12/08/2026
بعد النقاش الكبير اللي حصل امبارح، حابب أوضح نقطة مهمة لأن واضح إن جزء من كلامي اتفهم على إني بدافع عن أسعار الكتب الخارجية، وده مش مقصدي نهائيًا.
أنا ضد تصوير الكتب بدون حق أصحابها، وفي نفس الوقت ضد استغلال الناس ورفع أسعار الكتب بشكل مبالغ فيه. الاتنين بالنسبة لي غلط.
ومليش أي مصلحة في بيع أي كتاب خارجي، لأن شغلي أصلًا بطلعه PDF ببيانات المعلم، وبالفعل أغلب المدرسين اللي بيتعاملوا معانا بيطلعوا الكتاب للطالب بسعر لا يتجاوز 100 جنيه.
المؤلف اللي بيقعد شهور يكتب ويراجع ويسهر علشان يطلع كتاب محترم، أكيد من حقه يكسب من تعبه ومجهوده.
لكن في المقابل، تكلفة الكتاب مش تأليف وطباعة بس؛ فيه تراخيص وتكاليف كبيرة، عمالة، تسويق، توزيع ونسخ مجانية، وكل ده في الآخر بيرفع سعر الكتاب.
وعلشان كده رسالتي لأصحاب الكتب:
بلاش الأسعار الانتهازية، ارحموا الناس شوية، قلل مكسب النسخة وبيع أكتر، وخلو فيها جزء لله.
ورسالة لوزارة التربية والتعليم:
ياريت تسهّلوا إجراءات التراخيص وتقللوا المبالغ المطلوبة، لأن ده من أهم أسباب ارتفاع تكلفة الكتب، وفي الآخر ولي الأمر هو اللي بيتحملها.
يعني باختصار:
ولي الأمر يحترم حق المؤلف، وصاحب الكتاب يراعي ولي الأمر، والوزارة تقلل الأعباء... وكل واحد يعمل اللي عليه. 🤍
بس دا اظنه مش هيحصل وهنفضل في نفس الدوامه طبعا
