Growing Up Clinic - Dr Abeer El-Sayed

26/06/2025

22/03/2023

كل سنة وانتو طيبين.....تقبل الله منا ومنكم جميل الأعمال في خير شهر ....أعاده الله علينا بالخير والمغفرة والرحمات والعتق من النار

08/03/2023

نصيف ولا نشتي ..... ها نعمل ايه؟

13/02/2023

أنا مش هدي ابني جلسات لحسن يتعود عليها

16/12/2022

محاضرات رائعة للمؤتمر السنوي لل Echocardiography في فندق Triumph ....بجد ألف شكر للأساتذة

09/12/2022

البنوتة القمر جميلة.....فرحتيني قوي يا حبيبتي......لما الحمد لله اتحسنت رسمتلي الكارت الجميل ده.....ربنا يحفظك يارب

27/11/2022

بجد بشكر الزمالة والوزارة أنهم أتاحولنا الفرصة العظيمة دي.....محاضرات قوية من أفضل دكاترة قلب أطفال وجراحين قلب أطفال في جامعة سان دوناتو في إيطاليا...استفدنا جداً الحمد لله.....وشرفنا بلدنا وجبنا درجات حلوة في الامتحان النهائي الحمد لله😊😊😊😊

22/08/2022

الحمد لله .....اتشرفت بحضور كورس إيكو قلب الأطفال من الأستاذة الدكتورة هالة أغا ونخبة من أفضل الأساتذة...... شكراً لكل اللي قدمتوه لينا من وقت وعلم .

27/06/2022

لو طفلك بيعيا بزوره كتير....يبقي البوست ده ليك
الحمي الروماتيزمية.....
ده مرض من الأمراض المتوطنة في مصر...سببه انواع مختلفة من الميكروبات......هو موضوع مهم خصوصا لو الطفل كل شوية يشتكي بزوره.....
طيب امتي نركز انها ممكن تبقي حمي روماتيزمية لا قدر الله ؟
لو الطفل اشتكي من ألم بالمفاصل أو نهجان أوسرعة في ضربات القلب أو طفح جلدي أو حركات لا إرادية أو كلاكيع تحت الجلد أثناء الدور ....هنا لازم نهتم جدا ونقيم حالة الطفل إذا كان عنده ولا لأ.......
دمتم بخير💐

12/10/2021

حساسية الصدر:
بما إننا دخلنا في المواسم الجميلة الخريف والشتاء ⛈️... يبقي أهلاً بالحساسية .......حساسية الصدر موضوع مهم ومنتشر وكبير،عايزة بس أتكلم فيه عن كام نقطة مهمة:
🌹 أولهم :
أن فيه أطفال كتير عندهم حساسية صدر والأهل مش واخدين بالهم ...بيبقي الطفل غالباً من صغره عنده انواع تانية من الحساسية أو جاله كذا دور التهاب شعبي أو حد من الأهل عنده نوع أو أكتر من الحساسية.......ولما بيبدأ يبان الأعراض بلاقي الأم بتقول بيعيا بصدره كتير وكل شوية يحتاج جلسة ،كمان لما يجري يكح أو ينهج ،يكح في أوقات معينة زي بالليل وفي تغيير الفصول أو لو شم روايح أو اتعرض لتراب .
🌹 ثانياً:
لما نلاقي الأعراض دي لازم نكشف🧐....ودايما أقول لأي أم أن أي طفل بيكح لازم يكشف .....ولازم الأم تبقي ملاحظة دور الكحة بيكح للطفل كام مرة وامتي بيظهر عليه ولو عنده حساسية تانية عشان ده بيفرق معانا في التشخيص والعلاج.
🌹 ثالثاً:
مهم أنه الطفل اللي عنده حساسية أنف أو جيوب أنفية أو حساسية جلدية يعالجها من صغره وياخد مثبطات الحساسية من بدري لأن ده ممكن يحميه أنه ميجيلوش حساسية صدر ....يعني مينفعش نستهون بأن الطفل عنده رشح وعطس دايما ونقول هو كده علي طول....لأ لازم المشكلة دي تتحسن .
🌹 رابعاً:
الطبيب بياخد قرار بناءاً علي الكشف والتاريخ المرضي اللي بتحكيهوله الأم ......لو الطفل صدره مقفول لازم ياخد جلسات دلوقتي، لو اتحسن بيروح علي علاج، ولو متحسنش لا قدر الله بيبقي لازم له مستشفي ......ولو الطفل اتشخص أنه عنده حساسية صدر لازم بيمشي علي علاج الحساسية عشان الطفل يقدر ينمو بشكل طبيعي وده ميأثرش علي نفسه وقلبه ..... وطبعاً اتفقنا من البوست اللي فات أننا مبنخافش من الجلسات ......فياريت برضه منخافش من البخاخة لو الطفل احتاجها لأنه لو احتاجها هتفيده جدا وهتحميه من حجز المستشفي.
🌹وأخيراً وليس آخراً :
🌴 ربنا يحمي ولادنا ويحفظهم ونهتم بكل شكوي عندهم عشان متأثرش علي صحتهم بعدين💐