أ/ على الشيخ - Mr Ali Elsheikh

01/06/2026

أجمل تكريم عندي هو تقدير الطلاب 😍
هنا وريتاج قمة الألتزم والاجتهاد ماشاء الله
فاجئوني في حصة المراجعه قبل الاخيره بالدرع الحلو ده
شكرًا على محبتكم وثقتكم، وربنا يجعلني دائمًا عند حسن ظنكم

20/05/2026

امتحان دراسات تانيه اعدادي انهارده 🔥

الامتحان مباشر لكن في اجزاء بين السطور لا تتناسب مع منهج ٢ اعدادي الطويييل
في اختلاف بين مستويات التلات نماذج
خريطة النموذج c افضل خريطه
قولولنا عملتوا ايه
وهنزل نماذج الاجابه عالجروب ال ف اول كومنت 😍

19/05/2026

✨ الحمدلله ✨
عملنا مجهود كبير جدا في المراجعات 📚🤍
خلصنا تانيه ثانوي وتانيه اعدادي فاضل ٣ ثانوي واعدادي
ربنا يتوج تعبنا ومجهودنا بالتوفيق والنجاح يارب 🙏✨
كان ترم مرهق فعلا..
بس الحمدلله ربنا يسر لنا الامور خطوة بخطوة 🤍
وبعتذر عن الرد المتأخر الفترة اللي فاتت
بسبب الانشغال بالمراجعات 🙏
وشكرا جدا على تقديركم وتفهمكم
سواء طلاب او اولياء امور 🤍
ربنا يسعدكم ويفرحكم بأعلى نتيجة يارب ✨📖

18/05/2026

امتحان اولى اعدادي انهارده دراسات 🚀
امتحان مباشر وسهل👌
نموذج الاجابه على الجروب في اول كومنت

15/05/2026

في مراجعاتنا دائما سابقين بخطوات 🔥❤️
منشن ٣ ثانوي 👌
وبصوا على اول كومنت✨

15/05/2026

نواتج تعلم مهم ٣ ثانوي👌

15/05/2026

✅ أولاً: إيه الحلو في التكتل؟ (المميزات)
سوقنا بيكبر: بدل ما بتبيع منتجك لـ 10 مليون واحد في بلدك بس، بتبيعه لـ 100 مليون أو أكتر في كل دول التكتل! الإنتاج بيزيد والمكسب بيكبر.
وفر فلوسك (شيل الجمارك): البضاعة بتدخل وتخرج بين دول الشلة من غير جمارك، فالأسعار بتبقى أرخص للمواطن.
بنداري على عيوب بعض: اللي ناقص عندك تلاقيه عند جارك، واللي ناقص عنده ياخده منك. (دولة عندها تكنولوجيا، ودولة عندها مواد خام.. بيكملوا بعض).
الضهر والسند وقت الزنقة: لو حصلت أزمة أو نقص في أي حاجة، هتلاقي دول التكتل بتقف جنبك وتسندك بدل ما تتحوج لدول تانية برا الشلة وتفرض عليك شروطها.
صوتنا بيبقى مسموع: العالم بيحترم القوي. لما تتفاوض كدولة لوحدك غير لما تتفاوض كـ "تكتل كامل".. كلمتكم بتمشي ووزنكم السياسي بيكبر!
❌ ثانياً: إيه الوحش في التكتل؟ (السلبيات)
مفيش قرار من دماغك 100% (نقص السيادة): طالما دخلت الشلة، لازم تلتزم بقوانينهم. يعني متقدرش تاخد قرار اقتصادي مفاجئ أو تفرض جمرك بمزاجك من غير ما ترجع لباقي الدول.
الكبير ممكن ياكل الصغير: أحياناً الدول الغنية والقوية جوه التكتل هي اللي بتاخد كل الفوايد لنفسها، والدول الضعيفة بتتحول لمجرد "زبون" بيشتري منتجاتهم وبس.
ابن البلد ممكن يتظلم: لما البضاعة الأجنبية (بتاعة دول التكتل) تدخل بلدك من غير جمارك، ممكن تكون جودتها أعلى وسعرها أرخص.. ساعتها المصانع المحلية بتاعتك ممكن متقدرش تنافس وتقفل.
يا نعيش عيشة فل.. يا نغرق إحنا الكل: لو دولة كبيرة في التكتل اقتصادها وقع أو حصلها مصيبة، للأسف بتشد باقي دول التكتل معاها لتحت.
💡 الخلاصة في سطرين:
التكتل الاقتصادي بيديك قوة وفلوس وسند، بس في المقابل بتتنازل عن جزء من حريتك في اتخاذ القرار، ولازم تكون قد المنافسة عشان مصانعك متقفلش!

10/05/2026

ف زيارته لمصر ماكرون رئيس فرنسا يحجز عندي لأبنه فالدرس مجموعة الساعه ٣ اول صف 😂🔥

04/05/2026