09/12/2025
يخربيت إلي خلاكي
تسوقي عربيه 😤 !
علشان متسمعيش الجُمله
دي كتير وإنتي سايقه
تعالي أقولك كام حاجه
تمشي عليها 👌
مبدئيا كده متركزيش غير فـ طريقك وبس وأعرفي إنك مش سايقه عربيه واحده ، إنتي سايقه
( سيارتك- يمينك -شمالك -امامك ،خلفك )👍
المرايتين إلى جانبك أهم حاجة قبل ما تروحي يمين أو شمال لازم تركزي فيهم كويس و تدى أشارة كمان حاولي ما تمشيش سريعه، وإلتزمي بالحارة إلي انت فيها 🚗
-حُطي دايما فـ بالك إن الي حواليكي ممكت يغلطوا وممكن تعتبري مجازا فـ بالك إن مش كُلهم بيعرفوا يسوقوا 💀
متمشيش ورا واحدة تانيه لسّا بتتعلم او حسيتي انها خايفه علشان ماتربكيهاش زياده و ماتمشيش ورا راجل عجوز سيبيه يسوق بقدرته وعلى أد أعصابه وبلاش ورا تاكسي فاضي أو أتوبيس أو مينى باص أو مايكروباص لانهم بيقفوا كتير وفى اى مكان ووقت 🚃⌚
ركزي دايما قُدامك وبلاش تحدفي يمين أو شمال فجأه وبلاش تشغلي بالك بأى حاجه حواليكي
لازم تاخدي بالك من اتوبيس أو عربيه وقفت بتعدي حد او تريلا 🚛🚌 عشّان ساعات بيقفوا يعدو ناس وإنتي جايه بسرعتك بتلاقي الي بيعدي قدامك مبتلحقيش تفرملي فلازم وانتي بتعدي تمشي بُراحه و دايما عودب نفسك انك تعدي من شمال اللى قدامك أوعى أبدا تعديه من يمينه 📣
بلاش خوف وكلبشة في الدركسيون لانك كده معرضه تعملي حوادث اكتر بسبب عدم سرعة البديهه فى التصرف وبردو بلاش جرأة وتهور و لازم تعرفي إن السواقه مالهاش كبير( بلاش الشبحنه 😂)
فى التقاطعات هدي والتزمي بالإشارات و التزمي بإن الاولويه للعربيات اللى فى الرئيسى أو فى الدوارن
الحفاظ علي المسافات بينك وبين الي قُدامك بقدر كافي عشّان تلحقي وشّ عربيتك لو فرمل مره واحده لأن اللى ورا مروريا دايما هو الغلطان وقت الحوادث👋😤
استخدام الاشارات قبل الدخول يمين او شمال بوقت كافي مع العلم انك لازم تبصي يمينك أوشمالك حسب الاتجاه الي انتي رايحاه لان ساعات بتكون هناك عربيه تقريبا في منتصف عربيتك المرايا مبتجبهوش ودى بنسميها النقطه العاميه ودى مش بتبان الا لما تلف راسك شويه و تلمح اللى فى المنطقه دى من زجاج الباب اللى وراك 🚆
إتعلمي تعرفي تركني كويس و ظبطي اشاراتك قبل الملف اللي عايزه تدخلي فيه و هدي قبل الملفات و المطبات😇
أمشي بالراحه توصلي بُسرعة 😃
سوقي كتير علي قد ما تقدري لأن المواقف هي اللي هتعلمك.
لما تطلعي طريق مفتوح خليكي ماشيه جنب الرصيف بالظبط عشّان تتجنبي انك ترمي علي حد او حد يرمي عليكي عشان رمية الدائري بحادثة و ربنا يسترها علينا
و عليكِ ..
شوية الكلام الي باقي مش للبنات بس يh شبح السواقه 😂👌📣
أعمل حسابك إن شوارع مصر مكسّرة والناس أنانيه ومفيش حد سايق بيفكر إلا ف نفسه وعربيته حتى لو هيتسبب فى أذاك المهم انه عدى وتولعي انت .. مافيش قانون بس دايما خلى بطاقتك ورخصتك ورخصة العربيه معاكي عشان الأمين لما يصطادك مايغلسش عليك و يدخلك فى دايرة التذلل و تكون بتتكلم بثقه
عود نفسك ماتقفش لحد ولا تركب حد غريب معاك ولو هتقف على جنب أقفل الزجاج كله سيب جزء مايدخلش ايد من بره و اقفل السنتر عليك و ماتخرجش مم العربيه وهى دايره حتى لو فيها ناسك و خصوصاً فى زمن إنعدام الأمان
خد بالك لو مانيوال ايدك متسبقش رجلك فى النقلات💪
عود نفسك تربط الحزام ✋
خليك سايق جوا منطقتك لحد ما تتمكن من عربيتك بعد كده ابقي اطلع على الطريق👌
خليك دايما متاكد أن السواقه ذوق وفن و أخلاق وتقدير فعلى الاقل ابتدى بنفسك انك ماتكنش زى اغلب السواقين حواليك
وبطل تقول على البنات مبتعرفش تسوق عشان بياكلونا في الشارع في الآخر 😂
تحياتنا أكاديمية
ريموكار لتعليم فن قيادة السيارات للسيدات-مدينة الفردوس/ ٦ أكتوبر01014803666
