11/01/2026
البداية ⚡
كلنا كبشر بنحب البداية كحالة أو كفكرة لكن بنكرهها كقرار
بنكره البداية كقرار علشان فاكرين أننا محتاجين تجهيز كتير جدا قبله، لكن الحقيقة إن التجهيز بييجي بعد البداية مش قبلها لإن الجاهزية بتظهر و بتتحقق بعد البداية و عمرها ما بتتحقق قبلها مهما حاولنا ✅
أحنا مش بنخاف من البداية لكن بنخاف اننا هنتحول لنسخة جديدة من نفسنا بتغلط و بتضّغط و بتحاول و بتيأس 🤦🏼♂️
لكن لازم نفهم أن أكتر ناس نجحت هي أكتر ناس غلطت و أكتر ناس عندها ثقة في نفسها هي أكتر ناس أتوترت و خافت و أكتر ناس سبقت هي أكتر ناس خدت قرارات إنها تبتدي 🔋
أنت مش محتاج وقت أكتر أنت محتاج مشتتات أقل ⏲
مشكلة البداية معاك المرة دي هي إرتباطها بمحاولات كتير فشلت قبل كدة، لكن مجرد إدراكك لأسباب الفشل دة كفيل إنه يخلي البداية المرة دي غير أي بداية قبل كدة 💫
و أخيرا، في ناس بيستكترو علي نفسهم الإنجاز، بيستغربو وضوح الطريق، عندهم مشكلة لكل حل و مش بيتطمنو من كتر ما قلقو، مش بيشوفو نفسهم غير و هم ندمانين إما عشان تأخر البداية أو فشل المحاولة، اوعي تكون واحد منهم ❤
