو ضعف شخصية
* أو عناد حقيقي وأشد

الصح في المرحلة دي
* اختيارات بسيطة (تحب تلبس ده ولا ده؟)
* صبر
* احتواء
* حدود ثابتة بهدوء

🧠 من ٣ لـ ٤ سنين
مرحلة الأسئلة والخيال

الطفل هنا:
* بيسأل ليه وازاي وفين؟ 100 مرة
* يتخيل قصص وحكاوي كتير
* يكذب كذب تخيلي
* يخاف من حاجات مش موجودة

ده مش كذب خالص
دي مهارة مهمة جدا إسمها( التفكير التخيلي)
بيجرب الخيال وبيوسع تفكيره

السخرية أو التخويف هنا:
* بتكسر ثقته
* وتعلمه يخبي بدل ما يواجه
* وتخوفه من الكلام والتعبير عن مشاعرة

الصح هنا
نسمعه ،نجاوب ببساطة ،نطمن ،نفصل بين الخيال والواقع بهدوء

من ٤ لـ ٥ سنين
مرحلة المشاعر الكبيرة

الطفل هنا:
* بيغضب بسرعة
* بيغير
* بيصرخ
* حب امتلاك للأشياء

وده لأنه في المرحلة دي بيحس بمشاعر أكبر من سنه
ومش عارف يعبر عنها لفظياً

وهنا لما نقوله على كل حاجة
عيب، إسكت متتكلمش ،انت مش فاهم...

إحنا بنعلمه:
يكبت أو يعبر بسلوكيات غلط (سلوكيات تعويضيه) عن مشاعرة المكبوته.

الصح هنا
* نسمي له الشعور (إنت زعلان ، انت مضايق..)
* نعلمه التعبير بالكلام عن اللي بيحسه
* نكون نموذج هادي قدامه

من ٥ لـ ٦ سنين
مرحلة القيم وتكوين الضمير والقدوة:

الطفل هنا:
* بيقلد كل حاجة
* بيلاحظ كل تصرف
* بيخزن كلامنا ونبرتنا
* بيتعلم الصح والغلط من غير ما نحس

هو هنا مش محتاج محاضرات
محتاج قدوة
لأن اللي هيشوفه هيبقى هو نفسه

الصح هنا
نراجع نفسنا ،نعتذر لو غلطنا، نحترمه ،نحترم بعض قدامه❤️

الخلاصة..
من ٢ لـ ٦ سنين
ابنك مش بيستفزك
هو بيكبر وبيتكون

مش بيضايقك
هو بيتعلم

مش ضدك
هو محتاجك

وكل سلوك بيعمله
وراه احتياج غير مُلبى

الطفل اللي بيتحضن وهو صغير
ما يكبرش مكسور ولا عدواني ولا تايه

كبروا أولادكم صح
عشان الدنيا أصلا قاسية كفاية 💔
✅

28/01/2026

🚨 ادخلوا فتشوا في موبايل ابنك أو بنتك 🚨
لو الألعاب دي مش خطــ.ــر، مكنش العالم كله اتكلم عنها ولا دول كتير منعتها ❌

🎮 لعبة وقلبت بجد

اللعب بقى خطر حقيقي في إيد كل طفل ‼️

لو متعرفش يعني إيه Roblox – روبلوكس

يبقى أنت كده متأخر عن جيل كامل…

اللعبة دي من أشهر الألعاب عند الأطفال، شكلها كرتوني وبريئة، لكن الحقيقة غير كده تمامًا 😔

📌 ليه روبلوكس وغيرها خطر؟

▪️ لعبة أونلاين بتفاعل مفتوح

▪️ محتوى مش كله مناسب للأطفال

▪️ شات مفتوح والتواصل مع غرباء

▪️ استغلال الأطفال بطرق مختلفة

▪️ شراء جوه اللعبة يخلي الطفل مش مدرك قيمة الفلوس

▪️ إدمان وساعات طويلة بدون وعي

⚠️ ومش روبلوكس لوحدها

في ألعاب تانية خطــ.ــرة أو إدمانية زي:

🎮 Minecraft

🎮 Free Fire

🎮 PUBG Mobile

🎮 Fortnite

🎮 Among Us

🎮 GTA Online

🎮 Call of Duty Mobile

كلها ألعاب فيها تفاعل أونلاين، شات، محتوى عنيف أو غير مناسب، ولو من غير رقابة بتتحول لكارثة حقيقية ❌

✅ دور الأهالي مهم جدًا:

✔️ رقابة فعلية مش شكلية

✔️ تحديد وقت اللعب

✔️ إغلاق الشات أو التحكم فيه

✔️ اللعب في مكان مفتوح في البيت

✔️ الكلام مع الطفل وسماعه بدون تخويف أو ضرب

📺 مسلسل (لعبة وقلبت بجد) ناقش قضية في غاية الخطورة

إزاي الألعاب الإلكترونية سيطرت على دماغ وحياة جيل كامل

وإزاي غياب رقابة الأهل خلّى الموبايل مربي بديل 😔

❌ الموبايل مش حل عشان الطفل “يسكت”

ولا علشان نرتاح من الزن والصداع

اللي بيسكت النهارده… ممكن يدفع تمن كبير بكرة
اعملو شير
📌 الكلام ده مهم

27/01/2026

ايها الاباء والامهات...
إياكم والمبالغة...

1_المُبالغة.. في تدليل الابناء...

فإن ءلك يجلب النُكران، و الجحود، و عدم الشعور، و قَساوة القلب، و ضياع الشغف...

2_ المُبالغة .. في الشِدَّة ..

فذلك يجلب الكسر، و القهر، و تفقده الثِقة في نفسه و في مَن حوله... و التصرف هذا و ذاك يجلبان بعض الأفكار الإنتحارية بين الحين و الآخر....

- إن السماح بتطاول الأبناء و البنات على الوالدين و غير الوالدين ليست تربية Modern أو حضارية و إنما هي لَعنة و فقر نفسي و جهل فكري لا تُدلل ابنك أو ابنتك حد الإفساد.

_ و لا تعنَّف حد الكراهية و النفور.

_ كن حازماً و صديقاً و صارماً و صاحباً.

_ و كن في كل الآونة رباًّ للبيت و قائداً أولاً و أخيراً..

27/01/2026

كنت بسمع بودكاست عن التربية قالوا فيه جملة حاسة إني عايزة أنكد عليكوا بيها
"الطفل بيقتنع بكلام أهله عن شخصيته وبيصدقه ومابيصدقش حد غيرهم لو العالم كله أثبتله عكس كدة"

وذكروا قصة توماس أديسون لما رجع لمامته بجواب من المدرسة وقالتله أنه مكتوب فيه :
ابنك عبقري ، هذه المدرسة متواضعة جدًا بالنسبة له وليس لديها معلمين جيدين بما يكفي لتعليمه. من فضلك، علِّميه في المنزل
بس هو في الواقع مكتوب فيه : ابنك متخلف عقلياً. لا يمكننا السماح له بالذهاب إلى مدرستنا بعد الآن

فحولته من متخلف عقليًا لتوماس أديسون اللي العالم منور بسببه دلوقتي

# اسس_طفلك_صح

26/01/2026

الكرتون ده (لولو) سبب في مشاكل سلوكية كتير جداً عند الأطفال ، وتعالوا اقولكم إزاي.

الطبيعي لما يجيلي طفل تعديل سلوك من الأسئلة اللي بسألها لولي أمره بيتفرج على شاشات كتير ولا لاء وايه نوع المحتوى اللي بيتفرج عليه ؟

لقيت غالب الأطفال بيجمعهم الكرتون #لولو
والغريب إن مشاكل الأطفال دي السلوكية قريبه جدا من بعض
وده خلاني ادور وأشوف ايه نظام الكرتون ده.

طيب إيه أبرز المشاكل اللي الكرتون ده ممكن يسببها للأطفال وخاصة اللي بتتأثر بسرعه؟

أولاً: تعزيز العناد والتمرد عند الطفل:

لولو كانت شخصية عنيدة جدًا، وغالبًا بتتحدى الكبار، وده بيتكرر في كل حلقة تقريبًا.
الطفل بيشوف إن التمرد على الكبار، أو كسر القواعد، حاجة ذكية ومرحة ، فبيبدأ يقلد ده.

ثانيًا: العنـ ف اللفظي والسخرية:

فيه تنمر واضح من لولو على الأولاد، وكتير من الحوارات فيها سخرية أو تقليل من الآخرين.
الطفل اللي بيتفرج بيكتسب سلوك السخرية والردود الجارحة، وبيبدأ يطبقها على زمايله او اللي حواليه

ثالثًا: التقليل من صورة الأولاد:

الكرتون دايمًا بيظهر الأولاد بشكل سلبي شوية، إنهم دايمًا بيغلطوا، أو مش أذكياء، أو مهزومين أمام لولو.
وده ممكن يعمل مشكلة في (الهوية الجندرية) عند بعض الأطفال، وبيبدأ الولد يشعر بالضعف أو قلة القيمة.

رابعًا: الاعتماد على الحيلة بدل من الصراحة:

لولو دايمًا بتستخدم التحايل والخدع عشان تحقق اللي هي عايزاه، مش الحوار أو الطلب المباشر.
وده بيزرع عند الطفل إن الكذب أو التحايل ممكن يكون وسيلة ذكية للوصول لهدفه.

خامسًا: غياب القدوة الجيدة:

الكبار في الكرتون إما غافلين أو بيتعاملوا بسخرية، وده بيقلل من احترام الطفل لفكرة "الكبار قدوة"

ده غير إن الكرتون كله مثيرات بصرية وسمعية تخلي الطفل في دنيا وحده خالص لدرجة الإدمان حرفياً وده بيأثر جدا على الإنتباه والتركيز والكلام ونشاط المخ...

25/01/2026

من عمر يوم لحد سنتين
ممنوع التلفزيون
ممنوع الموبايل
حتى لو عشان نفرحه شوية
الشاشات في السن ده
مش بتعلم
وبتأثر على الكلام
والتركيز
والتفاعل
البديل أبسط وأهم
نقعد نكلمه
نحكيله
نغني له
نلعب معاه مكعبات
نسيبه يرسم ويخربش
نضحك ونتفاعل معاه
الحاجات دي هي اللي بتبني مخ الطفل صح
مش الكرتون
ولا الفيديوهات
اهتمامك وتفاعلك مع طفلك دلوقتي بيشكل شخصيته طول العمر

التعليم في الصغر كالنقش على الحجر 📌
اسس طفلك صح ✅

25/01/2026

⚠️ اخطـــاء شائعة بتزوّد عنـــاد ابنك من غير ما تحس

اتكلمنا في الاجزاء السابقه عن مميزات ، عيـــوب ، نقاط قـــوه ، نقاط ضعـــف وازاي تتعامل مع ابنك الـعنيــد لو مهتم بأي جزء فيهم أكتب اسم الموضوع وهبعتلك لينك البوست 😍

كتير من الأمهات بيكون نيتهم صح…بس الأسلوب الـغلــط بيحـــول ابنك الـعنيــد لطفل
🍁((أشد عنـــاد ومقـــاومة ))

🍀🍀دي اخطـــاء شائعة لو موجودة، اعرفي إن العنـــاد هيزيد 👇

---
🍀1️⃣ كترة الأوامـــر في كل حاجة

🍁( اعمل – ما تعملش – يلا – بســـرعه )

الطفل العنـــيد لما يحس إن حياته كلها أوامـــر
هيستخدم العنـــاد كســـلاح دفـــاع ⚔️

📌 النتيجة:
🍁🍁(( مقـــاومة تلقائية لأي طلب تطلبيه منه ))

---

🍀 2️⃣ الجـــدال الطويل ومحاولة اقنـــاعه وقت العصـــبيه

خلي بالك ابنك وهو زعـــلان ؟
🍁مش بيسمع…
🍁مش بيفهم…
🍁مش بيقتنع.

📌 النتيجة:
🍁🍁((شـــد وجـــذب + عنـــاد أعلى))
💡 هتقنعيه بأي شيء وقته لما يهدى، مش وقت الإنــفجـار

---

🍀 3️⃣ التهـــديد اللي مش بيتنفّذ

🍁لو ما عملتش كده هعمل وهعمل…وبعدها مفيش حاجة بتحصل.

📌 النتيجة:
🍁🍁((الطفل هيققـــد احترام القواعد وهيتعلم يختبرك كل مرة ))

---

🍀 4️⃣ المُقـــارنة بطفل تاني

🍁“بص صاحبك”
🍁“أختك أحسن منك”

📌 النتيجة
🍁 غيـــرة
🍁غضـــب
🍁 عنـــاد أكتر وهنا بيستخدم العنـــاد كرسالة بيقول لك فيها : ((أنا مش عاجبني اللي بتعمليه))

---

🍀 5️⃣ السخـــرية أو التقلـــيل

🍁الضحك على تصرفاته أو الإستهـــزاء بمشاعره.

📌 النتيجة:
🍁🍁((ابنك هيقفل على نفسه))
🍁🍁((يعانـــد أكتر عشان يحمـــي كرامتـــه ))

---

🍀 6️⃣ العصبيـــة والصوت العالي

صراخك عليه مش قوة…الصراخ فقـــدان سيطـــرة

📌النتيجة:
الطفل هيتعلم إن العنـــاد = صوت أعلى فهيعلي صوته هو كمان وهيفهم انك مش بتقتنع غير لما يعلي صوته

---

🍀7️⃣ التنـــاقض بين الأب والأم

🍁مرة الطلب ماشي
🍁ومرة مرفـــوض (مافيش اتفاق علي طريقه تربية واحده)

📌 النتيجة:
🍁🍁 ((الطفل هيحتـــار وهيعانـــد أكتر لأنه فاقـــد الإطار الواضح ومع الوقت هيتعلم استغـــلال التنـــاقض اللي بين الأب والأم لصالحه ))

---

🍀 8️⃣ نــسيان الاحتياج العاطفي

العنـــاد كتير اساسه :
🍁 جـــوع للإهتمام
🍁 أو احتيـــاج للأمان
🍁 أو رغبة في الاحتواء

📌 النتيجة:
🍁🍁((هيعانـــد عشان يقول لك: شوفني؟ اسمعني؟)

---
🍀🍀عنـــاد ابنك مش دايمًا بيكون طبع…أحياناً كتير بيكون رد فعل

كل ما كان الأسلوب أهدي والحدود أوضح والاحتواء أعلى
العنـــاد بيهدى لوحده 🤍

⛔ طيب ايه هي نقاط ضعـــف الطفل الحساس وازاي تتعامل معه لو مهتم بالموضوع ده اكتب مهتم وشير في الخير

ربنا يحفظ أولادنا أجمعين ويساعدني علي تربيتهم بنفسيه سليمة يارب

✅

24/01/2026

انا كنت بشوف أمهات كتير اجانب بتعمل الطريقة دي وقت استحمام البيبي!👶🚿

إنك تحطي قطعة قماش خفيفة أو قماطة على جسم البيبي أثناء الشاور مش حركة عشوائية، دي حركة ذكية جدًا 👌

ليه؟

▫️ البيبي بيفقد حرارة جسمه بسرعة جدًا،
خصوصًا لما جلده يكون مبلول.
لما تحطي عليه قطعة قماش مبلولة، بتشتغل كعازل حراري،
تحافظ على دفاه وتمنع إحساس القشعريرة أو البرد المفاجئ وإنتي بتغسلي باقي جسمه.

▫️ كمان البيبي في أيامه الأولى بيخاف من المساحات الواسعة،
خصوصًا وهو عريان وتحت الميه.
بيحس كأنه هيقع، وده يخليه يعيّط 🥹
قطعة القماش بتديه إحساس بالأمان والاحتواء، فبيهدى أكتر.

▫️ وآخر حاجة، صبّ الميه مباشرة على جلد الرضيع الحساس بيعمل له صدمة،
حتى لو الميه دافية.
قطعة القماش بتوزّع حرارة الميه وضغطها بشكل لطيف ومتساوي،
فالميه توصل للجلد تدريجي وبهدوء.

✅