اسس طفلك صح Mis Asmaa

التأسيس محتاج وقت + طول بال+ تكرار + ممارسة ف البيت
اى خلل ف بند منهم هياثر على الطفل👌

أحلى حاجة في سن التأسيس إن كل يوم فيه تطور جديد ✨
حرف جديد، رقم جديد، وثقة بتكبر يوم بعد يوم 🤍

في ناس كتير مش عارفة خطوات عمل طفل ناجح في المنزل أو عارفة بس عاملين مش واخدين بالهم منها عايزين تلتزموا بيها حرين مش عايزين أحرار برضو.

الإلتزام بالحصص ، و نبطل الأسطوانة الحمضانة بتاعة عشان الفلوس و مش الفلوس بلاش شماعات
مستحيل تلاقي طالب بيتأسس و بيحضر كل حصصه و خايب و مابيعرفش يقرأ و يكتب على الأقل بنسبة ٦٠٪
مصلحتك أولا ما يغيبش إلا للشديد القوي قوي يعني و نعرف خد ايه مش خلاص غاب بركة و ريحنا ، مفيش تأجيل ، ولي الأمر اللي بيأجل كتير أنا بعتذر منه على طول ، تضييع وقت و مجهود في الأرض و الذاكرة أصلا بايظة لوحدها.

لازم أسأل ابني أو بنتي خدت ايه فهمت ايه و مش عيب اذاكر معاهم يعني ده مسؤوليتك في الأول و في الآخر المدرس ما عليه إلا التلقين و التثبيت بالتكرار منكم أنتم الاتنين ، في طلبة ما شاء الله مش بتحتاج بس نراعي إن في فروق فردية و كل طالب غير التاني.

يكتب الواجب ، أهم حاجة الواجب يحبه و يلتزم به تقيل خفيف يلتزم به ده بيخلق عنده مسؤولية هترتاحي منه بعدين في الأول بيكون صغير و لعبي و يضيع في الوقت
إن شاء الله يقعد خمس ساعات في الصفحة المهم يخلص كده هيعرف إن مفيش مفر

الإلتزام بالمواعيد و كتابة الواجب و المراجعة بإستمرار و الاهتمام ، نسمع نصائح المعلم لأنه زي الطبيب بالظبط بيوصف حالة ابنك
يعني لما أقول فهمه بطيئ مش بشتمه بالعكس يعني محتاج وقته مالكش دعوة بفلان و فلان في طالب ممكن يتأسس في سنة و في اتنين و تلاتة و أربعة

ايه يعني طالما في مصلحته و في الآخر هيكون كويس خلاص

و اي نصيحة تحبوا تقدموها قولوها

ربنا يوفق الجميع

بالنسبة للمدرسين لو مش هتقدر تلتزم بمواعيدك أعتذر و ماتضيعش وقت الطالب