حضانة Happy Kids

🌙 كيف تبرمجي طفلك إيجابيًا أثناء النوم؟
(طريقة فعالة للتأثير في سلوك الطفل بدون توتر ولا صراخ!)

🧠 هل تعلمين ماذا يحدث أثناء نوم الطفل؟
أثناء النوم، العقل الواعي يغيب تمامًا، لكن العقل اللاواعي (أو العقل الباطن) يظل في حالة انتباه واستقبال.
وهنا تأتي الفرصة الذهبية لبرمجة الطفل إيجابيًا، لأن العقل اللاواعي لا يُجادل ولا يفلتر، بل يستقبل ويُخزن مباشرة. 🌟

💡 معلومة علمية:
في أول 7 سنوات من عمر الطفل، يكون دماغه في حالة موجات "ثيتا" (Theta Brainwaves) وهي نفس حالة التنويم الإيحائي، مما يجعل الطفل أكثر قابلية للتأثر بالكلمات والمشاعر المحيطة به.
يعني: اللي بتقولي له وهو نايم، عقله بيخزنه كأنه حقيقة مؤكدة.

---

✅ الطريقة خطوة بخطوة:

1. 🛏️ انتظري حتى يغطّ طفلك في نوم عميق (من 20 إلى 40 دقيقة بعد نومه).

2. 👂اقتربي من أذنه اليمنى بهدوء وهمسي باسمه ثم عبارات إيجابية بلغة بسيطة ومحببة.

3. ⏱️ خصصي 3 دقائق يوميًا لهذا التمرين، وكرريه لمدة 14 يومًا متتالية لرؤية نتائج واضحة.

🟢 أمثلة لعبارات البرمجة:
لو اسم الطفل سُليمان 🤍🫶🏻 👇
– "سولي ولد شاطر"
– "سولي بيحب ماما وبابا"
– "سولي ذكي وبيفهم بسرعة"
– "سولي بيحب المدرسة وبيحب يحفظ قرآن"
– "سولي بيساعد أخوه وبيحبه"

---

🚫 تنبيه مهم جداً:
❌ لا تستخدمي أي جملة فيها نفي مثل:
– "سولي ما بيخافش"
– "سولي مش بيغلط"
العقل اللاواعي يحذف النفي تلقائيًا، فيُصبح المعنى: "سولي بيخاف" أو "بيغلط"!

✔️ استبدليها بـ: – "سولي شجاع وقوي"
– "سولي بيحسن التصرف"
– "سولي هادي ومريح"

---

🎯 حالات يمكن تحسينها بهذه الطريقة:

🔹 التبول اللاإرادي:
"سولي يقدر يصحى للحمام بسهولة، وبيحس قبل ما يحتاج يروح"

🔹 الخوف أو القلق:
"سولي شجاع، وبيحس بالأمان وماما دايمًا معاه"

🔹 الضعف الدراسي:
"سولي ذكي وبيحب الحساب والعربي"
"سولي شاطر في الإنجليزي وبيفهم بسرعة"

🔹 العصبية أو الغضب:
"سولي بيقدر يتحكم في مشاعره، وهادي وبيحب أصحابه"

---

📌 دراسات ونماذج واقعية:
في أحد المستشفيات، طفل تدهورت حالته بعد عملية بسيطة، واكتشف الأطباء أن المشكلة لم تكن جسدية، بل برمجية، حيث سمع الطاقم الطبي يتحدث عن وفاة مريض أثناء تخديره.
ولما أعادوا له نفس العملية بشكل تمثيلي مع كلمات إيجابية وهو تحت تخدير خفيف... تحسّن الطفل فورًا!
🧠 هذا دليل قوي على تأثير الكلمات على العقل الباطن حتى في حالات التخدير.

---

🎯 العمر المثالي للبرمجة:

🔹 من الولادة حتى سن 7 سنوات: أسرع استجابة وتأثير
🔹 من 7 حتى 15 سنة: ما زال العقل الباطن قوي وقابل للتأثر
🔹 بعد ذلك: يحتاج لأساليب أكثر تعقيدًا وجهدًا متواصلًا

---

📝 ملاحظات مهمة:

– إياك تقولي كلام سلبي عن الطفل حتى لو كان نايم أو مش منتبه
– الطفل بيسمع وبيخزن أكتر مما تتخيلي
– التكرار اليومي مفتاح النجاح (حتى لو كنتِ تعبانة، اعتبريها 3 دقايق استثمار في المستقبل)

---

📖 من كتاب "سر الطفل السعيد"
🌱 شاركي المعلومة مع أم تانية، يمكن تساعديها تغير سلوك طفلها للأفضل.

🤲 اللهم اجعل أبناءنا قرة أعين لنا، وبارك فيهم واصلح حالهم.
ولا تنسوني من صالح دعائكم ❤️

س سؤال يا سِت ماما :-

مغرقاني بودرة تلك و برفانات ليه ...؟؟!!

أنا أصلاً من غير حاجة ريحتي حلوة لإن معنديش غُدد عرقية زيكم إنتم الكُبار .. غير إن بودرة التلك بأي نوع ممكن على المدى الطويل تسببلي حساسية على صدري و البرفانات الكتير بتخلليني مش عارف أشم ريحتك و دا بيقلب مزاجي و بيضايقني كمان ممكن تسببلي حساسية جيوب أنفيه .. من فضلك تكتفي بالشاور و هدومي تكون نظيفة غير كده أنا مش محتاج حاجه 😎

س سؤال تاني يا أمي :-

بتشيلي إيدي من بُقي ليه .... بتضايقيني ليه .... أنا ضايقتك في حاجه يا ستي ؟؟!!
أقوى خلايا حسية عندي و أنا صغير بتكون في الفم و بتكون أقوى كمان من الخلايا اللي في أطرافي ... علشان كده باستخدم فمي في الإستكشاف و كل حاجه هحطها في بقي لِعب ... إيدي ... رجلي ...أنا حر يا ناس
كُل اللي عليكي تبعدي عني الحاجات الصغيرة علشان ما تسببليش إختناق لا قدر الله .... و لو ...لو ... لو.... إستمريت في مص صوابعي لِعُمر ٣ سنوات إبقى إبدأي دوري على حل ... أظن مفيش أسهل من كده 😎

س سؤال تاني يا ماما يا مجنناني :-

مِش بتقصي أظافري بإنتظام ليه .... هاه .... ليه ؟؟؟
يا مامتي يا حبيبتي أنا ضوافري بتطول أسرع منكم إنتم الكُبار بمعدل الضعف يعني ضافرك لو بيحتاج يطول في إسبوع بيطول عندي في ٣ أيام بس لإن التمثيل الغذائي عندي أسرع ف ياريت تخللي بالك من النقطة دي لإني خرشمت وشي و بقى شكلي شوارِع ..😎

س سؤال لمامتي :-

هو ليه بتضايقي لما بأقرصك و الا بألسوعك و الا بأمسك صوابعك و إنت بترضعيني .... أنا بالطريقة دي بقولك بحبك ... مش بأعرف أتكلم يا ناس و دي طريقتي في التعبير ...إفهموها بأه 😄

س سؤال لوالدتي الحبيبة :-

ليه كُل الجيران يعرفوا إني مسهرك طول الليل .. ليه الفضايح دي ؟؟!!
أولاً أنا بأنزل من بطنك مش عارف ليل من نهار و دا لإن ساعتي البيولوجية لسه مش شغاله .. كمان المواد اللي جسمي بيفرزها علشان أنام بيبقى إفرازها غير منتظم ... و كل دا بيبدأ يتظبط عند الشهر السادس و بشوية تنظيم منك بإنك تهدي الجو بالليل و تضلمي الدنيا و تساعديني أنام ... هاعرف الليل من النهار و أنام زي الناس .... بس لو ماعملتش كده إستحمليني إبنك بردُه و واجب عليكي 😄😄😄

دا مش سؤال دا طلب من الغالية 😄:-

من فضلك لو فتحتيلي قصة مصورة علشان تقرئيهالي ما تتضايقيش إن إتحمست و بخبط على الصفحات و تزهقي و تقفلي القصة .... أنا في السن الصغير بشوف الصور ثلاثية الأبعاد و ببقى فاكر إني هاقدر أمسكها زي اللعب .... أصبري عليا و كملي قراءة و فرجيني على الصور لإن دا هايساعدني أوسع مداركي و أبقى أذكى و أتطور بسرعة و أنا أوعدك بعد السنة هشوف الصور ثنائية الأبعاد و مع الوقت هاسمع القصة و أنا عاقل 😌😄

نِرجع للأسئلة 🤨....س سؤال للست ماما العزيزة :-

هو لازم خالتو ديدي و طنط نونا و أنكل مو و أنّا ميمي يعرفوا إني بريّل و مفاصلي بتطقطق.... لازم ؟؟!! و الله ما لازِم و لا حاجه 😄
أنا بريّل علشان جهازي العصبي لسه ما إكتملش و قدرتي على البلع لسه ضعيفة و بالتالي مش بقدر أبلع كُل اللعاب و دا مش شرط يكون تسنين و لا فطريات ... أنا كِده خلقتي كِده و مع الوقت و بعد عُمر سنة الأمور بتتحسن .... ماشي 😉

نيجي بأه للطقطقة و اللي بتبقى بسبب إن أوتاري بتتزحلق على بعضها يعني حاجه طبيعية في سنّي و لا هي خشونة و لا تٱكل في المفاصل دي حاجات تجيلكم إنتم الكُبار 😜😜
تقلقي بس لو لقيتي مِفصل الفخذ هو اللي بيطقطق و في الحالة دي خالتو دينا و طنط زينب و أنكل فرحات و أنّا بهيجة مش هاينفعوكي 😄😄.... هتختصري و تروحي بيا على دكتور عظام أطفال يطمنك إني معنديش خلع في مِفصل الفخذ ... ألف بعد الشر عليا طبعاً 😌

ازاي هملي يوم طفلي لما هنمنع الكارتون والتلفزيون والموبايل والتاب والكمبيوتر والانترنت ؟

التليفزيون و التاب و الموبيل و الكمبيوتر كلها حاجات ليها وقت محدد مسموح بيها علشان متضرش الطفل

الوقت المسموح هو ساعتين في الأسبوع و من بعد 8 سنين ممكن ساعة في اليوم لكل أم تخطت الوقت ده بمراحل و ولادها بيقضوا ساعات من يومهم قدام الكرتون

بغض النظر هو كويس ولا لأ حتي لو مقعداه قدام قناه تعليمية للأطفال و الكلام ينطبق علي قناة براعم اللي للأسف الشديد امهات كتير مضايقة انها بقت بأشتراك و أطفال كتير متأثرة نفسيا كأن حاجة مهمة أوي في حياتهم اختفت مش مجرد قناه

لو تجاوزتي الوقت المسموح أي كان المحتوي ده سبب كافي ان طفلك سلوكه يسوء و تركيزه يقل علي جميع المستوايات طيب اصل هما بيزهقوا العب معاهم ايه ؟

طب هلهيهم في ايه لحد ما اخلص اللي ورايا؟

دي افكار تساعدك :
*اختاري اللي يناسب سن و شخصية طفلك و ممكن تاخدي الفكرة تطوريها او تبسطيها حسب سنه

1-مشاركة في تنظيف أو ترتيب البيت
2-احكوا حدوتة
3-اعملوا مسرح عرايس و خليهم هما يعملولك القصة و انت اتفرجي
4-الواح ورق كبيرة عالحيطة و يرسموا بخامات مختلفة الوان خشب,فرشة و الوان مياه,الوان اصابع ,لوح سودا و يرسموا بالطباشير مش كراسة رسم و علبة الوان و اقلب :D , و ممنوع كراريس التلوين الللي فيها رسومات جاهزة مطبوعة و هو يلون لأنها من معوقات الإبداع

5-العاب مطبوعة يحلوها زي الاختلافات و المتاهة و انهم يدوروا علي حاجات في مشهد

6-تتفرجوا علي فيلم قصير او كرتون عن قيمه معينه و تتناقشوا فيها

7-تتفرجوا علي اي مشهد من فيديو و بعدين تسألوا بعض فيه مثلا كانوا في مكان شكله ايه ؟لبسهم؟عددهم؟

8-بازل فيه من اول ال 4 قطع لحد ال 300 قطعة و اكتر

9-اي مكعبات مبتتجابش و نرميها للطفل و خلاص و بعدين نقول محبهاش لأ لازم نطور فيها مره نعملها عربية و نركب فيها لعبة تانية مره نعمل بيت علشان نمثل بيه حاجة تانية ,مره نعمل حيطة صغيرة علشان نداري ايدنا وراها في مسرح العرايس اتفقوا علي فكرة و سيبيه ينطلق فيها

10-تقليد اصوات كل واحد يقلد صوت حيوان او حاجة و الباقي يخمنوا
11- عروستي :دي ممكن تلعبيها مع ولادك و انت في المطبخ يقعدوا عالباب و تلعبوا اي حاجة موجودة في الشقة حد يوصفها و الباقي يخمنوا مثلا عروستي ؟ حاجة حمرا ,عروستي ؟ بتتاكل ,عروستي؟ بتتقطع عالسلطة (طماطم)

12- بدل ما نتعلم الحروف و الارقام عالورق نجيب طبق مليان رمل او ملح و الطفل يكتب بصباعه بعدين تلخبطوه و تكتبوا غيره و ممكن لوحده يعقد يرسم بنفس الطريقة

13-فصل الحاجات : مكرونة و عدس و طبقين و الطفل يفصل كل حاجة في طبق ممكن لو سنه صغير نخليه يفصل حاجات اكبر و اسهل و ممكن نطبق نفس اللعبة في فصل الالوان يعني يفصل كل الاحمر لوحدة و الابيض لوحد و ممكن نلعبها في سبت الغسيل يفصل لبس ماما عن بابا عن لبسه يعني كل لعبه مرنة و تنفع لأي سن ^_^

14-نعمل صلصال منزلي (كوب دقيق+نص كوب ملح+معلقة زيت+الوان طعام ) و نعجنها بمايه لحد ما تظبط و نخلي الطفل يعجنها بنفسه ,ممكن تقعد لأسبوع في التلاجة في كيس

15-أي حاجة يدوية شوية خامات الطفل يطلع منها حاجة

16-سينما : تضلموا الغرفة و تعملوا فشار و عصير و يبقي حد مهمته يحط الفشار في اكياس و حد يوزع تيكت و حد يظبط المكان و تتفرجوا علي اي فيديو حتي لو ربع ساعة ممكن مره عن الحيوانات مره طيور مره اسماك بلاش مش لازم كرتون

17-مخييم في الصالة :D مره في الاسبوع في الشهر اي كان المناسب تطلعوا مرتبة بره و تناموا كلكوا جمب بعض ده مفيد جدا للأطفال اللي لسه بتتعلم تنام لوحده بيبقي حافز حلو ليهم اننا كل فترة هنام كلنا سوا شرطها تكون بره مش في غرفة الاب و الام علشان الطفل ميرتبطش بالغرفة و يروحلها كل يوم

18-خيمة : كرسيين و فوقهم كوفرته او اي خيمة بشكل بسيط الطفل يتعلم يعملها و يعقد فيها يلعب اللي يحبه ,بيفرحوا بيها جدا :D

19-تمثيل : حد يمثل تعبير بالوجه و التاني يقول معناه (زعلان-فرحان) ممكن حد يمثل وظيفة ...

20- لعبة المطعم نعمل في يوم منيو و حد يبقي طباخ و حد جرسون و كده او اوبن بوفيه و نتعلم من خلالها اداب الطعام بشكل مبسط

21-هيحصل ايه ؟ نطرح سؤال افتراضي و كل واحد يجاوب زي هيحصل ايه لو السماء مطرت رز بلبن :D ؟ ممكن نبسط السؤال ,هيحصل ايه لو صحينا لقينا في البيت قطة ؟ ... طبعا لو ابنك بيترعب من القطط ده مش سؤال مناسب :D

22-سوق الخضار و الفاكهة :الأم تعمل بياعة في السوق و الأطفال يشتروا و يغسلوا و ياكلوا اللي اشتروه ^_^ و لازم تبقي متقنة يعني كل ما الام تتقمص اللعبة هتحلو

23-نعمل كيك او كب كيك و نحط اطباق كريمة,فواكه ,بسكوت ..و كل واحد يزوق حته (نبعد عن عجينه السكر لأن سكرها عالي و اي سكريات كتير بتهيبر الطفل)

24-الميك معاك : نجيب ميكروفون بيتباع ب 15 جنية و نركبه في السماعات و كل واحد يبقي ليه فقرة يطلع بقي يغني ,يحكي حدوتة ...فقرتك كأم ممكن تحمل رسالة غير مباشره عن اللي تحبيه

25-كمل الحدوتة : حد يبدأ مثلا كان مره واحد ماشي و فجأة ...التاني يكمل و لو الطفل مش عارف يتخيل ممكن اسيبله النهاية بس يعني كان فيه مره ولد قلمه ضاع فخد من مصروفه و راح المكتبة .... و الطفل يكمل

26-اجتماع عائلي : مره في الاسبوع تجتمعوا و كل واحد يقول اكله ليوم في الاسبوع الجي و تعملوا منيو الاسبوع فطار غدا عشا مكتوب و متعلق

ده مهم جداااا في تعليم الطفل النظام و للأطفال اللي بتصحي ماما هفطر سندوتش جبنه بعدين تعمليه يقولك لأ بيض و ينتهي الموضوع بخناق لكن مع وجود الجدول هيقولك لأ بيض هتقوليله حاضر يا حبيبي هكتبها في منيو الاسبوع الجي و بس

و بتعلمهم الإيثار بمعني بابا مختار في يوم ملوخية و فراخ و سلطة و رز جه اليوم ده و ابنك مش بيحب الملوخية بياكل سلطة و فراخ و رز بس مش بتعمليله اكل مخصوص

و ده ينطبق علي باقي الايام لو الاب مبيحبش حاجة الطفل مختارها برضه هياكل باقي الموجود و ميتعملوش مخصوص ...

27-عكس الادوار : لمدة ساعة مثلا ابنك ياخد دور ا

الرعاية النهارية👇
هي بيئة بديلة للبيت يتخللها أنشطة تدريبية فردية/جماعية وِفقاً لحالة الطفل وتشخيصه مع مراعاة الفروق الفردية والاضطرابات السلوكية المصاحبة.
وشكرا 🤓

اول مرة ركبت الطيارة استغربت جدا من الجملة دي؛

"في حالة انخفاض الأكسچين في كابينة الطائرة سوف تنزل تلقائياً أقنعة الاكسجين وانه علي الكبار وضع القناع اولاً قبل مساعدة الصغار" !!!
يعني انقذ نفسي قبل ما انقذ ابني؟؟؟
افكر في نجاتي من الموت قبل ما افكر في نجاة ابني؟؟

بس لما فكرت بعمق لاقيت اني لو حاولت أخلي طفل يلبس القناع (وطبعا ده مش امر سهل لانه هيقاوم) وانا اصلا مش واصلي أكسچين،
هتخنق.. ومش هاقدر اساعده 😨

علي فكرة، ده بالظبط اللي بيحصل علي المستوي النفسي
لو بتحاول تشبع احتياجات طفلك وانت مش شبعان .. هتتخنق ومش هتقدر تساعده
لو بتحاول تعتني بنفسية طفلك من غير ماتعتني بنفسك
هتتخنق ومش هتقدر تساعده
لو بتحاول تقبل طفلك وانت مش قابل نفسك او جسمك او شكلك
لو بتحاول تسامح طفلك وانت عمرك ماعرفت تغفر لنفسك
هتتخنق ومش هتقدر تساعده

اقبل نفسك.. حب شكلك.. اغفر لنفسك..
ادي نفسك الحق انك تقول تعبت.. مش قادر..
اعترف باحتياجك للحب، للحضن، للتشجيع، للقبول..
وقتها بس هتقدر تساعد ابنك
وقتها بس مش هتتخنق قبل ماتنقذه..
منقول

*خطوات تعليم الأطفال احترام الآخرين*
👇👇👇👇👇👇👇👇

*ابدأ باكراً وفي أي وقت:*
الأطفال يطوّرون منظومة القيم لديهم سواء تدخل الأهل بذلك أم وقفوا على الحياد، وعلى الرغم من تأخر قدرة الطفل على إدراك وفهم المفاهيم المجردة وغير المادية؛ لكنه يكتسب معاني هذه المفاهيم من التفاعل مع أسره وبيئته الاجتماعية، لذلك يجب أن تبدأ بتعليم أطفالك احترام الآخرين في وقت مبكر، ومهما كان عمر الطفل يجب أن تبدأ بتعليمه قيمة الاحترام الآن، فحتى إن فاتت فرصة غرس قيمة الاحترام في مرحلة مبكرة، ما زال ذلك ممكناً.

*كن محترماً في التعامل مع أطفالك*: أهم خطوة في تعليم الأطفال قيمة الاحترام أن تكون محترماً في التعامل معهم، لا تتوقع أن تتعامل مع أطفالك بعنف واحتقار وتنمر، ثم يتعاملون هم معك أو مع الآخرين باحترام، فالطفل يكتسب قيمة الاحترام من الطريقة التي يتعامل فيها الوالدان معه، والطريقة التي يتعامل فيها أفراد الأسرة مع بعضهم البعض.

*كن قدوة حسنة لطفلك*: ليس فقط في التعامل مع الطفل، بل أيضاً في التعامل مع الآخرين أمام الطفل، في التعامل مع الجيران ومع المارة في الطريق وفي التعامل مع مقدمي الخدمات والعمال...إلخ، فالطفل يرى ما تفعله ويقوم بتقليده، عندما تتعامل باحتقار مع المتسول في الشارع ستجد طفلك يقلدك وربما يقوم بتعميم السلوك على شريحة أكبر من الناس.

*علم طفلك احترام ذاته*: كما يجب أن يفهم الطفل أن قيمة الاحترام تنبع من احترامه لذاته بالدرجة الأولى، وكلّ ما استطعت تعزيز احترام الطفل لذاته -من خلال التعامل معه باحترام- كلّما تعمّق في نفسه احترام الآخرين ورسخت لديه قيمة الاحترام.

*علم طفلك الردود والتصرفات المهذبة:* امنح طفلك مخزوناً من الردود المهذبة وساعده على استخدامها من خلال شرح المواقف التي تناسبها، علّم طفلك مثلاً ضرورة قرع الباب قبل دخول الغرفة حتى وإن كانت غرفة أخيه أو غرفة مشتركة، علم طفلك أيضاً احترام خصوصية الآخرين وعدم التدخل في أمور لا تعنيه، وعلمه الردود المحترمة مثل "شكراً" أو "من فضلك"، وتذكر أن أقصر طريق لتعليم الطفل الاحترام أن يعايش هذه العبارات والتصرفات المحترمة، وأن يرى بعينه كيف تطلب أنت الأغراض من البائع باحترام، وكيف تخاطب أهل بيتك بشكل محترم.

*راقب كل ما يتعرض له طفلك*: الأسرة ليست المصدر الوحيد الذي يكتسب منه الأطفال قلة الاحترام، فهناك الأسرة الممتدة والأقارب، الأقران والأصدقاء، والمدرسة، وما يراه الطفل على شاشة التلفاز وفي مواقع التواصل...إلخ، لذلك عليك تتبّع مصدر السلوك غير المحترم حين تلاحظه على الطفل، فإن استطعت إبعاد هذا المصدر ومنعه كان بها؛ وإلّا يجب أن يفهم الطفل أن هذا المصدر ليس قدوة مثالية ولا يجب أن يقلده أو يتّبع سلوكه.

*نبِّه الأطفال للسلوك غير المحترم*: عندما يمتلك الطفل فكرة وافية عن السلوك المرغوب من خلال الحديث عن الاحترام وتقديم السلوك النموذجي؛ كل ما يبقى تنبيهه إلى بعض الأخطاء والزلات والتصرفات غير المحترمة، وإن لم يكون سلوك عدم الاحترام عند الطفل مستقراً، فكل ما عليك فعله هو تنبيه الطفل بهدوء بينك وبينه أن هذا السلوك مرفوض وغير محترم ويجب عليه الاعتذار عن تصرفه وتصحيح الخطأ.

*اجعله يقيّم موقفاً من وجهة نظره:* من الخطوات الفعالة في تعليم الطفل القيم عموماً أن تسأله عن تقييمه لبعض الموقف التي يراها في الشارع أو على التلفاز أو في المطعم، اسأل طفلك عن تصرف أحد الزبائن الفظ مع مقدمي الخدمة، أو عن تصرف الشاب الذي نهض من كرسيه ليفسح المجال لامرأة مسنة، استمع للآراء طفلك وشاركه الحوار.
💫💫💫💫💫💫💫💫
*د.هنا ناصر*

1. الزبادي:
يعتبر الزبادي من أشهر الوجبات التي تساعد على نمو المخ والمحافظة على خلاياه وزيادة الذكاء عند الأطفال لذلك يسمي الزبادي اليوناني بطعام المخ (Brain Food) ويحتوي الزبادي اليوناني علي كمية كبيرة من فيتامين ب المركب والذي يساعد علي نمو خلايا المخ وسلامة النواقل العصبية بين الخلايا.

2. الخضراوات:
الخضراوات تعتبر أحد الأطعمة التي تساعد على تقوية ذكاء الأطفال حيث ان الخضراوات الطازجة تحتي على كمية كبيرة من مضادات الأكسدة والتي تحمي خلايا المخ من السموم، وتعتبر الخضراوات ذات الأوراق الخضراء
بالإضافة الي الكرنب والبطاطس والقرع والجزر والسبانخ مصدر غني بحمض الفوليك والذي يقوي الذاكرة ويمنع النسيان.

3. البروكلي:
البروكلي يعتبر من الأطعمة المغذية للمخ حيث يحتوي على مادة DHA والتي تحافظ على خلايا المخ بالإضافة الي مقاومة السرطان.

4. الافوكادو:
الافوكادو يساعد بشكل كبير على تقوية ذكاء الاطفال حيث يحتوي علي دهون مفيدة جدا لخلايا المخ كما يحتوي الافوكادو علي بعض الاحماض الامينية المفيدة للنواقل العصبية في المخ ويحتوي أيضا علي كمية كبيرة من فيتامين ب المركب والذي يمنع ارتفاع ضغط الدم عند الأطفال.

5. الأسماك:
تساعد الأسماك علي تقوية ذكاء الاطفال نظرا لاحتواء بعض الأسماك مثل التونة والسلمون والمكاريل علي نسب عالية من الاوميجا 3 التي تحافظ علي خلايا المخ وتساعد علي تقوية ذكاء الاطفال.

6. البيض:
يساعد البيض علي تقوية ذكاء الأطفال نظرا لاحتوائه علي الاوميجا 3 والليوتين والكولين وهي المواد التي تساعد علي التركيز في المذاكرة.

7. الحبوب الكاملة:
الحبوب الكاملة تساعد علي تقوية ذكاء الأطفال لأنها تعتبر وقود المخ وامداد خلايا بالطاقة والحيوية وتحتوي الحبوب الكاملة أيضا علي نسبة عالية من حمض الفوليك الذي يحافظ علي خلايا المخ ويساعد علي زيادة التركيز.

8. الشوفان:
الشوفان أيضا يعتبر من الأطعمة المفيدة للمخ وتساعد علي تقوية ذكاء الأطفال وزيادة التركيز والاستيعاب حيث يحتوي الشوفان علي الزنك وفيتامين ب المركب وفيتامين هـ . (تباعوا ايضا: 7 فوائد صحية مذهلة للشوفان في طعام الأطفال)

9. التوت:
التوت أيضا يساعد علي تقوية ذكاء الأطفال حيث أوضحت الأبحاث والدراسات دور المخ في زيادة التركيز والاستيعاب عند الأطفال.

10. المكسرات:
المكسرات مثل الجوز واللوز تحتوي علي كميات كبيرة من فيتامين هــ والذي يحافظ علي الذاكرة ويساعد علي تقوية ذكاء الأطفال كما تحتوي هذه المكسرات علي فيتامين ج والذي يساعد علي زيادة مناعة الأطفال.

#الخوف عند الاطفال.
**********
يتكون الخوف عند الأطفال .......

نتيجة لنقص الادراك وطبيعة التخيل عند الأطفال

المشكلة ان الخوف يتحول بعد ذلك الى فوبيا مثل فوبيا الخوف من الأماكن المرتفعة , او الخوف من الأماكن المغلقة و هنا تكمن الخطورة

#انواع الخوف عند الاطفال :-

الخوف الصحى :-
*******
وهو ما يسمى بالحذر وهذا مطلوب مثل خوف الطفل من السيارات فلا يمشى بمفردة في الطرق السريعة

او الخوف من النار في هذه الحالات او الخوف من الفشل فيداوم الطفل على مذاكرته يعتبر الخوف امر صحى.

الخوف المرضي :-
*********
وهو خوف مبالغ فيه عند الأطفال يبدأ بامور بسيطة مثل الخوف من الجلوس بمفرده

او البعد عند الاب والام وينتهى بارتباط مرضي بامه........ او بالخوف المجتمعى والميل للوحدة وهذا امر خطير ويجب ان ننتبه له على الفور

#أسباب الخوف:-
*********
تعرض الطفل لاشياء مؤلمة في حياته مثل الخلافات بين الاب والأم

او رؤيته للأب يضرب الأخ او الزوجة بعنف شديد فيتحول الامر الى عقدة عند الطفل ويعمم الامر ويبدأ الخوف من الجميع وليس الاب فقط

القصص المخيفة
التي نحيكها لاطفالنا حتى يصبحون اكثر طاعة فالكثر من الأمهات يهددون اطافلهم بالظلام او العفاريت او بالنار في حالة امتناعهم عن الاكل ,

وهذا امر خطير فالاطفال لا يفرقون بين الحقيقة والخيال وبالنسبة له يعتبر هذا الخيال امر واقعى وسيزداد الخوف عنده مع الوقت

انتقاد الطفل والتوبيخ والعنف المبالغ فيه يؤدى الى تولد مشاعر الخوف بداخل الطفل

افلام الكرتون وافلام الرعب ومشاهدة الافلام وما بها من انواع الشر

تقوم الام بتخويف ابنها او ابنتها سوف اعطيك حقنه ......حوريك ......حرميك جنب الجامع .....واشياء اخرى كثيره

#علاج الخوف عند الاطفال :-
**********
مبدايا هناك فرق بين الخوف والاحترام.......... فرق كبير بين ان الطفل يخترم اباه او يخاف منه الخلط بين الامرين يسبب مشاكل

1-البعد عن الخناق والقلق امام الأطفال واى خلاف بين الاب والام يجب ان يكون في الغرف المغلقة وليس امام الأولاد.

2-البعد عن عبارات التهديد المبالغ فيها فليس من الصحيح ان تقولى لطفلك لو لم تتفوق في دراستك سيكون عقابك شديدا جربي ان تعديه بهدبة اذا تفوق و تاكدى ان النتائج ستكون افضل.

3-بث العابرات الإيجابية للطفل دائما مثل انت افضل انت ذكى انت شجاع العبرات الإيجابية لها مفعول السحر في تغير سلوك الأطفال وبناء شخصيات سوية.

4-يجب ان نتعامل مع أطفالنا على قدر عقولهم انزل لمستوى طفلك اشرح له ان مع فعله خطأ واقنعه لكن لا تضربه.

5...البعد عن افلام الرعب والكرتون وما تحتويه من الساحره الشريره وخلافه

6...اشعرى اولادك بالامان بحبك لهم وحضنك وابتسامتك وتعاملك الجميل معهم بعيدا عن العصبيه والضرب والاهانه
وعندما يشعر الطفل بحب والديه يجد الامان بوجوده فتهدا نفسه وترتاح ولا يعرف الخوف ابدا

وأخيرا نصيحة من القلب لجميع الإباء والامهات الخوف عند الأطفال من اخطر الأمور التي تدمر شخصية أولادنا فيجب ان نفرق جيدا بين خوف أطفالنا منا وبين احترمهم لنا

فما نزرعه الان سنحصده غدا.

#منقوووووووووول

من كبر ولم يعش طفولته، فسيجد أجزاء من شخصيته لم تنضج بعد، يظهر ذلك بفقدان السلام الداخلي وظهور الانفعالات الحادة.

‏كيف تصنع ولداً متعبا نفسياً ، وكيف تصنع ولداً منضبط السلوك وقوي ؟؟؟
‏
‏معادلة تربوية :
‏نقد جارح + تسلط = شخصية مدمرة
‏
‏معادلة تربوية :
‏مقارنة سلبية + تحقير = هدم شخصية

‏معادلة تربوية :
‏حماية زائدة + عدم تحميل للمسئولية = إتكالية
‏
‏معادلة تربوية :
‏احترام + مدح = ثقة عالية بالنفس
‏
‌‏معادلة تربوية :
‏تجاهل للسلوك السلبي + تركيز على السلوك الإيجابي = تعديل سلوك
‏
‏معادلة تربوية :
‏تكليف الابن بمسئولية + مساندته عند الحاجة = شخصية رجولية

‏معادلة تربوية :
‏إعطاء ثقة + غرس قيمة الصدق = رقابة ذاتية

‏تستحق الحفظ في ذاكرة كل أب وأم

I ❤️ MOHAMED

😍😍❤️❤️