درس خصوصي

‏كُن لطيفاً أينما حَللت، فخَير القُلوب أحنّها، هوّن عليك.. لكُل شدّة مُدّة، ولكُل ضيقٍ متسَع...ودَع من يَلتقيك مرة يتمنىٰ أَن يلتقيك أَلف مرة.

لو بصيت حواليك وسألت نفسك مين اكتر حد بتحب تتعامل معاه في شغلك أو في حياتك بشكل عام؟

هتلاقي إن الإجابة بتقول إنك بتحب الشخص اللطيف الودود في التعامل اللي بيتكلم كويس اللي بيحسسك براحه وذوق وانتم بتتعاملو مع بعض.

دا بالظبط واحد من تكتيكات التفاوض وهو كن لطيفا مع الطرف الآخر، ولكن بحذر 😊

ودي قاعدة عامة في التفاوض لأنه مينفعش تتفاوض إلا في جو من الهدوء واللطف الهادئ، لأنك مش هتقبل إنك تتفاوض مع شخص متغطرس أو متعجرف أو أسلوبة وقح.

بس خلى بالك 👈👈 إن المبالغة في اللطف ممكن تحوّل مسار التفاوض تماما من مساره السلس والجيد إلى مسار عدائي، خاصة لو الطرف الثاني شعر أن اللطف دا هدفه التملّق أو مجرّد واجهة مزيّفة لانتزاع الأهداف بهذا الأسلوب، وهو اللي هيحوّل الصورة تماما إلى "عدم المصداقية"، ويترتّب عليه زيادة العراقيل في التفاوض بدلا من تسهيلها.

الخلاصة: كل شئ عند استخدامه لازم يتم بشكل متزن والإفراط في اللطف بيبقى تلزيق.