Dr. Robert is a Fellow of the University of Luebeck, Germany
Member of European Society of Human Reproduction (ESHRE)
Dr. Robert Emile Daniel is a prominent Cairo-based gynaecologist and expert in assisted reproductive techniques serving the community since 2002. Dr. Daniel is the founder, manager, and principal MD at the Women Health Clinic in Heliopolis, offering patients a holistic approach to health and well-being. The clinic offers comprehensive services including pre- and post-natal care, in-vitro fertilisa
كل سنة وانتوا طيبين 🤍🐑
استمتعوا بالفتة واللحمة… بس بالراحة شوية علشان الحموضة👌
#عيدالاضحي
السونار المهبلي مش سبب للإجهاض 🤍
هو فحص آمن ودقيق جدًا في بدايات الحمل، ومش بيوصل للجنين ولا بيأثر عليه.
بالعكس… بيساعدنا نطمن ونشوف الحمل بشكل أوضح في أول الشهور
#حمل
أول حمل اخدت بمنشطات… يعني طول عمري محتاجاها!!
فكرة كتير بنات بيفكروا فيها، وطبيعي تيجي في الدماغ كده…
بس الحقيقة مش دايمًا كده
أول حمل ممكن يكون احتاج تنشيط بسبب اضطراب مؤقت في التبويض، تكيسات، خلل هرموني، أو مشكلة في الغدة وقتها…
وبعد الحمل والولادة؟ الجسم بيتغير. الهرمونات بتتنظم، والتبويض ممكن يتحسن لوحده تمامًا
فمش نادر إن الحمل التاني يحصل من غير أي تدخل خالص
الجسم مش ماكينة بتشتغل بنفس الطريقة كل مرة، وكل تجربة ليها ظروفها
عندك أسئلة أو محتاجة تتطمني، احجزي استشارتك دلوقتي ♥️
التهابات بسيطة ممكن تكون إنذار مهم أثناء الحمل!
لأن بعض الالتهابات لو اتأخرت في العلاج ممكن توصل للرحم وتسبب مشاكل خطيرة زي فتح كيس الميه أو التهاب حول الجنين.
عشان كده أي تغيير في لون أو ريحة الإفرازات لازم يتابع فورًا، والمتابعة المستمرة بتحافظ على سلامتك وسلامة البيبي
لو عندك أي تغيير في الإفرازات أو قلق أثناء الحمل، احجزي كشفك دلوقتي واطمني على صحتك وصحة الجنين♥️
#حمل
أنا حملت قبل كده طبيعي… ليه دلوقتي الحمل متأخر؟
وده سؤال مهم جدًا، لأن الحمل السابق مش معناه إن مفيش مشكلة حاليًا.
لو بقالك ٦ شهور أو أكتر بتحاولي بانتظام من غير حمل
ممكن يكون ده عقم ثانوي ويحتاج فحوصات ومتابعة
احجزي دلوقتي وابدئي الفحوصات المناسبة عشان نعرف السبب ونساعدك توصلي لحمل صحي بإذن الله
في الأسبوع السادس ولسه ما سمعتيش نبض الجنين؟
الانتظار في الفترة دي بيكون صعب، وكل زيارة للدكتور بتبقي مستنية تسمعي النبض وتطمني على البيبي.
بس اطمني 🤍
غالبًا نبض الجنين بيبدأ يظهر ما بين الأسبوع السادس والثامن، وأحيانًا السونار المهبلي بيكون أوضح عشان نقدر نسمعه بدقة أكبر ❤️
#حمل
نزيف شديد + أنيميا + ورم ليفي كبير مأثر على الحياة وفرصة الحمل
الوضع كان صعب ومسبب إرهاق وقلق مستمر…
لكن بعد التقييم الدقيق، تم استئصال الورم مع الحفاظ على الرحم وفرصة الحمل بإذن الله ❤️
📩 احجزي استشارتك دلوقتي لو عندك أعراض مشابهة وعايزة تقييم دقيق لحالتك
اكتبيلنا في الكومنتات كلمه حجز وهنتواصل معاكي فوراً
صاحبتك خدت منشطات وحملت؟ ده مش معناه إنها تنفع معاكي!
التنشيط من غير متابعة أو فحوصات ممكن يرهق المبيض من غير فايدة، خصوصًا لو المشكلة أصلًا في التبويض أو الأنابيب.
قبل أي خطوة… لازم ترجعي لدكتورك الأول👌🏻
بتعاني من إجهاض متكرر؟
الروبيلا (الحصبة الألمانية) من الأسباب الخفية اللي ممكن تأثر على الحمل في أول ٣ شهور، وكتير من السيدات مايكونش عندهم أي أعراض خالص!
🔬 عشان كده بنعمل تحليل الروبيلا ضمن فحوصات الإجهاض المتكرر، ولو احتاجتي تطعيم:
⚠️ مهم تعرفي إن خلال ٣ شهور بعد التطعيم ما ينفعش يحصل حمل
✅ وبعد كده جسمك يبقى جاهز لاستقبال حمل صحي وآمن 🤍
📩 ابعتيلنا DM أو زورينا في العيادة واحجزي استشارتك
خايفة من الولادة الطبيعي عشان الألم؟ 😣
وكل ما تسمعي تجارب الناس خوفك بيزيد وبيخليكي متوترة طول الوقت…
الحقيقة إن مع حقنة الـ Epidural الألم ممكن يختفي وتبقى التجربة أسهل بكتير 🤍
هتحسي بالحركة بس من غير وجع… متخافيش 👌
📩 ابعتي سؤالك في الكومنت أو رسالة وهنرد عليكي بكل التفاصيل
خايفة على الجنين… ومش عارفة إذا كان ممكن يكون عنده مشاكل صحية أو لا!
الخوف ده بيخليكي تفكري كتير… خصوصًا لو في تاريخ مرضي في العيلة أو تجربة قبل كده، وبتفضلي قلقانة طول الوقت ومش عارفة تطمني إزاي.!!
النهارده بقى فيه فحوصات وتحاليل تقدر تكشف بدري وتطمنك على صحة الجنين، وتخليكي متابعة كل خطوة بأمان ووعي 🤍
📩 متخليش القلق يكبر… ابعتيلنا على الـ DM أو زورينا واحنا نطمنك خطوة بخطوة
#حمل
| Monday | 4pm - 8pm |
| Wednesday | 4pm - 8pm |
| Sunday | 4pm - 8pm |