Kidzinia Nursery

السلام عليكم ورحمه الله وبركاته ❤️
كل سنه و حضراتكم بخير 😍😍 غدا باذن الله تعالى اجازه رسميه بمناسبه عيد العمال ❤️🙏

يارب تكونوا دايما في اتم صحه و احسن حال ❤️❤️

📺 تأثير الكرتون اللي محدش بيشوفه جوه دماغ طفلك.
الكرتون مش مجرد تسلية، ومش مجرد وقت بيعدي على الطفل وهو هادئ.
الكرتون بيدخل مخ طفلك من أوسع باب
وبيشكله حرفياً من غير ما تحسي.

خلينا نفهم بيعمل إيه واحدة واحدة 👇

🧠 أولًا: التأثير المعرفي (العقل والتفكير)

الكرتون معمول بإيقاع سريع جدًا
مشاهد بتتغير في ثواني
ألوان فاقعة
أصوات عالية
حركة مستمرة

🔴 عقل الطفل بيتعود إن المتعة بتيجي من غير مجهود وتفكير
🔴 بيتعود يستقبل المعلومة جاهزة
🔴 مفيش تفكير… مفيش تحليل… مفيش انتظار

والنتيجة؟

* ضعف في الانتباه
* ضعف في التركيز
* ملل سريع من أي حاجة بطيئة (قعدة، لعب، مذاكرة، حتى الكلام)
* ضعف في مهارات التفكير

الطفل اللي بيتعود على الكرتون
بيلاقى الحياة العادية “مملة” والتفاعل الحقيقي ممل لأن الحياة والتفاعل الاجتماعي مفيهاش موسيقى كل ثانية ومثيرات سريعة زي ما مخه اتعود.

👀 ثانيًا: الانتباه والتركيز

الكرتون بيعود عقل الطفل على حاجة خطـ ـيرة جدًا:

ركز ثانيتين، وافصل… ركز ثانيتين، وافصل...

وده عكس تمامًا اللي محتاجه الطفل عشان:
* يسمع قصة طويلة
* يلعب لعبة فيها تفاعل
* يتعلم في الحضانة او المدرسة
* يفهم شرح من حد

🔴 عشان كده بنشوف طفل الشاشات
* مش بيكمل نشاط للآخر
* بيتشتت بسرعة كبيرة
* سرحان طول الوقت
* بيكره المذاكرة والواجب

مش لأنه وحش ولا عنده مشكلة
لكن لأن مخه اتبرمج على السرعة الزايدة

🗣️ ثالثًا: التأثير اللغوي والكلام

ودي من أخـ..طر الحاجات 👇

الطفل بيتعلم الكلام واللغة من:
* النظر للوجه
* حركة الشفايف
* التفاعل
* الفعل ورد الفعل

لكن الكرتون
❌ مفيهوش تفاعل
❌ مفيهوش انتظار رد
❌ مفيهوش تقليد حقيقي
❌مفيهوش فعل ورد فعل

والنتيجة؟
* تأخر في الكلام
* مفردات ضعيفة
* تكرار كلمات من غير فهم
* أحيانًا لخبطة لغوية (خصوصاً لو الكرتون بلغة غير لغة البيئة)
* تأثر مركز الكلام واللغة في المخ

اه الطفل بيبقى ساكت ومامته فاكرة إنه هادئ وهو في الحقيقة مش متحفز للكلام.

رابعًا: التأثير السلوكي والانفعالي

الكرتون بيقدم للطفل عالم:
* كله مكافآت
* كله فوز
* مفيش انتظار
* مفيش رفض

فلما الطفل يرجع للواقع:
حد يقوله لأ ، أو يستنى ،أو يخسر ،أو يلتزم بقواعد
بيحصل إيه؟
🔴 عصبية
🔴 نوبات غضب
🔴 صراخ
🔴 عناد

وده مش لأنه مدلل
لكن لأنه اتعود على عالم مش حقيقي زرع فيه كل ده من البداية

خامساً: تأثيره على تطور الطفل بشكل عام

الطفل علشان ينمو صح محتاج
حركة، لعب بإيده وحواسه ،تجربة ،احتكاك ،فشل ونجاح..

لكن الكرتون:
بيخلي الطفل ثابت في مكانه بيقلل الحركة بيقلل الخبرات بيقلل التفاعل الاجتماعي والاحتكاك

وده يأثر على:
* النمو العقلي
* النمو الاجتماعي
* الاستقلالية
* الثقة بالنفس

طيب نعمل إيه؟

✅ بدائل صحية للكرتون:

1️⃣ اللعب الحر

مكعبات ،فك وتركيب ،عرايس ،عربيات ،لعب حركي
اللعب ده بيشغل عقل الطفل أكتر من ألف حلقة كرتون.

2️⃣ الحكاوي والقصص
اقرأي ليه ،احكيله ،سيبيه يكمل القصة
ده بينمي عند الطفل اللغة الخيال التركيز الرابط العاطفي

3️⃣الحركة
جري ،قفز ،لعب كورة...
الحركة واللعب الحركي اكتر حاجة بيحتاجها الطفل.

4️⃣ الكلام اليومي
اتكلمي معاه ،اسأليه اسئلة يفكر فيها وسيبيه يجاوب
حتى لو إجابته غلط… المهم يحاول.

يا ماما…❤️
طفلك مش محتاج شاشة ولا تليفون في ايده
طفلك محتاجك إنتي
صوتك نظرتك حضنك تفاعلك معاه

الكرتون ممكن يسليه ويسكته
لكن إنتي اللي بتبنيه ❤️

صباح الخير ❤️❤️
كل الي عليك تبلغنا بس ❤️❤️ و ربنا يجعلنا دايما عند حسن ظنكم فينا 🙏

السلام عليكم ورحمه الله وبركاته

غداا باذن الله حفلة المولد النبوي الشريف 😍❤️
كل سنة و حضراتكم طيبين و بخير 😍

بالنسبة لاطفالي الحضور باذن الله من الساعة ٩ صباحا و ياريت نفطر قبل ما نيجي عشان نبدا حفلتنا علي طول ❤️❤️

و طبعا لو ام عاملة فاتحين من ٧ و نصف ان شاء الله ❤️

ياريت بكرة ان شاء الله منجبش معانا اكل مممن سناك بسيطة عشان هنبقي الوقت كله في الحفلة ❤️

الحفلة هتخلص ان شاء الله الساعة ١ و نصف ❤️❤️

ارحو إحضار للبنات إسدال او عباية و طرحة .. و الاولاد جلابية صلاة او عباية في شنطة خارجية عشان نلبسهم وقت الحفلة ❤️

و عقبال حفلة كل سنه ان شاء الله 😍

السلام عليكم ورحمه الله وبركاته

غدا باذن الله تعالى اجازة رسمية بمناسبة المولد النبوي الشريف 😍❤️

كل سنة و حضراتكم طيبين و بخير 😍❤️