Happy English Class

ابعتوا لنا الحل في كومنت هنرد عليكم يا ا بطال

يلا ابطال ابعتوا لنا الحل في كومنت

يلا ناخد قاعدة وتمرين عليها يا ابطال

تعرف يا ابوجبل🤔
مشفتش اتنين متفقين ومتعاونين زي some و any🙄🙄
دول كل واحد عايش في حاله قسمو التركة وارتاحو😏
Some قالت انا مش هاجي غير في الجمل المثبته لاني مبرتحش خالص مع not
يعني not من طريق وانا من طريق
زي مثلا
I have some money
معاك فلوس يعني يا ابوجبل 🤔
كمان قالت انا هاجي مع سؤال العرض
زي😁
Would you like some tea?
تشرب شاي.. يا ابو جبل😲
any بقى قالتلها انا روحي في not دي خليها معايا يعني بتيجي مع الجملة المنفيه زي
I don't have any money
مش معايا اي فلوس.😒😒.
ومين سمعك والله
كمان قالت هاجي مع السؤال زي
Do you have any money?
شفت بقى اتنين متفقين كده ومقسمين الشغل بينهم زي some و any

قطع ممتازة لتدريب الطفل على القراءة وتكوين الجمل

وقد يكون البوتاجاز ناس في في حياتنا بردو 😂😂😂😂

The Present Perfect المضارع التام
لما المضارع التام إتولد 🧒🏻 اُمه وأبوه إتخانقوا يسموه إيه. أبوه قال نسميه تام علي إسم جده وأمه قالت نسميه ( لسه ) وعلشان ماحدش يزعل سجلوه في الورق ( تام ) وبقوا ينادوله ب ( لسه )
إصحابه في المدرسه مابقوش يحبوه علشان إسمه ال ( present perfect ) ومابقوش فاهمين هو إزاي مضارع وتم خلاص وكانوا متلخبطين جداً بس نوسه زميلته 👧🏻 حاولت تفهمه وراحت قالتله
👧🏻 خد يا ( تام ) السندوتش ده 🍔
🧒🏻 لا شكراً أنا ( لسه ) واكل ( I have just eaten ) كوارع وكرشه 🥘 😂
👧🏻 طب خد عصير 🍹
🧒🏻 شكراً يا نوسه أنا ( لسه ) شارب ( I have just drunk ) حلبه حصي
👧🏻 طب تيجي نذاكر 📝
🧒🏻 أنا ( لسسسسه ) مخلص ( I have done ) الواجب
👧🏻 هو أنا كل ما أقولك حاجه تقولي ( لسسسسسسسه ) عاملها

🧒🏻 أنا أصلي ( لسسسسسسسه ) مخلص كل حاجه حالاً علشان كده إسمي ( تام ) لإن اللي عملته تم خلاص ولإنه مش من زمان ولسسسسسسه مخلصه حالاً ولسه ليه أثر ( الكوارع لسسسسسه في بطني ما إتهضمتش - والحلبه لسه في بقي 😋 )
فهو قريب للمضارع وملمس معاه فعلشان كده إسمي ( المضارع التام )

👧🏻 طب إنت بتتكون من إيه ؟
🧒🏻 بتكون من ( have أو has ) وال past participle اللي هو التصريف الثالث
👧🏻 لا مش فاهمه إمتي have وإمتي has وإيه التصريف الثالث ده !!!
🧒🏻 هبسطهالك يا نوسه ما تستعجليش الضمائر سبعه بنقسمهم تقسمتين
- ( I - you - we - they ) + have + p.p
- ( he - she - it ) + has + p.p
👧🏻 طب ( have /has ) معناهم إيه يملك مثلا
🧒🏻 لا خالص مش يملك والمفأجاه إن مالهمش أي معني 🕺🏻 هما بنلزقهم في النص وخلاص علشان اللي بيسمع يفهم إن ده مضارع تام 😂

👧🏻 يااااه بجد طب إيه التصريف الثالث ده 🙇🏻‍♀
🧒🏻 للفعل في الإنجلش ثلاث أشكال ( أول للمضارع - وثاني للماضي - وثالث اللي بنتكلم عنه ) زي
- work / worked / worked.
- walk / walked / walked.
- call / called / called.
والمفاجأه إن معظمهم زي ما إنت شايفه كده. الثاني زي الثالث أخره ed سمعينا زغروطه بقي 💃🏼
وساعات بيبقي الفعل irregular غير منتظم شكله بيتغير زي
- drink / drank / drunk.
- speak / spoke / spoken.
- choose / chose / chosen.

👧🏻 ياااه ده سهل أوي أنا ( لسسسسسسسسسه ) حالاً أول مره أفهمها
🧒🏻 قلتي ( لسه ) 😂 يبقي فهمتي يا نوسه قوليها بقي بالإنجلش
👧🏻 حاضر ( I have understood ) noooooooow 💃🏼💃🏼💃🏼

الزتونه 🥳🥰 :-
للمضارع التام أكثر من إستخدام 💪🏻
- الإستخدام الأشهر والأكثر عن حاجه لسسسسسسه حاصله حالاً في التو والبو 😂😂.
- بنستخدمه برضوا مع حاجه حصلت ومش عايز أحدد وقتها ( I have seen this movie before ) شفت الفيلم قبل كده
خاصة مثلا لو إتكررت كثير ( she has read this book many times ) ماهو أكيد مش هنفتكر قرأته إمتي وإمتي قرأته كثير وخلاص.
ومع التغيبرات غير اللحظيه لو واحده خست فأكيد ماخستش يوم الخميس الساعه سته 😂 😂 لا مافيش وقت محدد فهتقولها ( you have lost some weight )
هو ده ال( present perfect ) اللي كنا بنخاف منه 😍😍😍

معلومه في حدوته 🥰🥳💪🏻🤍💚💖