The Dove in English

11/10/2025

Prim 2 September Top Spellers🌟

13/08/2025

@أبرز المعجبين

15/07/2025

🔴 خلاصة التغييرات في العام الدراسي الجديد:

= مناهج مادة العربي من رياض الأطفال لحد 2 إعدادي كلها اتغيرت واتطورت..
وده معناه إن منهج العربي لـ 3 إعدادي و أولى وتانية وتالتة ثانوي كما هو، مفيهوش تغيير

= كتب التربية الدينية اتغيرت، وده معناه إن مناهج الدين كلها، لجميع الصفوف اتعدلت.. وخد بالك السنة الجاية النجاح في الدين لازم الطالب يجيب 70% من درجة المادة يا إما هيسقط.

= كتب مادة الدراسات الاجتماعية لـ رابعة وخامسة وسادسة ابتدائي اتغيرت واتعدلت وبقى فيه مناهج جديدة..

= إنجليزي السنة اللي فاتت مش هتلاقيه في السنة الجديدة.. الكتب اتغيرت والمنهج اتعدل.. وعلى الكل.

= المواد المضافة للمجموع في أولى وتانية وتالتة ابتدائي في العام الدراسي الجديد: عربي - رياضيات – إنجليزي، وشكرا.. أي مادة غير كدة مش مضافة.

= المواد المضافة للمجموع في رابعة وخامسة وسادسة ابتدائية في العام الدراسي الجديد: عربي - رياضيات – إنجليزي - علوم – دراسات، وشكرا.. وأي مادة غير كدة مش مضافة.

= مادة الديسكفري(اكتشف) في أولى وتانية وتالتة ابتدائي بقت مادة نشاط.

= مادة تكنولوجيا المعلومات في رابعة وخامسة وسادسة ابتدائي خارج المجموع والطالب هياخدها كل أسبوع حصة واحدة.

= حصص الدين هتزيد لكل الطلبة..

= المناهج الجديدة متوازنة، لا هي تقيلة ولا خفيفة 🙏

05/07/2025

رسوم اختبار القدرات الواحد للكليات أصبح 800 جنيه يسدد عن طريق خدمات الدفع الالكتروني🤔

03/07/2025

اقرأ_باهتمام
علشان الناس تبقى فاهمة.. إيه قانون التعليم اللي بيناقشوه في البرلمان وعليه خناقة مع الحكومة:

= الحكومة عايزة الثانوية تكون مرحلة تعليمية إلزامية.. يعني الطالب لازم ياخدها.. والتعليم الإلزامي كان لحد 3 إعدادي بس.. يعني كدة محدش هيشتغل بالإعدادية.. والأسرة اللي ابنها هيسيب التعليم قبل ما ياخد المرحلة الثانوية (ثانوية عامة ولا فنية ولا تكنولوجية) يبقى ارتكب مخالفة القانون، لأن ابنه اتسرب من التعليم الإلزامي.

= الدين هيفضل خارج المجموع في كل الصفوف الدراسية بس لازم الطالب يجيب 70% من درجة المادة علشان ينجح غير كدة يبقى راسب.

= اللغة العربية والتاريخ الوطني هيكونوا مادتين أساسيتين في جميع المراحل التعليمية.. لازم الطالب يدرسهم في أي مدرسة على أرض مصر حتى لو كانت دولية.

= الحكومة عايزة تعمل برامج تعليمية جديدة في المدارس (من غير ما تقول دي إيه ولا شكلها إيه ولا تفاصيلها إيه). وعاملة رسوم ليها ١٠٠٠ جنيه في السنة.

= الحكومة عايزة تعمل برامج عبارة عن نظم دراسية متكاملة زي الثانوية العامة أو الثانوية التكنولوجية ويبقى ليها اسم خاص بيها (من غير ما تقول إيه البرامج دي وشكلها إيه ولا هتبقى عاملة ازاي). الرسوم ألف جنيه والتحسين في المادة ٥٠٠ جنيه.

= الحكومة عايزة تخلي 20% من درجة الطالب في 3 إعدادي لأعمال السنة والحضور للمدرسة علشان تزود حضور الطلاب.

= الحكومة عايزة البرلمان يوافق لوزير التعليم إنه يحط شروط خاصة بإعادة السنة والمواد المسموح بالإعادة فيها ويحط رسوم الإعادة (من 200 جنيه لحد 2000 جنيه).

= الحكومة عاملة رسوم من ألف وتزيد عن كدة لصفوف الثانوية.. عامة وتكنولوجية. ورسوم تانية للتحسين.. ورسوم لإعادة السنة.

= الحكومة عايزة البرلمان يدي موافقة مستمرة لوزير التعليم (زي تفويض كدة) إنه يعمل نظام ثانوية عامة بالشعب والتخصصات والمواد بدون ما يرجع للبرلمان بعد كدة في أي وقت سواء شال حاجة أو حط حاجة.. المهم ياخد موافقة المجلس الأعلى للتعليم قبل الجامعي والمجلس الأعلى للجامعات.

= بيقولك: تتكون مقررات الدراسة في التعليم الثانوي العام من مواد عامة أساسية، ومواد تخصصية اختيارية، طبقا للأقسام والشعب التي يصدر بها قرار من وزير التربية والتعليم بعد موافقة المجلس الأعلى للتعليم قبل الجامعي، والمجلس الأعلى للجامعات.

= طب إيه المواد العامة دي.. الحكومة مقالتش.. طب إيه التخصصات مقالتش.. طب إيه الشعب مقالتش.. طب إيه شكل الثانوية وهتبقى عاملة ازاي مقالتش.. طب البرلمان من حقه يتدخل بعد كدة.. لأ.. لو وافق على المادة دي كدة البرلمان يخرج من الليلة دي وشكرا على كدة.

= الحكومة هتلغي أي تعليم فني عادي وتخليه كله تكنولوجي (دي أنا موافق عليها جدا). لأن نصوص القانون الخاصة بالتعليم الفني هتلغي أي تخصص فني قديم ويبقى التخصصات الجديدة كلها مرتبطة بسوق العمل.. يعني أي تخصص فني بعد كدة يبقى له وظيفة.. والطالب يدخل جامعات وكليات تكنولوجية.

= المهم ياسيدي باقي المواد بقى مش واضحة ولا مكتوبة كويس والوزير – أي وزير بقى حاليا أو مستقبلا- واخد صلاحيات كبيرة يعمل اللي هو عايزة في التعليم.

= المهم أغلب أعضاء لجنة التعليم في البرلمان رافضين كدة وبيقولك: مش هيحصل، تقولولنا هتعملوا إيه بالظبط ويكون لمجلس النواب كلمة دي الوقت وبعد كدة.. ويا كدة يا مش هنوافق.. يا تعدلوا النصوص دي وتبقى واضحة، يا مفيش موافقة.

= النهاردة رئيس مجلس النواب اعترض علانية على طريقة صياغة مشروع قانون التعليم المقدم للبرلمان.. وسأل ممثل الحكومة: انت قرأت الكلام كويس وشفت هو مطابق للدستور ولا لأ؟. ملاحظتش حاجة في صياغة مواد القانون؟.

= حرفيا.. فيه مواد فيها شبهة عدم دستورية واضحة وده اللي السبب إنه يتشكل لجنة لإعادة صياغة التعديلات دي كلها بعد ما أغلب نواب لجنة التعليم رفضوا بشكل قاطع.

= باختصار: القصة مش قصة وزير تعليم حالي.. القصة قصة قانون بيتعمل علشان يعيش سنين قدام ومينفعش يتفصل قانون على مقاس حكومة معينة.. ومشروع قانون التعليم بالشكل ده مش هيعدي بالساهل.. كفاية إنه بيمس 26 مليون طالب بخلاف أهاليهم.. يعني بنتكلم في مصر كلها.. وأي قانون كوم، والقانون ده كوم لوحده.

البوست ده علشان تفهم عايزين إيه الخناقة اللي بين الحكومة والبرلمان بسبب قانون التعليم.

27/06/2025

📍عايز تشتغل كورس جرامر في وقت قصير👇
📍كورس جرامر جامع الأساسيات بألوان محببة للطفل بسعر مميز💥
- ملحق بالكتاب فونكس للأصوات القصيرة لتحسين النطق و ملحق الكتابة الإيجابية لتحسين الخط
📍متاح الآن المستوى الأول من كورس الجرامر بإسم و رقم المعلم
#للتفاصيل: يرجى التواصل واتس:
01281887837

24/01/2025

2
Demonstrative Pronouns 👇

04/10/2024

16/09/2024

📍مواعيد حضور الطلاب في أول أسبوع 🗓️

06/09/2024

📍إدارة كفر الزيات التعليمية