HNU FCSIT Student Union

22/01/2026

زيارة معرض الكتاب 2026🤍✨️

في إطار دعم الأنشطة الثقافية،تُعلن جامعة حلوان الأهلية
وتحت إشراف إدارة رعاية الطلاب، وبالتعاون مع اتحاد الطلاب وأسرة من أجل مصر،عن تنظيم زيارة ثقافية رسمية إلى معرض القاهرة الدولي للكتاب.

🗓 موعد الزيارة:
📆 الأربعاء 28 / 1 / 2026

⚠️ تنويه هام:
▪️ الحجز من خلال رابط التسجيل
▪️ تأكيد الحجز يتم من خلال إدارة رعاية الطلاب بالمبنى الإداري
▪️ العدد محدود
▪️ يتم القبول بأسبقية التسجيل

🔗 للتسجيل:
[ https://forms.office.com/Pages/ResponsePage.aspx?id=DQSIkWdsW0yxEjajBLZtrQAAAAAAAAAAAAN__j1J2ihUQUJWU1RYMkU5RjhFUFE3T0dCTFMxMjFYWC4u ]

22/01/2026

إلى كل محبي الجوالة 🤍✨️

✨ يعني إيه جوّالة؟
الجوالة مرحلة من مراحل الحركة الكشفية، موجهة للشباب والبنات اللي حابين يعتمدوا على نفسهم، يطوّروا شخصيتهم، ويكون ليهم تأثير حقيقي في مجتمعهم 💪🌍
الجوالة مش مجرد نشاط… دي أسلوب حياة.
🌱 بنعمل إيه في الجوالة؟
أنشطة كشفية، مغامرات، ورحلات ممتعة
خدمة مجتمع ومبادرات تطوعية مؤثرة
تنمية مهارات القيادة والعمل بروح الفريق
تدريبات إسعافات أولية، تخييم، وحياة الخلاء
صداقات حقيقية وذكريات عمرها ما بتتنسي

💚 يعني إيه عشيرة؟
العشيرة هي قلب الجوالة ❤️
مجموعة من الناس شبهك، بتفكر زيك، وبتقف جنبك
نخطط سوا، ننجح سوا، ونتعلّم من بعض
العشيرة مش فريق وبس

💚 ليه تنضم للجوالة؟
هتتعلم تعتمد على نفسك
هتشارك في حاجة ليها معنى وقيمة
هتحس إنك جزء من مجتمع بيغيّر للأفضل
وهتكتشف قدرات في نفسك ما كنتش تعرف إنها موجودة ✨
لو بتدور على تجربة مختلفة، صحبة جميلة، وتأثير حقيقي…
الجوالة مستنياك 🏕️⚜️

https://chat.whatsapp.com/KKWP0H0tV7hAPMSzNf8ZXF

آمين لجنة الجوالة و الخدمة العامة : سهي سيد

06/01/2026

يتشرف اتحاد طلاب كلية علوم الحاسب وتكنولوجيا المعلومات – جامعة حلوان الأهلية
بتقديم أسمى آيات التهاني وأطيب الأمنيات لإخواتنا الأقباط
بمناسبة عيد الميلاد المجيد🤍 🕊
سائلين الله أن يعيده عليكم وعلى مصرنا الحبيبة بالخير والمحبة والسلام،
وأن يديم بيننا روح الأخوة والمحبة 🤍🫂

كل عام وأنتم بخير 🌟🎄

04/01/2026

بسم الله الرحمن الرحيم
﴿يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي﴾ صدق الله العظيم

بمزيد من الحزن والأسى،
ينعي اتحاد طلاب كلية علوم الحاسب وتكنولوجيا المعلومات

وفاة الاخ والصديق المغفور له بإذن الله
أحمد ماهر بالفرقة الثانية بكلية العلاج الطبيعي،
وذلك أثر حادث أليم.

نسأل الله تعالى أن يجعله من الشهداء عنده، وأن يتغمده بواسع رحمته، ويسكنه فسيح جناته،
وأن يلهم أهله وذويه الصبر والسلوان.
وإنا لله وإنا إليه راجعون.

11/12/2025

✨ TECH SHARE SUMMIT ✨

اختُتمت الفعاليات بنجاح كبير، وبحضور نخبة من المتخصصين الذين قدّموا للطلاب رؤى واضحة وخبرات عملية أثرت المحتوى ووسّعت آفاق الطلاب، وساهمت في تعزيز فهمهم لمساراتهم الأكاديمية والمهنية.

نتقدّم بخالص الشكر والتقدير لضيوفنا الكرام، ولفريق 180 Daraga على دعمهم وجهودهم المميزة في إنجاح هذا الحدث.

ضيوفنا الكرام:
🔹 الدكتورة سلوى أسامة
🔹 المهندس أيمن أبو خليفة
🔹 المهندس محمد عمرو

وقد تناولت فعاليات السامِت عددًا من المحاور الجوهرية، شملت:

● أساليب فعّالة لتنظيم الوقت والمذاكرة الذكية

● آليات اختيار التخصص المناسب لكل طالب

● الخطوات الأساسية للبدء في مسار الـ Full Stack Development

● تطوير مهارات الـ Problem Solving بما يؤهل للمشاركة في مسابقات كبرى مثل ECPC

● خارطة طريق واضحة للبدء في المسار المهني بعد التخرج

ختامًا، نثمّن مشاركتهم القيمة ودورهم في تقديم يوم غني بالمعرفة والإلهام للطلاب.
✨ ونتطلع لرؤيتكم في فعاليات قادمة بنفس الزخم والتميّز.

09/12/2025

في عالم الـ Web Development… دايمًا بنشوف مشاريع قوية، مواقع بتتبني باحتراف، وكود نظيف بيحقق أداء عالي. لكن ورا كل ده فيه قصة، فيه مطوّر بدأ من الصفر، وطوّر مهاراته لحد ما بقى من أقوى الأسماء في مجال الـ Laravel والـ Open Source!

🎯 آخر ضيوفنا في الـ TECH SHARE SUMMIT وهو المهندس Mohammed Amr، واحد من المطورين اللي قدرت رحلتهم تثبت إن الشغف بالتعلم والتطوير المستمر بيقدر يفتح أبواب كبيرة جدًا.

من مطوّر بيبني أول مشروع… لمدرّس بيأثر في مئات الطلبة… لمؤسس أكاديمية كاملة بتدعم الشباب وتعلمهم البرمجة من المصدر الصحيح!

وفي الجلسة دي هنتعرف على:

● إزاي قدر يوصل لمستوى Senior Laravel Developer؟ وإيه أهم المهارات اللي بنى عليها طريقه؟

● تجربته كمحاضر Open Source في الـ ITI… وإزاي بينقل خبرته للطلاب بطريقة عملية؟

● دوره كرئيس لمدربي الـ Full-Stack سابقًا في AMIT Learning… وإزاي التجربة دي شكلت مساره المهني؟

● تجربة تأسيس Itrax Academy… وليه قرر يبدأ بيها؟ وإزاي بتأثر في المجتمع التقني؟

● نصايحه لأي حد عايز يبدأ في Laravel أو Web Development بشكل احترافي.

🚀 نبذة عن محمد عمرو:
🔹 Senior Laravel Developer
🔹 Open Source Instructor at ITI
🔹 Former Head of Full-Stack Instructors at AMIT Learning
🔹 Founder of Itrax Academy

💡 لو عايز تعرف الطريق الحقيقي لبناء كاريير قوي في الـ Web Development… فالجلسة دي هي فرصتك!

📅 الأربعاء
⏰ 10:00 صباحًا
📍 مبنى B – مدرج 1

09/12/2025

كلنا سمعنا عن الذكاء الاصطناعي والـ Machine Learning، لكن… هل عمرك فكرت إزاي بدأ المجال ده؟ أو إزاي الباحثين والخبراء وصلوا لمكانهم الحالي؟ وإزاي قدروا يربطوا بين البحث العلمي والتطبيق العملي لحد ما بقوا رواد في تخصصاتهم؟

🎯 ضيفتنا الثالثة في الـ TECH SHARE SUMMIT هي الدكتورة سلوى أسامة، واحدة من أبرز المتخصصين في علوم الحاسب والذكاء الاصطناعي، واللي قدرت تقدم رحلة ملهمة جمعت بين الدراسة العميقة، والتدريس، وإلهام شباب كتير .

من باحثة بتبدأ أول خطواتها… لمدرّسة ودكتورة وخبيرة لها دور قوي في تدريب وتأهيل جيل جديد من المبرمجين والمهندسين في واحد من أهم المؤسسات في مصر وهي ITI.

ومن خلال اللقاء ده هنقدر نعرف ونتعلم:

● إزاي تبدأ وازاي تذاكر صح إزاي تجمع بين التعليم النظري والعملي؟

● إزاي تقدر تجمع بين الدراسة الأكاديمية و تستغل المشاريع العلمية؟

● إزاي الدكتور بدأ رحلتها في مجال صعب زي ال Machine Learning ؟

● إزاي تبدأ كورسات من خلال ITI وأهميتها وإزاي اختار الكورسات المناسبة ليا؟

● هل مستقبل الذكاء الاصطناعي بيحتاج طريق واضح من البداية؟ ولا أي حد يقدر يبدأ ويتطور؟

● نصايحها للطلاب اللي حابين يدخلوا عالم الـ AI والـ Robotics بشكل احترافي.

🚀 نبذة عن د. سلوى أسامة:
🔹 Ph.D. & M,Sc in Computer Science – Helwan University
🔹 Instructor at the Information Technology Institute (ITI) for 8+ years
🔹 Program Coordinator for the Robotics Program – Helwan National University

💡 اسمع من شخصية جمعت بين الشغف، الخبرة، والبحث العلمي… شخصية ساهمت في بناء عقول وبداية مسارات مهنية لطلاب كتير!

📅 غدا الأربعاء
⏰ 10:00 صباحًا
📍 مبنى B – مدرج 1

09/12/2025

كلنا سمعنا عن مسابقات البرمجة، لكن … هل فكرت في يوم إزاي المتسابقين الكبار بيبدأوا؟ إزاي بيتحولوا من مبتدئين عندهم شغف لحل المشاكل، لحد ما يكونوا بين أقوى الفرق المتنافسة؟

🎯 ضيفنا الثاني في الـ TECH SHARE SUMMIT هو المهندس عبدالعليم أحمد، اللي بدأ رحلته من الصفر، واتنقل من مسابقة للتانية لحد ما وصل للنهائيات وقدر يكسب!

من طالب عنده فضول … لمتسابق قدر يحجز مكانه وسط الأفضل في ECPC، ACPC، وأكبر ساحة للمنافسة في Problem Solving!

ومن خلال الـ TECH SHARE SUMMIT هنقدر نعرف ونتعلم:
1. إزاي قدر يوصل لنهائيات الـICPC؟ وهل كان عنده خطة واضحة من البداية؟
2. لما كان بينافس في الـ ECPC على مدار سنتين، إيه أكتر تحدي واجهة، وإزاي قدر يتغلب عليه؟
3. إزاي الـProblem Solving ساعدته في شغله كـ Software Engineer في Noon؟
4. هل بعد ما اشتغل في Bld.ai و Noon … الشركات الكبيرة فعلًا بتشوف Problem Solving كعامل أساسي في التوظيف؟
5. ⁠ هل أي حد يقدر يوصل لـ ICPC World Finals؟ ولا لازم يكون عنده مهارات معينة من البداية؟

> لو بتدور على الإجابات، فـ ده اللقاء اللي ماينفعش يفوتك!

🚀 نبذة عن عبدالعليم أحمد:
🔹 Software Engineer at Noon
🔹 ICPC World Finalist - 2024
🔹 ACPC Bronze Medalist - 2024
🔹 2 × Top 10 Finisher at ECPC
- 🥉 ECPC 2023 ( 9th place )
- 🥈 ECPC 2024 ( 7th place )
- Judge at ECPC & TCPC Finals - 2025

💡 اسمع من شخص كان في مكانك … وحقق اللي بيحلم بيه أي متسابق في المجال!

هنستناكم بكرة الأربعاء 10 ديسمبر .. الساعة 10 صباحًا
📍 مدرج 1 – مبنى كلية علوم الحاسب وتكنولوجيا المعلومات (مبنى ب) – جامعة حلوان الأهلية

09/12/2025

الطريق لتطوير مهاراتك البرمجية مش مجرد أكواد وحفظ، ده تحدي يومي، تجربة حقيقية، وممارسة مستمرة. الطريق ده محتاج صبر، تركيز، وتطبيق عملي مستمر عشان تشوف نتائج حقيقية.
● بكره هتتعلم من أول سبيكر معانا اللي هيشاركك خبراته العملية، هيجاوب على أسئلتك، ويخليك تشوف الطريق قدامك واضح من البداية، وتعرف إزاي تبدأ مشوارك في Full Stack Development بشكل صحيح، خطوة خطوة، وتتفادى الأخطاء اللي ممكن تضيع وقتك وجهدك. وكل ده هنقدر نعرفه من خلال المهندس أيمن أبو خليفة.

- Junior Full Stack Developer @ Phantasm Solutions

- Programming Instructor @ iSchool, Space G7, Execute Academy

● خلال السيشن دي هنقدر نعرف ونتعلم:

- إزاي تبدأ مشوارك في Full Stack Development خطوة خطوة

- المهارات المطلوبة لتكون مميز وسط المنافسة

- نصائح عملية لتعلم البرمجة بذكاء واستفادة أقصى من وقتك

- نصائح من تجربة حقيقية في سوق العمل والتدريب

> ليه تحضر السيشن دي؟
هتسمع من شخص بيشتغل عمليًا في المجال وبيدرّس الطلبة، هيشاركك خبراته الحقيقية ويجاوب على أسئلتك مباشرة، وده هيخليك تكون مستعد كويس لأي تحدي في مشوارك البرمجي.

هنستناكم يوم الأربعاء 10 ديسمبر .. الساعة 10 صباحًا

📍 مدرج 1 – مبنى كلية علوم الحاسب وتكنولوجيا المعلومات (مبنى ب) – جامعة حلوان الأهلية

دي انسب فرصة عشان تبدا طريقك في مجال Full Stack بشكل صحيح، وتستفيد من خبرات شخص عايش المجال فعلا.

09/12/2025

🔥 TECH SHARE SUMMIT🔥

جاهز تاخد خطوة مختلفة في دراستك ومستقبلك؟ 🚀
يوم واحد هيخليك تشوف الصورة كاملة عن طريقك واختياراتك من غير ارتباك أو تشتت 💡

📌 أول حاجة، هتعرف إزاي تذاكر بذكاء وتنظّم وقتك ⏰
هنغطي طرق عملية لتنظيم وقتك بين الدراسة والمشاريع، وإزاي تذاكر بطريقة تضمن فهم المعلومة مش مجرد حفظ، وكمان استراتيجيات لتجنب التشتت وزيادة الإنتاجية 📚✨

📌 بعد كده، نركز على النقطة المهمة لكل طالب:
اختيار التراك المناسب ليك 🎯
مش اللي الكل ماشي وراه، لكن اللي يناسبك فعلًا ويخليك تحبه وتبدع فيه ✨

📌 بعدين، مجال قوي ومطلوب:
Full Stack Development 💻
هتتعلم ازاي تبدأ، المهارات المطلوبة، والطريق اللي يخليك مميز وسط المنافسة 🌐

📌 وكمان، عالم ممتع لأي طالب نفسه يطوّر تفكيره:
Problem Solving 🧠
ازاي تبدأ خطوة خطوة وتوصل لمستوى يسمحلك تشارك في مسابقات قوية زي ECPC 🏆
وهتفهم ليه التفكير أهم من الحفظ، وليه الحل أهم من الكود.

📌 وأخيرًا، السؤال اللي كلنا بنسأله:
بعد التخرج هبدأ منين؟* 🎓
هنتكلم عن خطوات واضحة تساعدك تلاقي فرص بسهولة وتبني طريقك بثقة 🔥

📌 وبالمناسبة، هنتكلم كمان عن ITI والتراكات المختلفة اللي فيه، مميزاته، وإزاي ممكن تساعدك تختار التراك المناسب ليك وتستفيد منه في مستقبلك المهني 💻✨

📅 غدا الأربعاء
🕙 10 صباحًا
📍 مدرج 2

متفوتش اليوم ده…
وجودك مش مجرد حضور، وجودك بداية مختلفة فعلاً 💥

🔥 TECH SHARE SUMMIT 🔥

23/11/2025

🎓 بكل فخر واعتزاز
يتقدم اتحاد طلاب كلية علوم الحاسب وتكنولوجيا المعلومات بجامعة حلوان الأهلية بالتهنئة إلى

الأستاذ الدكتور/ محمد حلمي
بمناسبة حصوله على درجة الأستاذية من المجلس الأعلى للجامعات.

هذا الإنجاز يأتي نتيجة سنوات من الجهد والعمل العلمي الجاد، ويمثل قيمة كبيرة للمجتمع الأكاديمي، كما تعكس مسيرته المهنية نموذجًا يلهم الطلاب على الاجتهاد والاستمرار في طريقهم العلمي والاكاديمي.

ونسأل الله التوفيق للدكتور محمد حلمي، في مواصلة دعم العملية التعليمية وخدمة الطلاب.

22/11/2025

𝐋𝐞𝐯𝐞𝐥 𝟎 𝐓𝐫𝐚𝐢𝐧𝐢𝐧𝐠 𝐑𝐞𝐠𝐢𝐬𝐭𝐫𝐚𝐭𝐢𝐨𝐧 𝐢𝐬 𝐍𝐨𝐰 𝐎𝐩𝐞𝐧

لو أول مرة تسمع عن المسابقات والـ ECPC أو الـ CP
ده شرح بسيط يساعدك تفهم الصورة كاملة.

اي هي الـ 𝐄𝐂𝐏𝐂 ؟؟؟

• الـ ECPC هي مسابقة برمجة على مستوى جامعات مصر
• الفرق بتحل مجموعة مشاكل في وقت محدد والترتيب بيعتمد على عدد المسائل اللي اتحلت ودقتها
• الفرق اللي بتتأهل بتكمّل على Africa ثم International.

اي هي الـ 𝐂𝐨𝐦𝐩𝐞𝐭𝐢𝐭𝐢𝐯𝐞 𝐏𝐫𝐨𝐠𝐫𝐚𝐦𝐢𝐧𝐠 (𝐂𝐏) ؟؟؟

الـ Competitive Programming هي إنك تحل مشاكل منطقية وبرمجية بطريقة سريعة وواضحة بتتقسم المشكلة لخطوات وبتكتب كود يحلها بكفاءة وده بيدرب تفكيرك ويقوي مهاراتك اللي هتحتاجها في أي إنترفيو.

ليه لازم تدخل 𝐋𝐞𝐯𝐞𝐥 𝟎 𝐓𝐫𝐚𝐢𝐧𝐢𝐧𝐠 ؟؟؟

الـ Training الخاصة بـ Level 0 معمول لأي حد عايز يبدأ من البداية ومن خلاله هتتعلم:
• التفكير المنطقي
• أساسيات البرمجة
• بناء أساس قوي يدخلّك عالم الـ CP

التدريب هيفيدك في:
• تقوية طريقة تفكيرك
• الاستعداد للمسابقات
• تحسين فرصك في الإنترفيوهات
• دخول مجتمع نشيط وبيساعد بعضه

⚠️ 𝐈𝐦𝐩𝐨𝐫𝐭𝐚𝐧𝐭 𝐑𝐞𝐪𝐮𝐢𝐫𝐞𝐦𝐞𝐧𝐭
• علشان تتقبل في التدريب هيكون في IQ Test بسيط بنقيس بيه قدرتك على التفكير وحل المشاكل "وده شرط أساسي للقبول".

للتسجيل املأ الفورم دي
> https://tally.so/r/ODDVW8

واستعد تبدأ أول خطوة في طريق الـ Competitive Programing

𝐋𝐞𝐭’𝐬 𝐬𝐭𝐚𝐫𝐭 𝐭𝐡𝐞 𝐧𝐞𝐰 𝐬𝐞𝐚𝐬𝐨𝐧 𝐭𝐨𝐠𝐞𝐭𝐡𝐞𝐫 ♥️