Capsulera, 63 Surya Street, Meet Okba, Giza (2026)

22/11/2023

نظرا لعدة ظروف طرأت وتراكمت منذ العام الماضي ويطول شرحها، سنضطر آسفين إلى إيقاف نشاط الكورسات المسجلة من الموقع والتوقف عن إنتاج كورسات جديدة بشكل نهائي.

وبناء عليه سيتوقف نظام إدارة التعلم الإلكتروني بالموقع عن قبول عضويات مشتركين جدد خلال أيام قليلة من الآن.

وبالنسبة لكورس المستوى المتقدم للتسويق على فيسبوك (مكتمل تسجيل 67% من محاضراته فقط وجاري بدء تسجيل المحاضرات المتبقية خلال أيام قليلة إن شاء الله)، وبعدها بأيام سيتم حذف الجروب الخاص به.

شكرا لكم على تفهمكم، وتمنياتنا لكم بكل التوفيق في رحلتكم لتعلم مهارات التسويق الرقمي 😊

21/01/2023

بعد انقطاع مؤقت، استئناف تسجيل محاضرات الجزء الأخير من كورس المستوى المتقدم للتسويق على فيسبوك😃

تمنياتنا لجميع المشتركين بدوام الاستفادة 😊

#كابسوليرا #كورسات #التسويق #تسويق

08/07/2022

كل عام وأنتم بخير بمناسبة حلول عيد الأضحى المبارك، أعاده الله عليكم وعلى أحبابكم دائمًا بالخير.

#كابسوليرا #تهنئـة #عيدالاضحي

08/04/2022

لو سألتنا عن أهم مهارة من مهارات التسويق الرقمي هنقول لك من غير تردد الكتابة الإعلانية Copywriting، وده لإنها بتتطلب فهم كامل لسلوك وسمات الجمهور المستهدف، وصياغة رسائل تسويقية وإعلانات بتراعي درجات وعيهم وتجذب انتباههم وتشجعهم على اتخاذ قرار الشراء.

وجودة صياغة الإعلانات تعتبر من أهم عوامل نجاح الإعلانات على أي منصة إعلانية سواء منصة إعلانات على محركات البحث، أو على مواقع التواصل الاجتماعي أو حتى الرسائل الترويجية عبر البريد الإلكتروني.

في المحاضرة رقم 20 في كورس المستوى المتقدم للتسويق على فيسبوك اخترنا "يوجين شوارتز" كضيف شرف افتراضي لإسهاماته الكبيرة في مجال الكتابة الإعلانية، واستخدمنا في المحاضرة التقسيم اللي عمله لدرجات الوعي مع أمثلة لنصوص إعلانية مناسبة لدرجة عدم الوعي عند الجمهور المستهدف.

شوارتز يعتبر من أعلام مجال الكتابة الإعلانية في العالم، وأصدر كتاب يعتبر من أهم مراجع المجال وهو: Breakthrough Advertising.

رابط صفحة تفاصيل الكورس:

https://bit.ly/fbk-advanced-course

#كابسوليرا #كورسات #تسويق

15/03/2022

خلال عام 2021 فيه تطورات كبيرة حصلت في لينكدإن أهمها الزيادة الملحوظة لعدد المستخدمين في الدول العربية خصوصًا مصر والسعودية والإمارات، وتجاوز إيرادات الإعلانات في الربع الثالث من نفس العام لحاجز المليار دولار لأول مرة.

وخلال الربع الأول من العام الحالي 2022 الزيادة السنوية لعدد المستخدمين في مصر والسعودية وصلت لأول مرة إلى حاجز المليون مستخدم (1.2 مليون مستخدم جديد في مصر ومليون مستخدم جديد في السعودية).

وغالبًا خلال 2-3 أعوام لينكدإن هتكون واحدة من المنصات الفعالة في الإعلانات في كذا دولة عربية، لو استمر معدل نمو المستخدمين عليها بنفس المستوى ده.

وأعتقد إن ده وقت مناسب للناس اللي عايزة تبدأ في تجربة التسويق على لينكدإن (أورجانيك / مدفوع) بحيث يكونوا مستعدين قبل ما المنافسة هناك توصل لمستويات عالية زي ما بيحصل لأي منصة لما عدد المستخدمين عليها بيزيد.

حتى لو إنت بتبيع منتجات استهلاكية (عطور - ملابس رسمية - أجهزة كمبيوتر - موبايلات - ....) ممكن تبدأ في استكشاف المنصة من دلوقتي كقناة تسويقية جديدة، بس حاول دائمًا نوعية المحتوى اللي بتنشره هناك يكون له علاقة بالحياة الوظيفية أو البيزنس.

يعني لو نشاطك بيع موبايلات وكمبيوتر ممكن تبدأ في نشر ترشيحات لبرامج أو تطبيقات زيادة انتاجية أو تصميم تقارير، وإرشادات عن تأمين الموبايلات أو أجهزة الكمبيوتر ضد الاختراق في أماكن العمل المشتركة، ومراجعات فنية عن مواصفات الأجهزة المناسبة لوظائف معينة.
ونفس الموضوع مع العطور والملابس الرسمية، إنشر ترشيحات لأنواع العطور المناسبة لمقابلات العمل، أو أخطاء شائعة في اختيار الملابس الرسمية وطرق ارتدائها، وهكذا.

ودي مجموعة نصائح ممكن تسترشد بيها لو لسه هتبدأ:

1- إبدأ ببروفايلك الشخصي وكمل كل بياناتك الرئيسية (هتلاقي مقال تفصيلي في أول تعليق بيشرح لك كل أقسام البروفايل وتعمل فيها إيه).
2- حاول تنشر 2-3 بوستات بشكل أسبوعي (ممكن تعمل إعادة صياغة للبوستات اللي بتنشرها على فيسبوك أو إنستاجرام لتناسب طبيعة مستخدمي لينكدإن).

3- لو مفيش لك حساب شخصي على لينكدإن ولسه هتعمل حساب جديد فلا تبدأ في إنشاء صفحة تجارية لنشاطك بعد إنشاء حسابك الشخصي مباشرة لإن طلبك هيترفض، استخدم الحساب في التفاعل بشكل طبيعي لمدة إسبوعين على الأقل، وبعدين اعمل الصفحة (هتلاقي خطوات إنشاء الصفحة بالتفصيل في نفس المقال في أول تعليق).

4- من أكتر أنواع المحتوى اللي بتجيب تفاعل حاليًا هي ملفات PDF قصيرة (5-10 صفحات) فيها إرشادات أو محاذير مكتوبة بخط كبير مناسب لتصفح تطبيق لينكدإن من الموبايل (سهل جدًا تعملها على Canva كمجموعة صور متتابعة وتحفظها كملف PDF وممكن تستخدم Google Slides أو Power Point).

5- إنشر على الصفحة التجارية وعلى الحساب الشخصي وفي بعض الأحيان شارك على حسابك الشخصي بوستات منشورة على الصفحة علشان تعرف متابعيك على الصفحة الجديدة.

6- إعمل بحث باستخدام المسمى الوظيفي للوصول إلى العملاء المحتملين المناسبين لك في الدولة اللي انت بتستهدفها وتفاعل مع المحتوى اللي بينشروه على حساباتهم الأول وبعدين ابعت لهم طلبات إضافة.

7- بلاش تبدأ في إنشاء إعلانات مدفوعة في الوقت الحالي لو ميزانيتك محدودة أو عايز تروج لمنتجات أو خدمات بشكل مباشر، الأفضل تواصل التسويق بشكل طبيعي (أورجانيك) لكذا شهر، ولما يكون عندك قاعدة معقولة من المتابعين اللي جبتهم بشكل طبيعي من خلال التفاعل ونشر المحتوى ( 500 - 1000 للصفحة التجارية و 1000-3000 في الحساب الشخصي) ممكن تبدأ في تجربة الإعلانات المدفوعة.

8- لما تبدأ في تجربة الإعلانات المدفوعة لازم يكون عندك على الأقل ميزانية 300-600 دولار في الشهر مخصصة للتجربة على مدار 3 شهور علشان التجربة تكون كاملة ويكون عندك بعد 3 شهور بيانات واقعية تقدر تبني عليها قرارات صحيحة للتوسع.

9- الحملة الإعلانية الاختبارية على لينكدإن يفضل تستمر لمدة 14 يوم متواصلين بميزانية يومية 20-30 دولار لمراعاة قلة مرات دخول المستخدمين لحساباتهم وانخفاض معدل توافرهم على مدار أيام الإسبوع مقارنة بفيسبوك وإنستاجرام.

10- يفضل كل إعلان موجود داخل الحملة يكون مخصص له 10 دولار يوميًا على الأقل يعني لو الحملة هيكون فيها 3 إعلانات خصص لها ميزانية يومية 30 دولار منعا لتفتيت ميزانية صغيرة على كذا إعلان. (ملحوظة: الحد الأدنى للميزانية اليومية 10 دولار بشكل إجباري).

11- في حالة استهداف الدول العربية حاول تخلي جمهورك واسع يعني حدد فئة عمرية ومجموعة اهتمامات مناسبة لمجالات عملهم، وخلى بالك إن تكلفة الألف مرة ظهور CPM حاليًا بتتراوح بين 100- 185 جنيه في مصر، وتكلفة النقرة CPC بتترواح بين 3 - 11 جنيه بحسب آخر تجارب خلال شهري فبراير ومارس 2022.

12- أول حملات ممكن تبدأ بيها هي حملات التفاعل Engagement ودي هتساعدك في زيادة عدد المتابعين لصفحتك التجارية وزيادة التفاعل على البوستات اللي بتروجها في نفس الوقت، وبعد كده ممكن تشتغل حملات كونفيرجنز لو عندك موقع ومثبت عليه LinkedIn Insights Tag.

13- ممكن تقدم طلب للحصول على كوبون بقيمة 50 دولار من لينكدإن وتضيفه في حسابك الإعلاني (صلاحيته سنة كاملة بعد إضافته في حسابك الإعلاني) بحيث لما تعمل أول حملة وتكون ميزانيتها 150 دولار مثلًا تدفع 100 دولار فقط، وده رابط مباشر لطلب الكوبون (مخصص فقط للمعلنين الجدد):

https://bit.ly/linkedin-promo-code-request

14- من وقت للتاني لينكدإن بيبعت كوبونات مجانية للإعلانات بقيمة 500 دولار إلى إيميلك بس بشرط تصرف 500 دولار زيهم الأول خلال فترة محددة.

15- لينكدإن مش منصة تسويقية مناسبة لكل المنتجات أو الخدمات التقليدية، لذلك من الأفضل قبل ما تبدأ في التسويق عليها تتأكد إن منتجاتك أو خدماتك لها علاقة بالحياة الوظيفية وتطويرها أو عالم البيزنس والأعمال بشكل عام بحيث تعلي من فرص نجاحها.

#كابسوليرا #تسويق #لينكدإن

13/03/2022

لو بتعمل إعلانات تقليدية لترويج منتجات وخدمات على الفيسبوك زي حملات التفاعل والرسائل وعايز تطور نفسك وتنتقل لمستوى أعلى، فكورس المستوى المتقدم هيكون مناسب لك جدا، لأنه هيساعدك على تنفيذ أساليب الاستهداف المتقدمة والتعامل مع البيكسل وحملات الكونفرجنز بنفسك.

في الفيديو ده جمعنا لك مقتطفات من بعض المحاضرات داخل كورس المستوى المتقدم علشان تتعرف على أسلوب الشرح.

رابط صفحة تفاصيل الكورس:

https://bit.ly/fbk-advanced-course

الكورس هيكون فيه شرح تفصيلي لعناصر الاستهداف اللي بيستخدمها المحترفين، وطرق تصميم ماركتينج فانلز، وإنشاء وإدارة حملات الكونفرجنز، وإنشاء جماهير مخصصة عالية الجودة مع نماذج من حملات إعلانية واقعية.

اشتراكك في الكورس بيتيح لك صلاحية الدخول إلى المحاضرات بشكل دائم ودراستها في الوقت المناسب لك بدون أي تجديد للاشتراك.

ملحوظة: يتم إدارة وتأمين عمليات الدفع على الموقع بالكامل عبر بوابة دفع إلكتروني معتمدة من البنك المركزي المصري.

#كابسوليرا #كورسات

13/03/2022

لو عايز تتعلم إنشاء وإدارة الإعلانات على الفيسبوك بشكل صحيح فالتحدي الأكبر اللي هيقابلك مش قلة المصادر التعليمية أو الكورسات وإنما كثرتها، ولذلك أهم حاجة لازم تاخد بالك منها أثناء اختيارك لأي كورس هي أسلوب الشرح وهل هيساعك على استيعاب المعلومات وتطبيقها بسهولة.

في الفيديو ده هتلاقي مقتطفات من بعض المحاضرات داخل كورس الأساسيات علشان تتعرف على أسلوب الشرح.

رابط صفحة تفاصيل الكورس:

https://bit.ly/fbk-basic-course

الشرح مبسط جدا وبيمشي معاك خطوة بخطوة من أول إعدادات الصفحات والحسابات الإعلانية وحسابات مدير الأعمال، وبعد كده أنواع المحتوى الإعلاني اللي بتحقق أفضل نتائج، وحتى التخطيط للحملات الإعلانية وتنفيذها بنفسك، وطرق إنشاء الجماهير المخصصة والمشابهة لإعادة استهدافها.

وكمان هتتعلم في الكورس كيفية تحليل نتائج الحملات الإعلانية وأهم معايير قياس نجاحها، وأهم المحاذير اللي لازم تتجنبها أثناء إنشاء الإعلانات.

اشتراكك في الكورس بيتيح لك صلاحية الدخول إلى المحاضرات بشكل دائم ودراستها في الوقت المناسب لك بدون أي تجديد للاشتراك.

ملحوظة: يتم إدارة وتأمين عمليات الدفع على الموقع بالكامل عبر بوابة دفع إلكتروني معتمدة من البنك المركزي المصري.

#كابسوليرا #كورسات

01/03/2022

في العام الماضي 2021 نظام ووردبريس لإدارة المواقع استحوذ على حصة سوقية تجاوزت 41% من إجمالي مواقع الإنترنت في العالم، ومع بدايات العام الحالي 2022 ارتفعت النسبة لتتجاوز 43%.

يعني تقريبًا من كل 10 مواقع موجودة حاليًا فيه 4 منها تعمل بنظام ورردبريس لإدارة المحتوى.

مصدر الإحصائية: manaferra.com

#كابسوليرا #كورسات #تسويق

24/02/2022

ضيف الشرف الافتراضي للمحاضرة رقم 15 في كورس المستوى المتقدم للتسويق على الفيسبوك، هو رائد اعمال من رومانيا إسمه كريستيان ستويسيسكو، اللي عمل Plugin بتسهل عليك إضافة البيسكل وواجهة API التحويلات مع بعض على مواقع ووردبريس بدون الحاجة لاستخدام أكواد برمجية.

إضافتك للفيسبوك بيكسل والكونفرجنز API مع بعض على موقعك في الوقت الحالي هيحسن من فاعلية الحملات الإعلانية اللي بتعملها بهدف بيع المنتجات أو الخدمات على موقعك.

وده لأن الكونفرجنز API يعتبر وسيلة نسخ احتياطي للأحداث اللي بيعملها الزوار على موقعك، وبيبعت بياناتها إلى حسابك الإعلاني في حالة عدم تمكن البيسكل من تتبعها لأي سبب من الأسباب زي استخدام زوار موقعك لبرامج حظر الإعلانات أو استخدامهم لنوافذ التصفح الخاص.

#كابسوليرا #كورسات #تسويق

15/02/2022

تقدر دلوقتي تشترك في كورس أوفلاين عملي في قاعة تدريب لاحتراف إعلانات الفيسبوك، علشان تتعلم أهم أساليب تخطيط وتنفيذ الحملات الإعلانية بنفسك لأي منتج أو خدمة.

المجموعة الأولى هتكون في قاعة تدريب بالمهندسين في الجيزة، وعدد المتدربين في الكورس هيكون 8 فقط لضمان سهولة الاستيعاب وتكثيف التطبيق العملي.

في الكورس ده هتتعلم معايا خطوة بخطوة:

1- آلية عمل الخوارزمية الجديدة لفرز وتوزيع المحتوى، وأهم طرق وأدوات إنشاء محتوى متميز لجمهورك المستهدف.

2- الطرق الصحيحة للتعامل مع الحسابات الإعلانية والصفحات وحسابات مدير الأعمال وضبط إعداداتها وحمايتها.

3- آلية عمل المزادات الإعلانية وإزاي تنشيء وتختار أنواع الجماهير المناسبة لكل نوع من الحملات الإعلانية.

4- أساليب الاستهداف وأعادة الاستهداف الاحترافية وتحديد ميزانية مناسبة للحملات الاختبارية والحملات الرئيسية.

5- طرق إنشاء مسارات تسويق Marketing Funnels مناسبة لنوع المنتجات أو الخدمات اللي بتسوق لها.

6- طرق تثبيت البيكسل والكونفرجن API على المواقع والمتاجر الإلكترونية، واستخدامهما في تتبع عمليات الشراء وإنشاء جماهير عالية الجودة.

7- خطوات إنشاء حملات إعلانية مناسبة لمتاجر إلكترونية قديمة / جديدة، ومنتجات/ خدمات تقليدية أو سعرها مرتفع.

8- أهم نماذج ونصوص ومقاسات الإعلانات اللي بتحقق نتائج كويسة جدًا في معظم الحالات وإزاي تعمل زيها.

9- أساليب تحسين نتائج الحملات الإعلانية وتوسيع نطاق استهدافها، وزيادة الإيرادات من العملاء الحاليين باستمرار.

10- طرق تشخيص وإصلاح أخطاء الحملات الإعلانية، مع إرشادات هامة مقتبسة من خبرة عملية تجاوزت 10 أعوام.

بعد انتهاء الكورس هيكون فيه 3 استشارات مجانية لكل متدرب على مدار شهر كامل للمتابعة والدعم.

هتستلم ملف شرح PDF أكثر من 200 صفحة مدعمة بالرسومات التوضيحية ومخططات إنشاء الحملات ونماذج الإعلانات.

الكورس هيكون مقسم على 8 محاضرات مدة كل محاضرة ساعتين ونصف بإجمالي 20 ساعة تدريبية خلال الفترة من 5 وحتى 29 مارس 2022.

تكلفة الاشتراك في الكورس في الخصم الحالي 1750 جنيه بدلا من 2500 جنيه (خصم 30% يعني هتوفر 750 جنيه).

عدد الأماكن محدود جدًا (8 متدربين فقط)، وسيتم غلق باب الاشتراك بشكل نهائي عند اكتمال العدد أو يوم 3 مارس أيهما أقرب.

سداد الاشتراك متاح باستخدام فيزا أو ماستر كارد، أو عبر خدمة فوري، أو عبر محافظ الموبايل (فودافون - اتصالات - أورانج).

لو عندك أي استفسارات إضافية تواصل معايا في أي وقت 😊

#كابسوليرا #كورسات

Capsulera

22/11/2023

21/01/2023

08/07/2022

08/04/2022

15/03/2022

13/03/2022

13/03/2022

01/03/2022

24/02/2022

15/02/2022

Address

Telephone

Website

Alerts

Contact The School

Shortcuts

Share

Category

Listing takedown request