07/06/2026
أظبط الأريال...📡📡📡
كل حشرة خلقها ربنا وعندها اريال ( قرن الاستشعار) بتاعها
الأريال بتاع النحل بيعمل ايه بقى 😏😏
أقولك يا سيدي الأريال اللي مش باين ده ليه شغلانة جامدة قوي ....💪💪
ازاي ..؟ اصل النحل بيشم بيه أه والله (وشوية حاجات تانية مش وقتها دلوقتي)
تصدق ان البتاع ده عليه تقريبا ٤٠ ألف شعرة حسية يعني كل شعرة واصله بعصب عشان توصل احساس معين منهم تقريبا ٦ ألاف شعرة بتشم بيهم الريحة ...😱😱
طب ليه يعني ايه لازمتهم...😏😏 اقولك
هو النحل بياكل منين
من الازهار طب افرض يعني الازهار بعيدة شوية لازم ساعتها النحلة من دول تشمشم على ريحة الوردة وتطير وراها عشان لو مشمتهاش هتموت من الجوع
اقولك حاجة تانية
فاكر لما اتكلمنا عن الفيرمونات وان معظم فيرمونات يبقى لازم النحلة تشم كويس قوي
وبسبب الأريال ده احب اقولك أن النحلة بتشم احسن من سيادتك تقريبا ٤٠ مرة
#النحل