مركز القماش للقياده السيارات بالغردقه

السلام عليكم التوصل علي الرقم 01222230143 فون
واتس 01090560640

⛔ لو بتسوق الاوتوماتيك ... لازم تعرف شوية حاجات

أول حاجة هنتكلم على الرموز الاساسية اللى بنشوفها فى الفتيس

الـ P يعنى Park دة اللى بتوقف بية العربية
الـ R يعنى Reverse دى اللى بيخلى العربية ترجع لورا
مارشدير يعنى
الـ N يعنى Neutral وضع التمووير ... الموور يعنى
الـ D يعنى Drive وضع السواقة او المشى بالعربية

1 - لازم تبقى عارف أن العربية فى الاوتو مش هتدور
على الـ D ولا هتدور على الـ R لانة بـ اختصار ال D و ال R بيفصلو كهربة عن المارش تماما و مش هيخلى العربية تدور نهائى

2 - و أنت واقف فى أشارة هات الـ N اللى هو المور عشان تريح تروس الفتيس و متلفش على الفاضى و تبقى العربية عايزة تطلع
و انت ماسكها فرامل

3 - و أنت بتجيب الـ D أو الـ R خلى رجلك على الفرامل لانك لو جبت حاجة منغير فرامل هتلاقى العربية مشيت
منغير ما تدوس بنزين لان التروس اتحركت و حركت العربية معاها ...

4 - مينفعش تنقل من نقلة لـ نقلة و العربية ماشية حتى لو ماشية على سرعة 5 كم يعنى مينفعش مثلا و انت بتطلع من ركنة و جايب ال D و العربية لسة براحة اوى اهى و بتطلع من الركنة تروح جايب ال R عشان تعدل نفسك و تطلع
لا انت كدة بدمر تروس الفتيس مع الوقت لازم العربية تقف
و تروح جاى ناقل من الـ D و الـ R و العكس

5 - نيجى بقى للـ الاوضاع التانية و هى الـ L و الـ 2 و الـ 3
الـ L هو الغيار الاولانى و دة الناس بتستخدمة فى المطالع الجامدة لانة بيدى عزم شديد على سرعة قليلة بس خد بالك مينفعش تكون ماشى 60 ولا 80 و تروح جايب الـ L هتكسر الفتيس كدة اخرك 30 بالكتير تجيب الـ L عليها

الـ 2 و دة الغيار التانى و الاول مع بعض بيسمح للعربية تننقل بينهم
الـ 3 و دة الغيار الاول و التانى و التالت فقط مش بتنقل للرابع
ممكن عادى و انت ماشى على الـ L او ال 2 او ال 3 تجيب ال D مرة واحدة عادى لانة دة شغال على جميع النقلات ف اى وقت عادى

6 - خلي بالك لو عايز تحافظ على فتيس عربيتك
و انت بتركن او بتقف بالعربية
متروحش جايب ال P مرة واحدة و متشدش الهاند
او تجيب ال P و تشد الهاند بعدها

الوقفة الصح بالفتيس الاوتو هو انك خلاص هتبطل اهو و تنزل من العربية ركز بقى معايا

تروح دايس فرامل و تجيب الـ N و ترفع الهاند و بعد كدة
تجيب ال P
3خطوات ... من الشمال لليمين

N > Hand Break > P

انت بكدة حملت على الهاند بريك و اللى وظيفتها توقف العرب

بوست توعية عن أهمية تعليم القيادة الآمنة 🚗💡
القيادة الآمنة مش مجرد مهارة، دي مسئولية! 🛣️ تعليم القيادة الآمنة بيحمي حياتك وحياة الآخرين. إليك ليه التعليم ده مهم:
1️⃣ السلامة أولوية: تعلم القيادة الآمنة بيقلل حوادث الطرق ويحافظ على الأرواح. 2️⃣ فهم القوانين: معرفة قواعد المرور بتساعدك تتجنب المخالفات والمواقف الخطرة. 3️⃣ التعامل مع الطوارئ: التدريب الجيد بيجهزك لمواجهة المواقف المفاجئة زي الأعطال أو الظروف الجوية. 4️⃣ احترام الآخرين: القيادة الآمنة بتعزز الاحترام المتبادل بين السائقين والمشاة. 5️⃣ توفير الوقت والمال: تقليل الحوادث يعني تقليل التكاليف والإصلاحات.
📢 خليك سائق واعي:
التزم بالسرعة القانونية. 🚦
تجنب استخدام الموبايل أثناء القيادة. 📴
اربط حزام الأمان دايمًا. 🛡️
احترم إشارات المرور والمشاة. 🚸
💡 القيادة الآمنة تبدأ منك! وخلّي الطريق أمان للجميع. 💪

#ثقه #أمان #هدوء

تهنئه من مركز القماش للتعليم القياده......
‏
اللهم أجعله عيد سعيدا علي الجميع🙏♥️كل عام وحضرتكم بخير وسعاده.... معا ودائما مركز القماش للتعليم القياده.....

شـوية نصايح جديدة

1 - متغسلش موتور العربية
بالماية لان ضغطها بيبقى شديد جدا على السلوك و الوصلات و كمان ممكن تعملك قفلة فى العربية او تهييسلك كارتة الكومبيوتر
او تعملك ماس لما تيجى تدور و الموتور يولع منك بعد الشر ..
و كمان متغسلوش بالجاز لانة بيخش ياكل السلوك اللى جوة مع الوقت 😃
غسلة الموتور الصح > تنضيف بالهوا الجامد فقط و فوطة مندية
( شبة مبلولة ) و تنضف بية الاجزاء الخارجية وجهة الموتور يعنى
2 - لو الفرامل بتحجر معاك يبقى السيرفو عاوز يتغير و لو مشوار دواسة الفرامل بقى قليل يبقى برضة السيرفو عاوز يتغير ...
3 - لو سمعت صوت طقطقة فى الملفات يبقى كبالن عاوزة تتغير
4 - لو بتيجى تدوس فرامل تلاقى الدريسكيون بيتهز منك يبقى عاوز ظبط زوايا و لو عملت ظبط زوايا و المشكلة لسة موجودة يبقى طنابير
5 - لو قربة الماية او الماية اللى فى الريداتير لاقيتها بتغلى يبقى دخل هوا للحاجات دى و سبب الغليان

6 - سيب مسافة امان بينك و بين اللى قدامك عشان تكون جاهز عشان تفادى اى حاجة مفأجأة بس متبقاش تزعل من الع*ق اللى هيعمل غرزة عليك 😃✋
7 - متخليش ابنك او بنتك الصغيرين يطلعوا ايديهم من شباك العربية بدل ما واحد يكون بياخد غرزة و يجبلك جنب عربيتك ب ايد ابنك 😔 ( ملهاش لزمة ) الحرص حلو .. او تكون واقف فى زحمة و تحشر ايد ابنك فى جنب عربية تانية
8 - لو العربية سحبها ضعيف معاك يبقى تغير فلتر الهوا و البنزين و تنضف البوابة و تحطلها تفويلة 95

9 - كل اسبوع روح كدة شوف ضغط الهوا فى الكاوتش اكسب عمر الكاوتش بجوز جنيهات ياعم و مش الكاوتش بس كمان عشان الثبات و اداء الفرامل
بس اهم حاجة يكون الكاوتش بارد

10 - سخن العربية الصبح عن مدة لا تقل عن 30 ثانية و متزيدش عن دقيقة

11 - مع كل تربيطة عفشة اللى لازم تعملها كل 10 الاف - 12 الف ربط البطاحات ضرورى معاها لان دى هى اللى ماسكالك المساعدين

12 - لو هتسافر و طالع حاجة صحراوى كدة ..
خلى معاك فلوس بزيادة لاى حاجة طارئة و كشاف عشان تنور بية و باكو لبان و CD علية قران عشان لو ابتديت تحس انك بتنام تشغلة و تعلية و الاحسن انك تكون نايم كويس قبل ما تسافر
13 - خلى ديما معاك أستبن و بلاش تشيلة من العربية و يكون سليم عشان ممكن تحتاجة فى اى لحظة

14 - كل شهر اعمل Check على جميع سوايل العربية من ماية قربة و ريداتير و مساحات و زيت ياكم و قياس زيت

و الاهم من كل دة يك

1-عندما تقود سيارة ذات ناقل الحركة الأوتوماتيكي فلا تحول إلى P قبل التوقف التام ! يجب تبديل ناقل الحركة الى وضع P بسلاسة وهدوء فقط عندما تتوقف السيارة بالكامل، وذلك لتجنب المشاكل. إذ قد يتلف دبوس التأمين بحال تحريك عصا الترس في حالة الحركة، وهو الأداة الذي يقفل ناقل الحركة الأوتوماتيكي ليمنعه من الانتقال إلى الأمام أو إلى الخلف.

2- لا تستخدم P عند اشارات المرور ابتعد عن فكرة الاكثار من تغيير ناقل الحركة الى الـ "P" بشكل مستمر لاسيما في اشارات المرور. ومن الأفضل أيضا عدم وضع الترس على P عند تقاطع إشارات السير وذلك لأهداف تتعلق بالسلامة العامة.
فإذا انتقل الضوء إلى اللون الأخضر، من السهل الانتقال من N (الحياد) إلى D (التحرك) بسلاسة وسهولة
بدل الحاجة إلى المرور بـR (الاتجاه العكسي) وN قبل الوصول إلى D، وبذلك يتم تجنب الأخطاء البديهية التي تحصل سهوة كالانطلاق قدما مع وضع الترس على R أو N، وهنا الكارثة.

3- أثناء محاولة ركن السيارة، يميل السائق عادة إلى تغيير التروس سريعا وتباعا من D إلى R أو العكس بينما لا تزال السيارة تتحرك. توقف عن هذه العادة فورا! لا يجب أبدا تبديل التروس قبل التوقف الكامل للسيارة لأنك بذلك سوف تقضي مع الوقت على جهاز transmission الخاص بك. فإذا كنت ترغب في التحول من D إلى R أو العكس، عليك الانتظار حتى تتوقف السيارة عن الحركة كليا.

4- يقولون أن وضع ناقل الحركة على N أثناء التوقف يساهم في ترشيد استهلاك الوقود، وفي حين ان ذلك الامر قد يكون صحيحا من الأفضل عدم اللجوء إلى هذه العادة. السبب الرئيسي لتجنبها هو فقدان السيطرة الكاملة على السيارة عند N، فيما يمكنك التحكم بطريقة أفضل عند D. وتجدر الإشارة إلى أن المحركات الأوتوماتيكية الحديثة لم يعد استهلاكها مثل قبل بل باتت فعالة في استهلاك الوقود حتى لو أبقيت التروس على D عند توقيف السيارة ...

6-لا يجب أن يننقل الحركة من N واعادتها الى D فيما تسير السيارة بسرعة أكثر من 20 كلم/ساعة قد يسبب مشكلة حقيقية مع الوقت.

7- عندما تكون السيارة على وضع N، لا تضغط على دواسة البنزين أولا ثم تقوم بتبديل ناقل الحركة الى D لتنطلق السيارة بشكل سريع. هذا خطر جدا على كافة تفاصيل علبة التروس..

🫵🏻🫵🏻💪🏻💪🏻💪🏻💪🏻💪🏻💪🏻💪🏻🌹🌹🌹

أنواع أنظمة التوجيه في السيارات.

1- التوجيه الميكانيكي.
وهو نظام يعتمد على التوصيل الميكانيكي المباشر بين عجلة القيادة والعجلات الأمامية دون أي دعم هيدروليكي أو كهربائي.

2- التوجيه الهيدروليكي.
يعتمد على مضخة هيدروليكية تساعد في تقليل الجهد المطلوب من السائق لتدوير عجلة القيادة، ويُعد شائعًا في السيارات التقليدية.

3- التوجيه الكهرو هيدروليكي.
هو نظام هجين يستخدم محركًا كهربائيًا لتشغيل المضخة الهيدروليكية بدلاً من الاعتماد على المحرك الميكانيكي للسيارة.

4- التوجيه الكهربائي.
يُعتبر من الأنظمة الحديثة، حيث يُستخدم محرك كهربائي بالكامل لدعم حركة التوجيه دون أي مكونات هيدروليكية، ويوفر دقة وكفاءة أعلى.