Nermin Elhodaiby

الله

كلام رائع...

ريحة المدارس علي الأبواب وجي معاها ريحة التنمر وغلاسات الولاد علي بعض في المدارس!

وزي ما انتوا عارفين انا ضد تماما
"اللي يضربك اضربه" او إن الطفل ياخد حقه بالعنف!

بس في نفس الوقت انا كمان ضد تربية طفل ضعيف أو خواف أو فريسة سهلة للتنمر والمضايقات المستمرة

♦️عشان كدة حبيت إننا كلنا نبقي مستعدين وفي ضهر ولادنا وعارفين نساعدهم إزاي لو اتعرضوا للتنمر 👇🏼

💭ما نقولش للطفل أبدًا جمل زي “عملت لهم إيه خلاهم يضايقوك؟” “إزاي ما دافعتش عن نفسك وسيبتهم يضايقوك؟” “انت ليه ما جيتش تقول لي على طول؟” بلاش أي كلام ممكن يكون فيه لوم أو اتهام أو تأنيب للطفل.

💭لو ولادنا مش متكلمين، محتاجين دايما نشجعهم يحكوا لنا عن طريق انتهاز أي فرصة في موقف نشوفه أو فيلم بيحصل فيه تنمر زي فيلم
Wonder

بإننا نسأله “تفتكر الطفل ده حاسس بإيه دلوقتي؟” أو “عمرك شفت حاجة زي كده في المدرسة؟” أو “في حد قبل كدا ضايقك زي الطفل دا؟”

اسمعيه للآخر لما يحكي لك من غير ما تقاطعيه أو تحكمي عليه وعلى اللي حصل.

💭اقبلي مشاعره وبيّني له إنك حاسة به وبغضبه من اللي حصل له واشكريه على شجاعته وقوته إنه حكى لك.
ما تبيّنيش قلقك مهما كانت التفاصيل مخيفة أو مقلقة بالنسبة لك، لأن الطفل بيكون خايف ومتوتر بما فيه الكفاية.

لو لاحظ قلقك وما اتطمنش ليكي ممكن يبطل يحكي بعد كده أو يقول لك باقي التفاصيل.

💭اسأليه واسمعي منه كتير واتكلمي قليل عشان تقدري تفهمي كل أبعاد المشكلة.
احضنيه وطمنيه إنك جنبه وفي ضهره وهتقدروا تلاقوا حل مع بعض.

💭نأكد علي ولادنا دايما إن تعرضهم للتنمر ده مش عشان مشكلة فيهم ولكن ده علط وعيب المتنمر.

💭دربيه في البيت ومثلوا مع بعض المواقف اللي بيتعرض لها من المتنمر وعلميه إزاي يدافع ويرد الأذى عن نفسه.

بإنه يكون هادي وثابت لما يتعرض للتنمر، ما يخافش، ويبص للمتنمر في عينيه ويقول له “بطل اللي انت بتعمله ده”.
لو الإيذاء جسدي، خليك سريع وامنعهم.

لو ما قدرتش، ابعد فورًا عن المكان واطلب بسرعة مساعدة حد كبير.

💭ساعديه إنه يعرف يبلغ مين في المدرسة وإنه يحكي اللي حصل بالظبط ويقول الأشخاص اللي ضايقوه وكان إيه رد فعله.
لو حسيتي إن طفلك معرض للخطر من أي نوع، اتدخلي فورا مع إدارة المدرسة.

💭وأخيرًا، لو لاحظتي إن طفلك متأثر نفسيًا بسبب مشكلة التنمر مهم تطلبي مساعدة من أخصائي نفسي أطفال.

"Your wings already exist,
All you have to do is fly"...
الحمدلله 😊
انا النهاردة بحتفل بأني عملت ٣٠ فيديو من سلسلة فيديوهات "Education on a plate" ..
إنجاز صغير، كبير بالنسبة لي...
إن مكنتش أنا هشجعني...مين هيشجعني؟!🤔
اللهم ارزقني علما نافعا و انفعني بما علمتني، و اجعلني نفعا للمسلمين...
احتفلوا بالإنجازات يا جماعة...
يا تري ممكن احتفل ازاي؟؟

تيت تيت..🛎
صوت جرس داخلي..
بيقولي..
البطارية أوشكت علي الانتهاء 😮‍💨
اشحنها ازاي؟؟
بإيه ولا إيه ؟؟
جربت كتير..
.اتفرج علي حاجة تضحك..📺
.اسمع أغاني ..
.ابطل شغل..
.اخد شاور و أطول فيه شويتين..🛀
.أنام..
.أصلي..
.اقرأ قرآن..
.أدعي..
.اطبخ أكلة حلوة..🍜
.أكلم حد برتاح معاه..
.اولع شمعة ريحتها حلوة و اعمل ميديتاشن..
.أسافر..⛵️
.أخرج في مكان حلو..
.اقعد مع ابني.👩‍👦
و حاجات تانية كتير...
كل الحاجات دي نفعت بنسب مختلفة..

بس اكتر حاجة لقيتها نافعة بجانب كل ده...
هي انشغالي بنفسي فقط ...فقط..🤫

مجرد تركيزي علي نفسي بوعي و نية مسبقة ...خلي الدنيا أفضل كتير...
هل فيه حاجة تانية ممكن تتعمل؟؟

لو أن أعيننا نوافذ علي أرواحنا!
يا تري إيه اللافتات اللي هتكون منشورة علي تلك النوافذ؟!
يمكن...
❤️ احتاج مساعدة
او ..
❤️ حب نفسك
يمكن...
❤️ لا تدع آراء الأخرين تؤثر عليك
او ..
❤️ الحب الحقيقي قادم
أو يمكن ..
❤️لا تنشغل الا بنفسك
او حتي ..
❤️أحسِن التوكل علي الله
................
يا تري إنتوا لافتاتكم هتقول إيه ؟؟.....😊