وَازِن - wazen

وَازِن - wazen حملة وَازِن بنؤمن إن الحياة تبقى زينة وفيها سعادة لما يبقى عندك توازن حقيقي. فكلامنا مش بس عن الرياضة ولا عن المذاكرة، ده عن موضوع أكبر بكتير!

عشان نساعد بعض ونستفيد من خبراتكم، حبينا نعرف آرائكم في المواضيع التالية:- كيف تحافظ على التوازن بين صحتك النفسية وممارس...
24/05/2024

عشان نساعد بعض ونستفيد من خبراتكم، حبينا نعرف آرائكم في المواضيع التالية:

- كيف تحافظ على التوازن بين صحتك النفسية وممارسة الرياضة؟
- كيف تتعامل مع التوتر والضغوط النفسية؟
- ما هو اقتراحك أو نصيحتك للحفاظ على التوازن بين الصحة النفسية وممارسة الرياضة؟

بنشارك معاكم نتائج الاستبيان اللي شاركتونا فيه، ونتمنى إنكم تشاركونا إجاباتكم في التعليقات، علشان نقدر كلنا نستفيد من تجاربكم ونصايحكم.

23/05/2024

علشان في ناس بتحب تشوف حلول من ناس خبرة، جبنالكم خبراء بيتكلموا عن إزاي نقدر نوازن في حياتنا بين الشغل والحياة. وطبعاً، نقدر نبدل الشغل بالدراسة أو أي حاجة تانية بتاخد مننا وقت أو إننا بنسوف في المهام اللي علينا.

How to make work-life balance work | Nigel Marsh
https://youtu.be/jdpIKXLLYYM?si=HNxjA3tRgMJMfctz

3 rules for better work-life balance | The Way We Work, a TED series
https://youtu.be/4c_xYLwOx-g?si=eZC-v_l4GhScFWma

Inside the Mind of a Master Procrastinator | Tim Urban | TED
https://youtu.be/arj7oStGLkU?si=XwyvcQX9fIblcAGc

ولو في حل بتعمله عشان توازن، ممكن تكتبهولنا في التعليقات عشان تفيد الناس.

#وَازِن
#صحة
#رياضة
#دراسة


في الحقيقة إجابتك للسؤال اللي فات محتاج تقف عندها شوية، لأن وبالرغم انى قولتلك انك مش ناوي تعمل حاجة تاني إلا إن معظم ال...
22/05/2024

في الحقيقة إجابتك للسؤال اللي فات محتاج تقف عندها شوية، لأن وبالرغم انى قولتلك انك مش ناوي تعمل حاجة تاني إلا إن معظم الناس هتختار متنزلش تفضي اليوم مع صحابها. والموضوع اللي فات هو على سبيل المثال لا الحصر، فالبعض هياخد نفس الموقف لو كان عنده امتحان في الكلية وما بعدها او مقابلة عمل أو مقابلة شخصية مهمة أو أو أو..
وديه مفارقة لو فكرت فيها هتلاقيها غريبة جداً، انت حرفياً مستعد تلغي يوم من حياتك لو مش اكتر بدون سبب، طب ليه؟
الإجابة هي "الضغط النفسي" ، الضغط النفسي هو النقطة القادرة على إنها تشقلب اتزان حياتك وتُخِل بكل المعايير اللي انت كنت مفكر انك هتحققها، الضغط النفسي اللي ولده المجتمع بالطريقة اللي بقى بيحدد بيها نجاحك واللي لو متعاملتش معاها بذكاء كفاية هتدمرك قبل ما تنجحك.
بداية الاتزان بتيجي مع بداية السلام النفسي، وبداية السلام النفسي بتيجي مع السعي والرضا بالنتائج اللي اختارها ربك اياً كانت.
كل ما الواحد بيكبر بيزيد يقينه في حاجة واحدة وهي ان كل حالك من توفيق ورزق وهداية وبركة لله، كله لله، بإرادة الله وبقدر الله.
{يقُولونَ هَلْ لَنَا مِنَ الأَمْرِ مِنْ شَيْءٍ قُلْ إِنَّ الْأَمْرَ كُلَّهُ لِلَّهِ}
ليس لك من الأمر شيء، ما عليك إلا السعي، وما شاء الله كان، وما لم يشأ لم يكن.
الإيمان بده هو أول وأهم وممكن نقول أخر خطوه عشان توصل التوازن اللي بتدور عليه.
ولكن مفهوم التوازن لا بد من تصحيحه فالبعض لا يرى في الحياة إلا العمل المتواصل والبعض لا يرى الحياة إلا فرصة للمتعة والشهوة المطلقة. والاتنين فاتهم الصواب. فخير الأمور اوسطها. بل لا شئ احسن من التوازن فالتوازن هو الاعتدال والوسطية وعدم الإفراط والتفريط أو الغلو والتقصير.
يقول ابن الوردي :
ألا فاسْتَقِمْ في كل أمرِكَ واقتَصِدْ
فذلك نَهْجٌ للصراطِ قَوِيمُ
ولا تكُ فِيْه مُفْرِطًا أو مُفَرطًا
كلا طرَفي كل الأمورَ ذَمِيمُ
منتظركم تاني لاستكمال رحلتنا..
#وَازِن

سؤال محتاج تسأله لنفسك، كام مرة حسيت انك مقصر في حق نفسك، أو في حق دينك في حق صحابك في حق اهلك او في حق مذاكرتك او شغلك ...
20/05/2024

سؤال محتاج تسأله لنفسك، كام مرة حسيت انك مقصر في حق نفسك، أو في حق دينك في حق صحابك في حق اهلك او في حق مذاكرتك او شغلك او جسمك او نفسيتك؟
كتير صح؟ وغالباً التقصير بيبقى بسبب انك بتيجي على حاجة على حساب حاجة تانية، وغالباً بردو بيبقى بسبب انك مدي لحاجة اهمية وضاغط نفسك فيها لدرجة انك بتوصل لمرحلة انك نفسياً مش مهيأ تعمل حاجة تاني، وييجي ضميرك يقولك خلي بالك انت مقصر هنا وهنا وهنا، فالوضع يسوء اكتر ونفسيتك تدهور اكتر واكتر، ويمكن تلاقي الضغط النفسي ده سبب ان الحاجة اللي كنت مديها كل وقتك مطلعتش فيها بأحسن نتيجة ومقدرتش تأدي فيها، فنفسياً يزداد الوضع سوء ، وتفضل في الدوامة ديه واللي ممكن نهايتها للاسف الاكتئاب والفشل في كل النواحي.
بعيداً عن اني حكيت الموضوع باسوأ سيناريو ونتيجة ممكنه، بس ديه النتيجة اللي بيوصل ليها معظم الناس إلا القليل، ولو حد نجى من ده على الاقل بنجاحه في اللي كان مركز فيه ، لما يفوق هيلاقي علاقته بأهله، بصحابه، بجسمه، بنفسه او حتى بربه متدهورة او يمكن حتى انتهت.
عارف حل كل ده ايه يا صديقي؟ في كلمة واحدة هو التوازن. التوازن هو المعادلة الصعبة اللي مقدرش يحققها كتير واللي محتاجة مجهود كبير اوي عشان تحققها، ليه؟ لانه ببساطة بيحتاج الإيمان. وآه من اهمية الإيمان.
بيحتاج يا صديقي انك تآمن ان عليك السعي وليس النتيجة، إيمانك بالنقطة ديه قادر على انه يخلي سعيك في أشد الأمور يكون من غير اي ضغوط نفسيه بل وبكل سلام نفسي، قادر يحول رحلة السعي من رحلة شقا وتعب لرحلة تعلم ومتعة. قادر انه يرجعلك توازنك.
ولكن السؤال هل انت فعلاً مؤمن بده؟
ديه بداية كلامنا مش نهايته ولكن لحد لما نتقابل حابب اسأل سؤال دايما إجابته بتبقي مهمة .
فرضاً إنك في ثانوية عامة وعندك امتحان فيزيا تاني يوم ، وفرضاً تاني انك مخلص كل اللي عليك ومفيش حاجة فاضلة تعملها بل ومتأكد انك مش هتعمل حاجة، وحد من صحابك طلب منك ننزل تخرج معاه؟ هتنزل ولا لا؟

#وَازِن
#صحة
#رياضة
#دراسة


مين هي وَازِن؟احنا في حملة "وَازِن : صحة، رياضة، ودراسة" مؤمنين بأهمية الحفاظ على توازن بين دماغك وعضلاتك وعقلك. هدفنا إ...
21/04/2024

مين هي وَازِن؟

احنا في حملة "وَازِن : صحة، رياضة، ودراسة" مؤمنين بأهمية الحفاظ على توازن بين دماغك وعضلاتك وعقلك. هدفنا إننا نحفز الشباب على تحقيق التوازن اللي يحتاجوه في حياتهم ، فا هنا بندمج الحركة البدنية واهتمامات العقل في يومهم.
طيب ما تيجوا نتكلم شوية عن اهمية واحدة واحدة📝 :
🧘‍♂ الصحة النفسية:
الصحة النفسية هي أساس الفرح والنجاح. نشجعكم إنكم تستمعوا للي في دماغكم، وتتطوروا في التعامل مع المشاكل اللي بتواجهوها، وتدوروا عن السكينة والاسترخاء بالطرق زي المواعيد، والتأمل، والفن.

🏋‍♀ الرياضة:
الحركة البدنية مهمة جدًا في تعزيز الصحة والطاقة. سواء كنتم بتلعبوا رياضة كل يوم أو ببساطة تستمتعوا بأنشطة بدنية، هي تساعد في تقوية الجسم وتحسين المزاج.

📚 الدراسة:
النجاح الأكاديمي مش بس بالمذاكرة، لكن دة كمان بيحتاج توازن بين الجد والاستراحة. فا احنا هنا عشان نشجعكم إنكم تنظموا وقتكم، وتحددوا أولوياتكم، وتستفيدوا من الأدوات إنكم تحققوا أهدافكم بنجاح.

في حملتنا "وَازِن"، التوازن مش هدف فقط، إنه نهج حياة. انضموا لينا في الرحلة دى عشان نكتشف الفرح والنجاح بالحفاظ على توازن بين العقل، والجسم، والروح. 💪🧠✨
يلا بينا؟🔥

#وَازِن
#صحة
#رياضة
#دراسة


Address

1 Gamaa Street
Giza
12613

Website

Alerts

Be the first to know and let us send you an email when وَازِن - wazen posts news and promotions. Your email address will not be used for any other purpose, and you can unsubscribe at any time.

Shortcuts

Share

Category