7ad y3rf 7adanaحد يعرف حضانه كفر الشيخ

بعد وجود أدوية مغشوشة زي اليونيكتام
شركة المهن الطبية قامت بعمل ابليكشين على الموبايل موجود على البلاى ستور بيعمل سكان للكود الموجود على علب الدواء وبيوضح حالة العلبة دى سليمة ولا مغشوشة عشان تبقى مطمن مهما كان المصدر اللى جبت منه
حمله على تليفونك واحمى من حولك
اللينك اول تعليق

🚨علامات إنذار بتقولك إن فيه مشكلة في الحضانة🚨

طفلك اللي في الحضانة أي تغيير في حالته النفسيه لازم تعرفي سببه وتلاقي سبب حقيقي للتغيير ده
مش لسه هتقولي قلبي متوغوش أو باين كده في حاجه غلط!
لأ هو في حاجه غلط طالما طفلك متغير
⚠️ لو خايف وقلقان
⚠️ ساكت بدل ما كان بيتكلم
⚠️ جسمه فيه كدمات
⚠️ بيتعور بشكل مستمر
⚠️ لازق فيكي بعد ما كان بيروح وهو مبسوط
⚠️ بيعيط الصبح وهو رايح وتسأليه ليه يسكت
⚠️ أي صوت عالي بيخضّه وبيخوفه
⚠️ بيستخبى كتير في البيت
⚠️ بيقعد لوحده ومنكمش
⚠️ بيتهته في الكلام
⚠️ بيقرقض في ضوافره
⚠️ بيمصمص في هدومه
⚠️ بيعمل بيبي على نفسه بالليل أو وهو صاحي بعد ما كان كويس
⚠️ رجع يحط صباعه في الفم تاني بعد ما كبر على المرحله دي
⚠️ بقا عنيف وبيضرب اخواته أو بيضربك أو حتى بيضرب عرايسه وهو بيلعب وبيعنّفهم

أي علامة من العلامات دي معناها ان في حاجه غلط بتحصل في الحضانه وان الطفل بيتعرض لأذى جسدي أو نفسي أو ضغط شديد
سواء من الكبار أو الأطفال اللي معاه
ومعناها برضه إنه متوديش طفلك الحضانه دي
ومازلت عند رأيي من زمان
الطفل ميروحش الحضانه إلا لو كان بيقدر يتكلم ويعبر ويقول كل حاجه
طبعاً ده في حالة إن الأم مش مضطرة تشتغل
ولو الأم مضطره تشتغل يبقا واجب عليها تتحرى كويس جداً عن الحضانه وتسأل عنها وعن أصحابها
وآخد بالي كويس أوي من جسمه وانا بغيرله وادور في جسمه كويس عن أي كدمه او علامه 😪
اسمعوا ولادكم دردشو معاهم واسمعوا ولاحظوا الحاجات اللي بيقولوها بين السطور
اللي بيتعمل في الطفل وهو صغير بياخد وقت كبير على ما يتشافى منه وأثره بيبقا كبير على حياته
فلازم نتحرك لما نلاقي أي حاجه غلط ومنستناش الله يخليكم
ربنا يحمي ولادنا 🤍

اللهم امين

مهتمين بالحضانات في كفر الشيخ مع انتشارها محتاجين نعرف تجارب بعض ونرشح لبعض افضل الاماكن محتاجين نقول ايه اللي بنتمنى نلاقيه في حضانة اولادنا ومحتاجين نسأل عن حاجات بنقلق منها ومنعرفش نسأل فين الصفحه متخصصه في اسئلة وريفيوهات الأمهات عن حضانات اولادنا..محتاجين نطمن بعض عن الاماكن اللي اولادنا فيها ..وكمان نساعد بعض في افضل الطرق اللي نقدر نساعد بيها اولادنا