Mr. Mahmoud Fekry - English Teacher

05/08/2026

🔸 الانجليزى مش مجرد منهج بيتدرس فى سنة ولا اتنين لا ده مادة تراكمية يعنى اللى يهتم بيه من بدرى هيرتاح بعد كده واللى يهملها صدقونى هيتعب ف النظام الجديد
🔸 اللى مش داخل البكالوريا متأسس كويس وفاهم يعنى ايه يتعامل مع الجملة والأسئلة بقراءة وفهم كويس هيتوه
🔸 البكالوريا بجد نظام هيعمل فلتر لمدرسين السبوبة وكمان لطلبة الغش والسماعات لانه نظام بيعتمد على الفهم والقدرة على التعبير بشكل مقالى بالاستنتاج والتفسير مش مجرد اختر الإجابة الصحيحة اللى ساعد على الغش وضيع مجهود ناس كتير
🔸وبالنسبة لولى الأمر لازم اتابع ابنى وبنتى من بدرى مش مجرد بيروح الدرس وييجى من الدرس ونيجى فى الثانوى نكتشف أنه ضايع ونلف بيه على المدرسين اوقات الوقت بيكون اتاخر والطالب نفسه مبقاش عنده قدرة يستوعب ويفهم وده لان الانجليزى بكرر تانى مادة تراكمية مش منهج منفصل كل سنة وكل ترم
بالتوفيق لكل اولادنا وبناتنا الطلاب

05/08/2026

📢 بعد حضور تدريب البكالوريا… عندي كام كلمة مهمين جدًا لكل طالب وولي أمر.

خليني أقولك حاجة من البداية:

البكالوريا مش مجرد منهج جديد… البكالوريا طريقة تفكير مختلفة.

وعشان كده، اللي هيبدأ يحفظ إجابات ويذاكر بشكل تقليدي، غالبًا هيلاقي نفسه بعد شوية مش عارف يتعامل مع نوعية الأسئلة الجديدة.

لكن خلينا نفهم الصورة ببساطة 👇

🔹 أولًا: المنهج 5 وحدات فقط.

وده كلام نهائي.

لكن متستعجلش وتقول: "خمس وحدات يعني الموضوع سهل!"

الموضوع مش بعدد الوحدات… الموضوع في طريقة التعامل معاها.

🔹 ثانيًا: Learning through Context and Perspective

يعني الطالب مش هيكون مطلوب منه يحفظ إجابة واحدة محفوظة لكل سؤال.

هيتعلم يفهم السياق ويكوّن وجهة نظر ويعرف يدافع عنها.

اتعرض في التدريب مثال بسيط جدًا:

طالب قاعد على مكتب وبيستخدم اللاب توب.

What is he doing?

ممكن كل طالب يشوف الموقف من زاوية مختلفة، والمهم إن إجابته تكون منطقية ومبنية على اللي شايفه في السياق.

وده معناه إننا محتاجين نعلّم الطالب يفكر ويعبّر… مش يحفظ وبس.

🔹 ثالثًا: كلمة مهمة جدًا في Reading وWriting: JRE

Judgement – Reason – Evidence

يعني:

رأيك 👈
سبب رأيك 👈
والدليل اللي يؤكد كلامك 👈

وده بالضبط اللي هحاول أدرّب الطالب عليه من بدري:

مش بس "إيه الإجابة؟"
لكن "ليه دي إجابتك؟ وإيه الدليل؟"

🔹 رابعًا: الـ Grammar هتتعلم بشكل مختلف.

مفيش فكرة إننا نخلص درس Grammar ونقول خلاص كده.

Structure will be implied in context.

يعني القاعدة هتظهر وتتفهم من خلال السياق والـ Reading Texts.

والوحدة الواحدة ممكن نستخرج منها أكتر من نقطة Grammar.

وده محتاج مدرس يربط للطالب بين القاعدة + المعنى + السياق + الاستخدام.

🔹 خامسًا: الأسئلة المقالية

المعلومات الحالية بتشير إلى إن الأسئلة المقالية لن تقل عن 50%، وممكن تزيد.

والتفاصيل النهائية متوقعة بعد 15/8.

وده معناه إن الطالب لازم من دلوقتي يتدرب على التعبير والتفكير وإثبات وجهة النظر، مش الاختيار من متعدد فقط.

🔹 سادسًا: القصة

القصة بنسبة كبيرة جدًا:

📖 Great Expectations

لكن لحد ما يصدر التأكيد الرسمي، هنفضل نقول إنها متوقعة وليست نهائية.

🔹 سابعًا: مواصفات الامتحان النهائية

لسه بدري عليها.

المتوقع إنها تكون مش قبل شهر 12، وممكن بعد كده كمان.

🔹 ثامنًا: الحضور والتقييمات مش حاجة ثانوية.

الطالب ملزم بالحضور والتقييمات والاختبارات الشهرية كشرط لدخول الامتحان.

يعني من أول يوم… الالتزام جزء من النجاح.

🔹 وأخيرًا: فرص الامتحان للمواد الأساسية

بالنسبة للإنجليزي والعربي والتاريخ، فيه 4 محاولات:

✅ محاولة أولى مجانية
💰 و3 محاولات بمقابل مادي

محاولتين في تانية ومحاولتين في تالتة.

وبالنسبة للإنجليزي والعربي اللي بيدرسوا في تانية، الطالب ممكن لو احتاج يدخل المحاولتين الإضافيتين في تالتة بمقابل مادي.

---

🎯 طيب أنا كمدرس شايف إيه؟

شايف إن أكبر غلطة ممكن نعملها دلوقتي إننا نستنى لحد ما كل المواصفات تنزل ونبدأ بعدها نفكر هنعمل إيه.

الطالب محتاج يبدأ من دلوقتي يغيّر طريقة مذاكرته.

محتاج يتعود على:

✔️ فهم الـ Context
✔️ تكوين Perspective
✔️ التعبير عن الرأي
✔️ ذكر السبب
✔️ الاستدلال بالدليل
✔️ التعامل مع الـ Reading بذكاء
✔️ استخدام الـ Grammar داخل السياق
✔️ والكتابة بشكل منظم ومقنع

وده بالضبط اللي أنا شايف إن دور المدرس الحقيقي هيكون فيه.

مش دوري إني أدي الطالب إجابة يحفظها.

دوري إني أخليه يفهم ليه الإجابة دي صح… ويعرف يوصل للإجابة بنفسه حتى لو السؤال اتغير.

وده في رأيي هو الفرق الحقيقي بين طالب بيذاكر البكالوريا وطالب مستعد للبكالوريا. 💪📚

وأنا من دلوقتي بجهز طريقة الشرح والتدريب على النظام ده، خطوة بخطوة، وبشكل يناسب الطالب ويفهمه هو وولي الأمر.

📌 البكالوريا محتاجة استعداد من بدري… مش انتظار لحد يوم الامتحان.

04/08/2026

04/08/2026

الأزهر الشريف يقرر نظام الأداءات والتقييمات على طلاب المرحلة الابتدائية والإعدادية والحضور إلزامي والله المستعان

31/07/2026

⏳البداية يوم السبت 1/8 بأمر الله
👈مجموعة واحدة لكل صف
🙅غير مسموح بتعديل أو تغيير أى ميعاد
🙏وفقنا الله وإياكم

22/07/2026

الله المستعان

29/06/2026

"بسم الله نبدأ وعليه توكلنا وبه نستعين"
ابدأ رحلتك للإتقان.. الإنجليزي مش عقدة

زهقت من حفظ الكلمات والقواعد اللي بتنساها تاني يوم؟

الإنجليزي محتاج "طريقة صح" مش مجرد مجهود كتير

مع مستر محمود فكري، هنغير مفهومك عن اللغة تماماً. هنبسط الصعب، ونركز على مهارات التواصل الحقيقية اللي هتحتاجها في دراستك أو حياتك العملية

🔥 ليه تحجز معانا؟

✅ شرح مبسط يخلي المعلومة تثبت في دماغك

✅ تركيز عملي على "تحدث" اللغة بطلاقة

✅ متابعة مستمرة وتقييم دقيق لمستواك

🗓️ بداية الحجز

نفتح باب الحجز للمجموعات الجديدة يوم الأربعاء 1 يوليو
عن طريق الحجز تليفونيا عن طريق واتساب على رقم 01022996918
أو بالحضور لمقر السنتر يوميا من الساعة 4 إلى الساعة 8 ماعدا الجمعة
خد الخطوة اللي هتغير مستواك!

#تعليم

23/01/2026

بسم الله عليك توكلنا وإليك أنبنا وإليك المصير