حضانة تشوو تشوو كيدز/ChooChoo kids Daycare

25/01/2023

تعالوا اقولكوا بيحصل ايه لما بنضغط علي الاطفال الصغننه اللي عمرهم 3 أو 4 أو 5 سنين انها لازم تتعلم تكتب قبل دخول المدرسه وواجبات وخناقات وزعيق وضرب وعافيه واجبار أنه لازم يكتب دلوقتي عشان يبقي جاهز للمدرسه

1... تعالوا نشوف الفرق بين العضلات الدقيقه اللي في ايد اطفال في مراحل مختلفه اللي بتساعدهم علي مسكه القلم والكتابه بخط كويس
2...الطفل اللي عمره 7 سنين تم اكتمال تكوين عظام ايده بشكل مريح تسمحله يمسك القلم كويس
3..لكن الطفل اللي عمره 4 سنين عدم اكتمال تكوين عظام ايده فصعب يكتب لانه مش عارف ...
مش مش عايز لأن في فرق كبير بين مش عارف ..ومش عايز
مش عارف ...لان القدره نفسها مش موجوده لان العظم لسه متكونش
أما مش عايز ... عنده القدره أنه يكتب و رافض يكتب لاي سبب أو خلل أو ضعف ما
4..عشان كده مهم جدااا أن احنا نصبر علي الاطفال في موضوع الكتابة وتحسين الخط
لأن العظام مازالت في طور التكوين والنمو
وأفضل واقوي وأعظم حاجه ممكن تساعد الطفل على النمو والاكتمال وتقوية تلك العضلات الدقيقة هي ....
الألعاب اليدوية المتنوعة زي
الصلصال
وأنشطة النقل والصبّ والكبش
اللضم والتركيب
المكعبات
البازل
الرسم والتلوين
5...ترك مساحه للطفل الحركه والاستكشاف واستخدام حواسه للتعلم وتنميه مهاراته المختلفه



#الكتابة
#الاطفال

01/01/2023

01/01/2023

كل سنه وانتم طيبين وبخير وصحه وسعاده يارب... حضانه تشوتشو بترحب بالسنه الجديده وتتمنالكم الخير.. وبهذه المناسبه بنقدم عروضنا الجديده على الاشتراكات.. كل الحب والاهتمام.. ويارب نكون عند حسن الظن

22/11/2022

مفيش أجمل من انك تدّي ل الطفل الحرّية انه يكون "انسان زيه زيك بالضبط" و تحترمه و تراقب استجابته للإحترام ده و سعادته و ثقته في نفسه و هو بيتكلم و بيعترض و بيغضب و بيقول رأيه.

الأطفال كائنات جميلة، محتاجين بس اللي يحن عليهم و يفهمهم و يعاملهم كـ كيان، مش كـ حيوان بياكل و يشرب و ينام، و مالوش رأي ولا مشاعر ولا حق في التعبير عن نفسه!

- الطفل كيان من حقه عليك انك تحترمه و تقدّره و تعامله كإنسان زيك.

10/10/2022

من اسوأ الحاجات اللي ممكن يتعرّض ليها الطفل هو إنه يتحب عشان -انجازاته و نجاحاته- مش عشان "نفسه"

دا من الأسباب اللي بتخلي الطفل ده لما يكبر يسأل [انا مين؟] و بيبقى سؤال حقيقي
الحاجة عشان يُعترف بيها لازم نحس ليها بمشاعر و هو ماحدش اعترف بذاته من خلال الحب ف طبيعي يكبر و هو حاسس بفراغ و ثغرة ف روحه..

04/10/2022

"سيتذكّر الطفل من كان حاضرًا معه في كل وقت، ولن يهمه مقدار ما أنفقته عليه من أموال.
سيكبر الطفل وينسى ألعابه التي اشتريتها من أجله، ولكنه لن ينسى أبدا الاهتمام و الوقت و الحب الذي أعطيتهم له."

02/10/2022

أتمنى نوقف معاملة الأطفال بأسلوب -الطاعة المطلقة-
أسلوب "انت لازم تسمع كلامي لإني قلت كدا - لازم تسمع كلام الكبار لمجرد انهم قالوا كدا بدون تفكير ولا سؤال."

و بدون أسلوب "انت هترد عليا؟" في الوقت اللي هو بيسأل سؤال طبيعي

من حق الطفل يسأل و يعترض و يتكلم و يغضب، بتخافوا من فرديته؟

كل الأطفال اللي اتعرضوا لأسلوب الطاعة المطلقة ما بقوش واثقين في نفسهم ولا عارفينها حتى. ما بقوش يشوفوا نفسهم مُنفصلين عن والديهم لإنهم ما اخدوش الحق ده، بقوا عاجزين و قليلي الحيلة.

الطفل ليه حق السؤال و حق ابداء الرأي و اظهار المشاعر و العواطف و الغضب، و حق الرعاية من الوالدين مش العكس. حق انه يرفض مش يتفرض عليه حاجات لمجرّد الفرض.

- حق الإختيار و الإبداعية و الخيال و الفردية مِلك للطفل.

27/09/2022

الأطفال مش بيبقوا قادرين على - التفكير المنطقي -
هو مش هيفهم ليه أبوه سابه لوحده ولا فاهم ليه أمه منعزلة بدال ما تقعد معاه
هما مش أنانيين لانهم مش فاهمين اصلا يعني ايه أنانية، بس هما [بياخدوا الحاجات اللي بتحصلهم بشكل شخصي] حتى لو أبوه او أمه ماتت هتسمعه بيقول "بابا لو بيحبني مكانش هيسيبني"

هو مش فاهم إن الموضوع مش شخصي، ف اللي بيحصل مع الطفل إن [كل حاجة انت بتعملها بتخليه يتأثر بيها بشكل شخصي]
بمعنى: "بابا متضايق لأني وحش" / "أكيد فيا حاجة غلط عشان كده ماما وبابا بيعاملوني وحش" / "أنا لو كنت كويس بابا وماما مكانوش اتطلقوا"

ف حاول تستوعب إن الكائن الصغير ده [مركز قيمته و أحاسيسه مبني على تصرفاتك]
لو تجاهلته او قللت منه او هاجمته -او أيا كان- هياخد ردة فعلك على انها حاجة بتعكس قيمته و جوهره.

الأطفال كمان بيحتاجوا يشوفوا والديهم بنظرة مثالية و بيلوموا نفسهم على أخطاء والديهم "عشان معتمدين على والديهم للنجاة"
ف الموضوع بيبقى صعب ان الطفل يشوف إن حبل النجاة بتاعه معطوب و سيء، ف بيشوف نفسه كده بدالهم (دي طريقته الوحيدة للنجاة).

ف عقول الأطفال مش منطقية. الطفل بيحتاج يتبني ليه حدود تعلّمه انه يكون قوي النفسية مع الوقت، ف بيحتاج والدين عندهم حدود و نفسياتهم قوية عشان يقلدهم.

26/09/2022

فيديو صغير عن يومنا امبارح.. كل عام وانتم بخير.. ويارب عام دراسي جديد وسعيد على أولادنا جميعا

25/09/2022

أول شيء عليك فعله إذا كُنت ترغب في تربية أطفال بشكل جيّد، هو أن تتحدّث معهم على أنهم "أشخاص" بدلًا من التحدّث معهم على أنهم -مُمتلكات خاصة-

Frank Zappa

21/09/2022

عوزين نودع الاجازة😭😭😭 ونستقبل الدراسه باجمل حفله 🥰🥰🥰🥰
ونشجع اطفالنا على مساعدة ماما فى كل حاجه❤️
فيوم الاحد 25/9 هنعمل اجمل tea party
😍😍😍😍😍😍😍
متاح استقبال اطفال من خارج الحضانه اليوم ب٣٥ وبس
( choo choo kids daycare هنستناكم تنورونا )❤️❤️❤️❤️❤️

21/09/2022

لما الطفل بيتعرّض للأذى بتكون ردّة فعله إنه يبكي من الغضب و الألم
بس الغضب ممنوع لإنه بيأدي للعقاب و التعبير عن الألم برضو ممنوع، ف الطفل بيقمع المشاعر دي و بيتّحد مع المؤذي؛ ف لما بيكبر بيبقى شبهُه و بيكرّر اللي حصله في ناس تانية.

الغضب هو العاطفة الوحيدة اللي الخزي مايقدرش يتحكّم فيها
بتشيل الغضب معاك و تراكمه لحد ما يتحوّل لأقصى درجاته.. و تنفجر في اللي حواليك و ترعبهم
وقتها هتحس انك استعدت قوّتك و بدأت تحمي نفسك.. لإن العاطفة دي ماكنش مسموح ليك تعبّر عنها بشكل صحّي أو بأي شكل، ف لما تنفجر بيبقى الوضع كارثي.

الغضب موجود عشان يحمينا من التهديدات، و بيحركنا اننا ندافع عن نفسنا، ف الغضب جزء كبير من انسانيتنا ولازم نعلّم أطفالنا يعبّروا عنه.

ماتصرخش على طفلك اللي مش واعي لما يغضب و يبين ردّة فعل قوية، الوقت اللي يبقى واعي فيه علّمه يعبّر بطريقة صحّية، لكن 3 و 4 سنين و تهاجمه؟!

مهما كانت طريقة طفلك قويّة في التعبير (طالما مش بيأذي نفسه) يبقى سيبُه يعبّر، مش ترعبه و تفرّغ فيه عُقدك.
وقت ما يبقى واعي هتبدأ تعلّمه يفرغ غضبه بطريقة لائقة. ومهما حصل ماتخوفوش منك ولا تخلّيه يخاف إنه يعبّر عن مشاعره.

- لو مش هتقدر تربّي صح اعمل في البشرية معروف وماتخلفش.