Moatasem leopard - الباشمعلم

بالنسبة للفكرة المنتشرة الخاصة بتثبيت مقطع ووضع حوله مجموعة مقاطع

عايز اقول كم نصيحة ونفكر قبل الرفض.

أنا مش عايز أعلم الطفل يقرأ اللي أنا حطيته قدامه لكن أنا عايزه يعرف يقرأ اللي أنا لسه ما حطتهوش.

وده يعتبر الفرق بين: التدريب على الاستجابة المحفوظة
وبين بناء مهارة قرائية قابلة للتعميم.( أرجو فهم النقطة دي بجد)

والأشد من كده الأثر السلبي في إن تكرار نفس المقاطع بيعطي المعلم وولي الأمر إحساسًا زائفًا بالإتقان زي

الطفل يقرأ بسرعة واو ✔️
الطفل يجيب صح رائع ✔️
الطفل حافظ المقاطع عظمة على عظمة ✔️

لكن أول ما نغير المقطع وندخل مستوى أعلى
ينهار الأداء بشوفه يوميا داخل جلسات التقبيم

الفكرة ممكن تكون كويسة داخل مراحل تدريبية وفي وقت معين لكنها مستحيل تتعمم كطريقة لتعليم القراءة.

عشان كدة ساعتها لازم نسأل نفسنا كلنا
هل طفلي كان بيتعلم القراءة؟
ولا كان بيتعلم المادة التدريبية نفسها؟
زي بالضبط اللي بدربوا الطفل على اختبار الذكاء وادواته 🙂🙂وبعد شوية يقولك الولد ذكاؤه ارتفع.

لازم تفهم كعميل إن التقييم الحقيقي للقراءة مش في اللي الطفل شافه واتكرر عليه. التقييم الحقيقي يظهر عندما نضع أمامه مادة جديدة ونرى
هل يستطيع استخدام ما تعلمه؟
هل يستطيع فك التشفير؟
هل يستطيع الدمج؟
هل يستطيع التعميم؟

لأن القراءة مهارة…
وليست ألبوم صور محفوظ في الذاكرة.
#الباشمعلم

النجاح مش لقطة حلوة، النجاح إنك تفضل تسعى وتتقن عملك … لحد ما شغلك يتكلم عنك.
سعيدين بوجودكم معنا ❤❤
#الباشمعلم

طب متزعلوش مني

مادام كلكم دكاترة … وخبرات… وشهادات…

عندي سؤال بسيط جدًا بالنسبة لدكاترة تخصصي
إزاي كل ده موجود… والمشكلة التعليمية على أرض الواقع بتزيد كل يوم؟

ولي الأمر يكلمني ويقول:
مش لاقي حد يشتغل مع ابني بفكر علاجي مش فكر شوية كلكات
لفيت هنا وهنا…
وكل مكان بروحه مفيش خطة مفيش أدوات مفيش نتيجة

طيب لحظة…
لو إحنا عندنا كل العدد ده من الخبرات، والألقاب، والشهادات، والدورات، والماجستير والدكتوراه…

فين الواقع العملي؟
فين المعلم اللي يعرف يستقبل الحالة ويقيّمها صح؟
فين اللي يعرف يحدد المشكلة التعليمية الحقيقية بدل ما يحط عنوان كبير عليها؟
فين اللي يعرف يبني خطة تدخل، وينفذها، ويقيس أثرها، ويعدلها لما النتائج تقول إن الطريق محتاج تعديل؟
فين الأماكن اللي فعلًا بتقدم خدمة تعليمية متخصصة، مش مجرد جلسة ونشاط وورق مطبوع؟

المشكلة مش إننا ناقصنا ناس تتكلم عن التربية الخاصة.
المشكلة إننا محتاجين ناس تشتغل التربية الخاصة فعلًا.
لأن الشغل الحقيقي مش بيتقاس بعدد الشهادات اللي معلقة على الحيطة…
ولا بعدد المصطلحات اللي بنحفظها…
ولا بعدد المتدربين اللي حضروا عندنا.
ولا بعدد مشاهدات الريلز وريأكت المنشورات

الشغل الحقيقي بيتقاس بالطفل اللي دخل عندك بمشكلة… وخرج وهو يمتلك مهارة.
ولي الأمر مش محتاج يسمع إنك «خبير».
هو محتاج يشوف الخبرة وهي بتشتغل.
مش محتاج لقب كبير…
محتاج أثر كبير.
وفي النهاية، السؤال اللي لازم كل واحد فينا يسأله لنفسه:
أنا عندي خبرة فعلًا… ولا عندي فقط ما يثبت أنني درست عن الخبرة؟

#الباشمعلم

سبحت لله فى العش الطيور
ترسل الأنغام عطراً فى الزهور
تصنع العش وتسعى فى البكور

من المضحكات في الوسط المحيط بيا 😂
أخصائية مضايقة جدًا إن أخصائية تانية سرقت شغلها وعاملة حوار كبير جدا. و شغالين نشر غسيل
دخلت أخصائية تالتة علّقت له:
طب ما ده شغل الباشمعلم اللي إنت حضرتيه معايا ومعاه دورة من سنتين! ده حتى في تجديدات دلوقتي .

الباشمعلم
يا عزيزي… كلكم لصوص 😂😂😂 بس كل واحد واستيعابه بقى 🙂 المهم نسيبنا من نشر الغسيل حابين تيجو المجموعة الجديدة فيها حاجات جديدة.

هم يضحك وهم يبكي

🔥 مش كل حد بيعرف يدرّس… يبقى مؤهّل يعلّم.

الفرق الحقيقي مش في عدد الأنشطة اللي عندك،
ولا في كمية المعلومات اللي حافظها…

الفرق إنك تكون فاهم:
إمتى تبدأ؟
ليه تستخدم المهارة دي؟
إزاي تدرّجها؟
وإزاي تعرف إن الطفل أتقنها فعلًا؟

وده تحديدًا اللي بنشتغل عليه في برنامج الباشمعلم لتعليم القراءة والكتابة والإملاء.

🎯 المجموعة 47
منظومة تدريبية عملية هدفها إنك تخرج من البرنامج مش بس فاهم… لكن قادر تطبّق.

📚 16 محاضرة
💻 أونلاين تفاعلي
🗓️ محاضرتان أسبوعيًا

من «مدرّس شاطر»
إلى «أخصائي محترف» يعرف يشتغل بأدوات، مش بالعشوائية.

🔥 المجموعة 47… بداية مختلفة للي عايز يتأهّل صح.
للتفاصيل اترك تعليق ب ( المجموعة 47)

#الباشمعلم

مش كل كتاب بيتطبع مرة تانية…
في كتب الطبعة الثانية منها بتكون شهادة على ثقة الناس فيها. 🔥

📚 الباشمعلم للتأسيس القرائي والكتابي

الطبعة الثانية وصلت.

#الباشمعلم